ಈ ಭಾಗದಲ್ಲಿ ಐದಾರು ಶಾಲೆ-ಕಾಲೇಜುಗಳಿವೆ. ಸಾಯಿ ಮಂದಿರ ಸೇರಿದಂತೆ ಪ್ರಮುಖ ದೇವಸ್ಥಾನಗಳಿವೆ. ಜತೆಗೆ ವಂಟಮುರಿ ಆಶ್ರಯ ಕಾಲನಿ, ಕೈಗಾರಿಕಾ ಪ್ರದೇಶವೂ ಇದೇ ಮಾರ್ಗದಲ್ಲಿ ಬರುತ್ತದೆ. ಹೀಗಾಗಿ ಈ ತಂಗುದಾಣ ಅನೇಕರಿಗೆ ಆಶ್ರಯವಾಗಿದೆ. ಆದರೆ, ಇದರ ಸುತ್ತ ಗಿಡಗಂಟಿಗಳು ಇರುವ ಕಾರಣಕ್ಕೆ ಪ್ರಯಾಣಿಕರು ರಸ್ತೆ ಪಕ್ಕದಲ್ಲಿ ನಿಂತು ಬಸ್ಗಾಗಿ ಕಾಯುವ ಸ್ಥಿತಿ ನಿರ್ಮಾಣಗೊಂಡಿದೆ. ಇದರಿಂದ ಚಳಿ, ಗಾಳಿ, ಮಳೆಯಿಂದ ರಕ್ಷಣೆ ಪಡೆಯಲು ಪ್ರಯಾಣಿಕರು ಹರಸಾಹಸ ಪಡುವಂತಾಗಿದೆ. ಇನ್ನೂ ರಾತ್ರಿ ಹೊತ್ತು ಮದ್ಯಪಾನಿಗಳ ಅಡ್ಡೆಯಾಗಿ ಪರಿಣಮಿಸಿದೆ. ಇದರಿಂದ ಜನರು ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಇನ್ನಾದರೂ ಸಂಬಂಧಿಸಿದ ಅಧಿಕಾರಿಗಳು ಇತ್ತ ಕಡೆ ಗಮನ ಹರಿಸಿ ತಂಗುದಾಣದ ಸುತ್ತ ಸ್ವಚ್ಛತೆ ಕಾಯ್ದುಕೊಂಡು ಪ್ರಯಾಣಿಕರಿಗೆ ಅನುಕೂಲ ಮಾಡಿಕೊಡಬೇಕು ಎಂಬ ಆಗ್ರಹ ಎಲ್ಲರದ್ದು.
