೭೫ ವರ್ಷ ಮೀರಿದ ನಾಗರಿಕರ ಮನೆ ಬಾಗಿಲಿಗೆ ಪಡಿತರ

ಚಿತ್ರದುರ್ಗ ಜಿಲ್ಲೆಯಲ್ಲಿ ೬,೨೯೫ ಏಕ ಸದಸ್ಯ(ಒಬ್ಬ ಹಿರಿಯ ನಾಗರಿಕ)ರನ್ನು ಗುರುತಿಸಿ ಅವರ ಮನೆ ಬಾಗಿಲಿಗೆ ಪಡಿತರ ತಲುಪಿ ಸುವ ಕಾರ್ಯ ಆರಂಭಿಸಲಾಗಿದೆ. ಚಳ್ಳಕೆರೆ ತಾಲೂಕಿನಲ್ಲಿ ೧೨೩ ನ್ಯಾಯಬೆಲೆ ಅಂಗಡಿಗಳು, ೧,೫೧೪ ಪಡಿತರ ಚೀಟಿಗಳು ಇವೆ. ಚಿತ್ರದುರ್ಗ-೧೫೧-೧,೧೦೬, ಹಿರಿಯೂರು- ೯೨- ೧,೪೬೦, ಹೊಳಲ್ಕೆರೆ-೯೬-೮೬೬, ಹೊಸದುರ್ಗ-೧೧೦-೯೧೨ ಹಾಗೂ ಮೊಳಕಾಲ್ಮೂರು ತಾಲೂಕಿನಲ್ಲಿ ೫೦ ನ್ಯಾಯಬೆಲೆ ಅಂಗಡಿಗಳು ಮತ್ತು ೪೩೭ ಪಡಿತರ ಚೀಟಿಗಳಿವೆ.

ಅನ್ನಸುವಿಧ ಮಾಡ್ಯುಲ್‌ನಲ್ಲಿ ಇಕೆವೈಸಿಯಾದ ೬,೨೯೫ ಏಕ ಸದಸ್ಯ ಪಡಿತರ ಚೀಟಿದಾರರ ಪಟ್ಟಿ ಆಯಾ ನ್ಯಾಯಬೆಲೆ ಅಂಗಡಿ ಲಾಗಿನ್‌ನಲ್ಲಿ ಲಭ್ಯವಿದೆ. ನ್ಯಾಯಬೆಲೆ ಅಂಗಡಿ ಮಾಲೀಕರು ಪ್ರತಿ ತಿಂಗಳು ೧ರಿಂದ ೫ರೊಳಗೆ ಒಟಿಪಿ ಮುಖಾಂತರ ಪಡಿತರ ಚೀಟಿದಾರರ ಸಮ್ಮತಿ ಪಡೆಯಬೇಕು.

೬ ರಿಂದ ೧೫ ರೊಳಗೆ ದಿನಾಂಕ ನಿಗಽಪಡಿಸಿ ಒಟಿಪಿ ಮತ್ತು ಬಯೋಮೆಟ್ರಿಕ್ ಪಡೆದು ಪಡಿತರ ವಿತರಿಸುತ್ತಾರೆ. ಬಯೋ ಮೆಟ್ರಿಕ್‌ ನಿಂದ ಪಡೆವ ಪಡಿತರ ಚೀಟಿದಾರರಿಗೂ ಈ ಯೋಜನೆಯಡಿ ಪಡಿತರ ವಿತರಿಸಲು ಅವಕಾಶವಿದೆ. ಹಾಗೂ ನ್ಯಾಯಬೆಲೆ ಅಂಗಡಿ ಮಾಲೀಕರಿಗೆ ಇದಕ್ಕಾಗಿ ಪ್ರತಿ ಪಡಿತರ ಚೀಟಿಗೆ ೫೦ ರೂ.ಸೇವಾ ಶುಲ್ಕವನ್ನು ಸರ್ಕಾರ ಪಾವತಿಸಲಿದೆ ಎಂದು ಆಹಾರ ಇಲಾಖೆ ಜಂಟಿ ನಿರ್ದೇಶಕ ಶಿದ್ರಾಮ ಮಾರಿಹಾಳ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.