ಯುಗಾದಿ ಹಬ್ಬದ ಸಂಭ್ರಮ

ಪರಾಭವ ನಾಮ ಸಂವತ್ಸರದ ಯುಗಾದಿಯನ್ನು ಗುರುವಾರ ಅಭ್ಯಂಜನ ಸ್ನಾನ, ಬೇವು-ಬೆಲ್ಲ ಸವಿಯುವುದರೊಂದಿಗೆ ಸ್ವಾಗತಿಸಿ ದರು. ಮನೆ ಮುಂಬಾಗಿಲು, ದೇವರ ಮನೆಗೆ ಮಾವಿನ ತೋರಣ, ಬೇವಿನ ಎಲೆ ಗೊಂಚಲು, ಪುಷ್ಪಗಳಿಂದ ತಳಿರು-ತೋರಣ ಕಟ್ಟಿದ್ದರು. ಮಹಿಳೆಯರು ಆವರಣದಲ್ಲಿ ಆಕರ್ಷಕವಾಗಿ ರಂಗೋಲಿ ಹಾಕಿ ವಿವಿಧ ವರ್ಣದಿಂದ ಸಿಂಗರಿಸಿದ್ದರು.

ಯುಗಾದಿಯಲ್ಲಿ ಚಂದ್ರದರ್ಶನ ಪ್ರಮುಖ ಭಾಗವಾಗಿದ್ದು, ಶುಕ್ರವಾರ ಸಂಜೆ ಮೋಡದ ಮರೆಯಲ್ಲಿ ಕಣ್ಣಾ-ಮುಚ್ಚಾಲೆ ಆಟದಂತೆ, ಗೆ ರೆಯಂತೆ ಗೋಚರಿಸಿದ ಚಂದ್ರನ ದರ್ಶನ ಪಡೆದರು. ನಂತರ ದೇಗುಲಕ್ಕೆ ತೆರಳಿ ದೇವರ ದರ್ಶನ ಪಡೆದರು. ಹಲವು ದೇಗುಲ ಗಳನ್ನು ಗುರುವಾರವೇ ಕಣ್ಮನ ಸೆಳೆಯುವಂತೆ ವಿವಿಧ ಬಗೆಯ ಪುಷ್ಪ, ವಿದ್ಯುದ್ದೀಪಾಲಂಕಾರದಿAದ ಅಲಂಕರಿಸಲಾಗಿತ್ತು. ದೇವರ ಮೂರ್ತಿಗಳು ಕೂಡ ಕಂಗೊಳಿಸಿದವು.

ನಗರದ ಹೃದಯ ಭಾಗದಲ್ಲಿರುವ ನೀಲಕಂಠೇಶ್ವರ ಸ್ವಾಮಿ ಸನ್ನಿಧಾನ ಬೆಳಗ್ಗೆ ೫ ರಿಂದ ರಾತ್ರಿ ೧೨ರವರೆಗೂ ತೆರೆದಿತ್ತು. ಇಲ್ಲಿ ಭಕ್ತರ ಸಂಖ್ಯೆ ಹೆಚ್ಚಿತ್ತು.

ಮೇಲುದುರ್ಗದ ಹಿಡಂಬೇಶ್ವರ, ಸಂಪಿಗೆ ಸಿದ್ದೇಶ್ವರ, ಬೆಟ್ಟದ ಗಣಪತಿ, ಏಕನಾಥೇಶ್ವರಿ, ಉಚ್ಚಂಗಿ ಯಲ್ಲಮ್ಮ,ಬರಗೇರಮ್ಮ, ಕಣಿ ವೆಮಾರಮ್ಮ, ಗೌರಸಂದ್ರ ಮಾರಮ್ಮ, ತ್ರಿಪುರಸುಂದರಿ ತಿಪ್ಪನಘಟ್ಟಮ್ಮ, ಕಾಳಿಕಾಮಠೇಶ್ವರಿ, ಚೌಡೇಶ್ವರಿ, ಬನ್ನಿಮಹಾಕಾಳ ಮ್ಮ,ಕೆಳಗೋಟೆಯ ಕೊ¯್ಲÁಪುರದ ಮಹಾಲಕ್ಷಿ÷್ಮÃ ದೇವಿ ಒಳಗೊಂಡು ಹಲವು ದೇಗುಲಗಳಲ್ಲಿ ಅಭಿಷೇಕ, ನೈವೇದ್ಯ, ಮಹಾ ಮಂಗಳಾರತಿ ಸೇರಿ ವಿಶೇಷ ಪೂಜೆ ನೆರವೇರಿದವು. ಭೇಟಿ ನೀಡಿದ ಭಕ್ತರು ಉತ್ತಮ ಮಳೆ, ಬೆಳೆ, ಆರೋಗ್ಯ, ಸಮೃದ್ಧಿ ಸೇರಿ ಇಷ್ಟಾರ್ಥ ಈಡೇರಿಸುವಂತೆ ಪ್ರಾರ್ಥಿಸಿಕೊಂಡರು.

ಚಂದ್ರ ಮತ್ತು ದೇವರ ದರ್ಶನದ ನಂತರ ಗುರು-ಹಿರಿಯರ ಮನೆಗಳಿಗೆ ತೆರಳಿ ಆಶೀರ್ವಾದ ಪಡೆದರು. ಸ್ನೇಹಿತರಿಗೆ, ಹಿತೈಷಿ ಗಳಿಗೆ, ಸಂಬAಽಕರಿಗೆ ಹಬ್ಬದ ಶುಭಾಶಯ ಹೇಳಿದರು.