ಸ್ವಚ್ಛ ಪರಿಸರ ನಿರ್ಮಾಣಕ್ಕೆ ಮುಂದಾಗಿ

ಅಳವಂಡಿ: ಮನುಷ್ಯನ ಆರೋಗ್ಯಕರ ಜೀವನಕ್ಕೆ ಶುದ್ಧ ಪರಿಸರ ಅವಶ್ಯ. ಹೀಗಾಗಿ ಪ್ರತಿಯೊಬ್ಬರು ಗಿಡ ನೆಟ್ಟು ಬೆಳೆಸಬೇಕು ಎಂದು ಮುಖ್ಯಶಿಕ್ಷಕ ಮಹಮದ್ ರಫಿ ಹೇಳಿದರು.

ಇದನ್ನೂ ಓದಿ: ಕಪ್ಪತ್ತಗಿರಿಯಲ್ಲಿ ಪರಿಸರೋತ್ಸವ

ಸಮೀಪದ ಘಟ್ಟಿರಡ್ಡಿಹಾಳ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಪರಿಸರ ದಿನದ ಅಂಗವಾಗಿ ಗಿಡ ನೆಟ್ಟು ಮಂಗಳವಾರ ಮಾತನಾಡಿದರು. ಕೆಟ್ಟ ವಿಚಾರಗಳು ಬದುಕನ್ನು ದುರ್ಬಲಗೊಳಿಸುತ್ತವೆ. ಅದರಂತೆ ಮಲೀನ ಪರಿಸರ ಮನುಷ್ಯನ ಆರೋಗ್ಯ ಹಾಳು ಮಾಡುತ್ತದೆ.

ಅನಾರೋಗ್ಯ ಇದ್ದರೆ ಮನಸ್ಸು ದುರ್ಬಲಗೊಂಡು ಏನನ್ನು ಸಾಧಿಸಲಾಗದು. ಕಾರಣ ಗಿಡ ನೆಡುವ ಮೂಲಕ ಸ್ವಚ್ಛ ಪರಿಸರ ನಿರ್ಮಿಸಿ ಪರಿಸರ ಸಂರಕ್ಷಣೆ ಮಾಡಬೇಕು ಎಂದರು. ಶಿಕ್ಷಕರಾದ ನೇತ್ರಾ ಹರ್ಲಾಪುರ, ಗಂಗಮ್ಮ ಕೊಂಚಿಗೇರಿ, ಆರೋಗ್ಯ ನಿರೀಕ್ಷಣಾಧಿಕಾರಿ ವಸಂತ ಗದ್ದಿಕೇರಿ ಇದ್ದರು.