ಬೆಂಗಳೂರು: ರಾಜ್ಯದ ಕೆಲವು ಕಡೆ ಗುರುವಾರ ಚಿತ್ರಪ್ರದರ್ಶನ ಪ್ರಾರಂಭವಾದರೂ ಅಷ್ಟಾಗಿ ಸ್ಪಂದನೆ ವ್ಯಕ್ತವಾಗಿಲ್ಲ. ಕೆಲವು ಜಿಲ್ಲೆಗಳಲ್ಲಿ ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳು ಚಿತ್ರ ಪ್ರದರ್ಶನ ಆರಂಭಿಸಿವೆ. ಮಲ್ಪಿಪ್ಲೆಕ್ಸ್ಗಳೂ ಎಲ್ಲ ಕಡೆ ತೆರೆಯಲಿಲ್ಲ. ಪ್ರಮುಖವಾಗಿ ಚಿತ್ರದುರ್ಗ, ದಾವಣಗೆರೆ, ಬೆಳಗಾವಿ, ಧಾರವಾಡ, ಗದಗ, ಹಾವೇರಿ, ಉತ್ತರ ಕನ್ನಡ, ಚಾಮರಾಜನಗರ, ಕೊಡಗು, ಮಂಡ್ಯ ಜಿಲ್ಲೆ, ಹಾಸನ, ಕಲಬುರಗಿ, ಯಾದಗಿರಿ, ವಿಜಯಪುರ, ಬಾಗಲಕೋಟೆ, ಬೀದರ್, ಕೊಪ್ಪಳ, ರಾಯಚೂರು, ಬಳ್ಳಾರಿ ಜಿಲ್ಲೆಗಳಲ್ಲಿ ಚಿತ್ರಮಂದಿರಗಳು ತೆರೆದಿಲ್ಲ. ಸರ್ಕಾರಕ್ಕೆ ಚಲನಚಿತ್ರ ಪ್ರದರ್ಶಕರು ಹಲವು ಬೇಡಿಕೆಗಳನ್ನು ಮುಂದಿಟ್ಟಿದ್ದು, ಅವು ಈಡೇರುವವರೆಗೂ ಚಿತ್ರಪ್ರದರ್ಶನ ನಡೆಯುವುದಿಲ್ಲ ಎನ್ನುವ ಮಾತು ಕೇಳಿಬರುತ್ತಿದೆ.
