೫೩೦೦ ಕೋಟಿ ರೂ.ಅನುದಾನಕ್ಕೆ ಎಳ್ಳು ನೀರು

ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ೨೦೨೨-೨೩ರ ಬಜೆಟ್‌ನಲ್ಲಿ `ಭದ್ರಾ'ವನ್ನು ರಾಷ್ಟಿçÃಯ ಯೋಜನೆಯನ್ನಾಗಿ ಘೋಷಿಸಿ ೫೩೦೦ ಕೋಟಿ ರೂ.ಅನುದಾನ ಬಿಡುಗಡೆ ಮಾಡುವುದಾಗಿ ಕೇಂದ್ರ ಹೇಳಿತ್ತು. ನಂತರ ರಾಷ್ಟಿçÃಯ ಯೋಜನೆ ಅಸಾಧ್ಯವೆಂದು ಹೇಳಿದ್ದ ಕೇಂದ್ರ, ಪ್ರಧಾನ ಮಂತ್ರಿ ಕೃಷಿ ಸಂಚಾಯಿನಿ ಯೋಜನೆ(ಪಿಎಂಕೆಎಸ್‌ವೈ)ಯಡಿ ಪ್ರಸ್ತಾವನೆ ಸಲ್ಲಿಸಿದರೆ

ಅನುದಾನ ಒದಗಿಸುವುದಾಗಿ ತಿಳಿಸಿತ್ತು.

ಆದರೆ ಕೇಂದ್ರ ಸಂಪುಟದ ಅನುಮೋದನೆ ದೊರಕದೆ ಅನುದಾನ ಬಿಡುಗಡೆಯಾಗಲಿಲ್ಲ ಹಾಗೂ ಈವರೆಗೂ ಪಿಎಂಕೆಎಸ್‌ವೈಯಡಿ ಪ್ರಸ್ತಾಪವಾಗದೆ ಅನುದಾನಕ್ಕೆ ಎಳ್ಳು ನೀರು ಬಿಟ್ಟಂತಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದರು.

ಕರ್ನಾಟಕದಲ್ಲಿ ಕೈಗೆತ್ತಿಕೊಳ್ಳಲಾದ ಪಿಎಂಕೆಎಸ್ ಯೋಜನೆಗಳ ಕುರಿತಂತೆ ಚಿಕ್ಕಬಳ್ಳಾಪುರ ಸಂಸದ ಡಾ. ಸುಧಾಕರ್ ಅವರಿಗೆ ಅಽವೇಶನದಲ್ಲಿ ಉತ್ತರಿಸಿರುವ ಕೇಂದ್ರದ ಜಲಶಕ್ತಿ ಸಚಿವ ಸಿ.ಆರ್.ಪಾಟೀಲ್ ಅವರು, ೨೦೨೦-೨೦೨೫ರವರೆಗೆ ಜಾರಿಯಲ್ಲಿ ರುವ ಪಿಎಂಕೆಎಸ್‌ವೈ ೨೦೨೬ ಮಾರ್ಚ್ಗೆ ಮುಕ್ತಾಯವಾಗುತ್ತದೆ. ಅಪ್ಪರ್ ತುಂಗಾ, ರಾಮೇಶ್ವರ, ಭೀಮ ಏತ ನೀರಾವರಿ, ಕಾ ರಂಜ ಯೋಜನೆ ಹಾಗೂ ನಾರಾಯಣಪುರ ಲೆ-ï್ಟ ಬ್ಯಾಂಕ್ ಕಾಲುವೆ ಯೋಜನೆಗಳು ಪಿಎಂಕೆಎಸ್‌ವೈ ಪಟ್ಟಿಯಲ್ಲಿವೆ ಎಂದು ತಿಳಿಸಿದ್ದಾರೆ.

ಪಿಎಂಕೆಎಸ್‌ವೈ ೨೦೨೬ರಿಂದ ೨೦೩೧ರವರೆಗೆ ಮತ್ತೆ ಮುಂದುವರಿಯಲಿದ್ದು, ಇದರಡಿ ಭದ್ರಾ ಪ್ರಸ್ತಾಪವಾಗಿ ಅನುದಾನದ ಭರವಸೆ ಸಿಗಬೇಕಿದೆ. ಕೇಂದ್ರ ಜಲಶಕ್ತಿ ಸಚಿವಾಲಯದ ಅಽಕಾರಿಗಳ ಸೂಚನೆಯಂತೆ ಭದ್ರಾ ಮೇಲ್ದಂಡೆ ಯೋಜನೆ ವೆಚ್ಚ ೨೧,೧೬೭ ಸಾವಿರ ಕೋಟಿ ರೂ.ಗೆ ಹೆಚ್ಚಿಸಿದ್ದು, ಈ ಪರಿಷ್ಕೃತ ಪ್ರಸ್ತಾವನೆಗೆ ಅಂತಿಮ ಅನುಮೋದನೆ ಬಳಿಕವೇ ಪಿಎಂಕೆ ಎಸ್‌ವೈಯಡಿ ಭದ್ರಾಕ್ಕೆ ಕೇಂದ್ರದಿAದ ಅನುದಾನ ಸಿಗಬಹುದು.

ಆದ್ದರಿಂದ ಇಚ್ಛಾಶಕ್ತಿ ಪ್ರದರ್ಶಿಸಿದರೆ ಒಂದು ವರ್ಷದೊಳಗೆ ಕೇಂದ್ರದಿAದ ಅನುದಾನ ಪಡೆಯಲು ಸಾಧ್ಯವಾಗಬಹುದು. ರಾಜ್ಯದ ಸಂಸದರು ತಮ್ಮ ಬದ್ಧತೆ ಪ್ರದರ್ಶಿಸಬೇಕಿದೆ ಎಂದರು. ಕೆ.ಆರ್. ದಯಾನಂದ, ಪ್ರೊ.ಜೆ.ಯಾದವರೆಡ್ಡಿ, ಕೆ.ಪಿ. ಭೂತಯ್ಯ, ಹಂಪಯ್ಯನಮಾಳಿಗೆ ಧನಂಜಯ, ಚಿಕ್ಕಪ್ಪನಹಳ್ಳಿ ರುದ್ರಸ್ವಾಮಿ, ಮಲ್ಲಾಪುರ ತಿಪ್ಪೇಸ್ವಾಮಿ, ಚಿಕ್ಕಪ್ಪನಹಳ್ಳಿ ಷÀಣ್ಮುಖ ಇದ್ದರು.

ರಾಜ್ಯ ಸರ್ಕಾರವೂ ಅನುದಾನ ಬಿಡುಗಡೆಗೆ ತಾರತಮ್ಯ ನೀತಿ ಅನುಸರಿಸುತ್ತಿದೆ. ಚಿತ್ರದುರ್ಗ ಶಾಖಾ ಕಾಲುವೆ ಕಾಮಗಾರಿ ಪೂರ್ಣಗೊಳಿಸಲು ಅಗತ್ಯವಿರುವ ೨೦೦ ಕೋಟಿ ರೂ.ಅನುದಾನ ಬಿಡುಗಡೆಗೂ ಮೀನ ಮೇಷ ಎಣಿಸುತ್ತಿದೆ. ಕೇಂದ್ರವನ್ನು ದೂರುತ್ತಾ ಕಾಲಹರಣ ಮಾಡುತ್ತಿದೆ. ರಾಜ್ಯ ಸರ್ಕಾರದ ಈ ನಡೆ ಜನವಿರೋಽಯಾಗಿದೆ. ಕೇಂದ್ರಕ್ಕೆ ಕಾಯದೆ ಕೂಡಲೇ ಅನುದಾನ ಬಿಡುಗಡೆ ಮಾಡುವಂತೆ ಸಿಎಂ ಸಿದ್ದರಾಮಯ್ಯ ಅವರನ್ನು ಲಿಂಗಾರೆಡ್ಡಿ ಒತ್ತಾಯಿಸಿದರು.