ಜನಗಣತಿ ನಂತರವೇ ಹೊಸ ಜಿ¯್ಲೆ, ತಾಲೂಕು ರಚನೆ

ಶುಕ್ರವಾರ ಡಿಸಿ ಕಚೇರಿಯಲ್ಲಿ ಪ್ರಗತಿ ಪರಿಶೀಲನೆ ನಡೆಸಿದ ಬಳಿಕ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು. ಜನಗಣತಿ ಪೂರ್ಣಗೊಳ್ಳದೆ ಯಾವುದೇ ಆಡಳಿತಾತ್ಮಕ ಗಡಿ ಗುರುತಿಗೆ ಕೇಂದ್ರದ ನಿರ್ಬಂಧವಿದೆ. ಆದ್ದರಿಂದ ಗಣತಿ ಪ್ರಕ್ರಿಯೆ ಪೂರ್ಣವಾಗದೆ ರಾಜ್ಯದಲ್ಲಿ ಹೊಸ ಕಂದಾಯ ಘಟಕಗಳ ರಚನೆ ಇಲ್ಲ ಎಂದರು.

ಮೂಲಸೌಕರ್ಯ ಅಭಿವೃದ್ಧಿ: ೨೦೧೭-೨೦೨೦ರ ಅವಽಯಲ್ಲಿ ರಾಜ್ಯದಲ್ಲಿ ರಚನೆಯಾಗಿದ್ದ ೬೩ ಹೊಸ ತಾಲೂಕುಗಳಲ್ಲಿ ತಹ ಸೀಲ್ದಾರ್ ಕಚೇರಿ ಸಹಿತ ಮೂಲಸೌಕರ್ಯಗಳ ಕೊರತೆ ಇತ್ತು. ಈ ಪೈಕಿ ೧೪ ತಾಲೂಕುಗಳಿಗೆ ಆಡಳಿತ ಭವನಗಳನ್ನು ನಿರ್ಮಿಸಲಾಗಿದೆ. ಉಳಿದ ೪೯ ತಾಲೂಕುಗಳಿಗೆ ಪ್ರಜಾಸೌಧ ಹೆಸರಿನಲ್ಲಿ ಸುಸಜ್ಜಿತ ತಾಲೂಕು ಕಚೇರಿ ಕಟ್ಟಡಗಳ ನಿರ್ಮಾಣ ಒಂದೂವರೆ ವರ್ಷದೊಳಗೆ ಪೂರ್ಣಗೊಳ್ಳಲಿದೆ ಎಂದು ತಿಳಿಸಿದರು.

ಹಟ್ಟಿ, ತಾಂಡಾಗಳು, ಭೋವಿ ಕಾಲನಿ, ಕ್ಯಾಂಪ್, ಹಾಡಿ ಮೊದಲಾದ ಪ್ರದೇಶಗಳಲ್ಲಿ ಕಂದಾಯ ಗ್ರಾಮಗಳ ಮಾನ್ಯತೆ ಇಲ್ಲದೆ ವಾಸವಿರುವ ಕುಟುಂಬಗಳಿಗೆ ಪಕ್ಕಾ ವಸತಿ ದಾಖಲೆ ಒದಗಿಸಲು ೨೦೧೬ರಲ್ಲಿ ಕಾನೂನು ತಿದ್ದುಪಡಿ ಮಾಡಲಾಗಿದೆ. ಇದಾದ ಬಳಿಕ ೧ ಲಕ್ಷ ಕುಟುಂಬಗಳಿಗೆ ಹಕ್ಕುಪತ್ರ ವಿತರಿಸಿದ್ದು, ನಮ್ಮ ಸರ್ಕಾರದಲ್ಲಿ ೨.೨೦ ಲಕ್ಷ ಕುಟುಂಬಗಳಿಗೆ ಹಕ್ಕುಪತ್ರ ವಿತರಿಸುವ ಗುರಿ ಇದೆ ಎಂದರು.

ಕಳೆದ ವರ್ಷ ಹೊಸಪೇಟೆಯಲ್ಲಿ ೧.೧೦ ಲಕ್ಷ ಕುಟುಂಬಗಳಿಗೆ ಹಕ್ಕುಪತ್ರ ವಿತರಿಸಲಾಗಿದೆ. -Éಬ್ರವರಿ ೧೪ರಂದು ಹಾವೇರಿಯಲ್ಲಿ ನಡೆಯುವ ಸಮಾವೇಶದಲ್ಲಿ ಇನ್ನೂ ೧.೧೦ ಲಕ್ಷ ಕುಟುಂಬಗಳಿಗೆ ಹಕ್ಕುಪತ್ರ ವಿತರಿಸಲಾಗುವುದು. ಇದು ನಮ್ಮ ಸರ್ಕಾರದ ಭೂ ಗ್ಯಾರಂಟಿ, ಎಂದು ಬಣ್ಣಿಸಿದರು.

ಜಮೀನಿನ ಮೂಲ ದಾಖಲೆಗಳ ನಾಶ, ದುರುಪಯೋಗ, ಕಡತಗಳ ಕಳವು ತಡೆಯಲು ಭೂ ಸುರಕ್ಷಾ ಯೋಜನೆಯಡಿ ದಾಖಲೆಗಳ ಡಿಜಿಟಲೀಕರಣ ಮಾಡಲಾಗುತ್ತಿದೆ. ಇದರಡಿ ೬೩.೫೮ ಕೋಟಿ ಪುಟಗಳ ದಾಖಲೆಗಳ ಸ್ಕ್ಯಾನಿಂಗ್ ಆಗಿದೆ. ಕೆಲವೇ ತಿಂಗಳಲ್ಲಿ ರೈತರು ಆನ್‌ಲೈನ್ ಮೂಲಕ ದಾಖಲೆಗಳ ದೃಢೀಕೃತ ಪ್ರತಿ ಪಡೆಯಬಹುದಾಗಿದೆ. ಈಗಾಗಲೇ ೧೦೦ ತಾಲೂಕುಗಳಲ್ಲಿ ಈ ಕಾರ್ಯ ಪೂರ್ಣಗೊಂಡಿದೆ. ನಕಲಿ ವ್ಯಕ್ತಿಗಳಿಗೆ ಕಡಿವಾಣ ಹಾಕಲು ಜಮೀನು ಮಾಲೀಕರ ಆರ್‌ಟಿಸಿಗೆ ಆಧಾರ್ ಜೋಡಣೆ ಮಾಡಲಾಗುತ್ತಿದೆ ಎಂದು ವಿವರಿಸಿದರು.

ಕರ್ನಾಟಕ ದ್ರಾಕ್ಷಾರಸ ಮಂಡಳಿ ಅಧ್ಯಕ್ಷ ಡಾ. ಬಿ. ಯೋಗೇಶ್‌ಬಾಬು, ಜಿ¯್ಲÁ ಗ್ಯಾರಂಟಿ ಅನುಷ್ಠಾನ ಪ್ರಾಽಕಾರದ ಅಧ್ಯಕ್ಷ ಆರ್. ಶಿವಣ್ಣ, ಡಿಸಿ ಟಿ. ವೆಂಕಟೇಶ್, ಎಡಿಸಿ ಬಿ.ಟಿ. ಕುಮಾರಸ್ವಾಮಿ, ಎಸಿ ವೆಂಕಟೇಶ್ ನಾಯ್ಕï, ಭೂದಾಖಲೆಗಳ ಉಪ ನಿರ್ದೇಶಕಿ ಭಾಗ್ಯಮ್ಮ ಇತರರು ಇದ್ದರು.

ರಾಜ್ಯದ ತಹಸೀಲ್ದಾರ್ ಕೋರ್ಟ್ಗಳಲ್ಲಿದ್ದ ೧೦,೭೭೪ ಅವಽ ಮೀರಿದ ಜಮೀನು ವ್ಯಾಜ್ಯ ಪ್ರಕರಣಗಳ ಸಂಖ್ಯೆ ೪೪೮ಕ್ಕೆ ಇಳಿದಿದೆ ಎಂದು ಸಚಿವರು ಹೇಳಿದರು. ಎಸಿ ಕೋರ್ಟ್ಗಳಲ್ಲಿದ್ದ ೭೩,೬೨೪ ಪ್ರಕರಣಗಳನ್ನು ೧೧,೮೦೦ಕ್ಕೆ ತಗ್ಗಿಸಲಾಗಿದೆ. ಇದಕ್ಕಾಗಿ ೨೫ ಹೆಚ್ಚುವರಿ ಎಸಿಗಳನ್ನು ನೇಮಿಸಲಾಗಿತ್ತು. ಇನ್ನು ೨-೩ ತಿಂಗಳಲ್ಲಿ ಈ ಪ್ರಕರಣಗಳ ಸಂಖ್ಯೆ ಇನ್ನೂ ಕಡಿಮೆಯಾಗಲಿದೆ ಎಂದರು.

ದರಖಾಸ್ತು, ಬಗರ್‌ಹುಕುಂ ಜಮೀನಿಗೆ ಪೋಡಿ, ಸರ್ವೆ ಸ್ಕೆಚ್ ಮತ್ತಿತರ ಪಕ್ಕಾ ದಾಖಲೆ ಒದಗಿಸಲಾಗುತ್ತಿದೆ. ೨೦೧೩ ರಿಂದ ೨೦೧೮ರ ನಡುವೆ ೫,೮೪೨ ಜಮೀನುಗಳ ಪೋಡಿ ದುರಸ್ತಿ ಆಗಿದ್ದರೆ, ೨೦೧೮ ರಿಂದ ೨೦೨೩ ರೊಳಗೆ ೮,೫೦೦ ಆಗಿದೆ. ಪ್ರಸ್ತುತ ರೈತರ ಅರ್ಜಿಗಳನ್ವಯ ೧,೮೯,೪೯೯ ಜಮೀನಿಗೆ ಪಕ್ಕಾ ದಾಖಲೆ ಒದಗಿಸುವ ಕಾರ್ಯ ಶೇ. ೭೫ ರಷ್ಟು ಪೂರ್ಣಗೊಂಡಿದೆ ಎಂದು ಮಾಹಿತಿ ನೀಡಿದರು.

ಗ್ರಾಮಾಡಳಿತಾಽಕಾರಿಗಳನ್ನು ಮನೆ ಬಾಗಿಲಿಗೆ ಕಳಿಸಿ ಪೌತಿ ಖಾತೆಗಳನ್ನು ಮಾಡಿಕೊಡಲಾಗುತ್ತಿದೆ ಎಂದು ಸಚಿವ ಕೃಷ್ಣ ಬೈರೇಗೌಡ ತಿಳಿಸಿದರು. ನಿಧನ ಹೊಂದಿದ ೧೧ ಲಕ್ಷ ಮಾಲೀಕರ ಜಮೀನನ್ನು ಅವರ ಕಾನೂನುಬದ್ಧ ವಾರಸುದಾರರಿಗೆ ಖಾತೆ ಮಾಡಿಕೊಡಲಾಗಿದೆ. ಉತ್ತಮವಾಗಿ ಕೆಲಸ ಮಾಡುವ ಅಽಕಾರಿ, ಸಿಬ್ಬಂದಿಗೆ ಪ್ರೋತ್ಸಾಹಧನ ನೀಡಲಾಗುವುದು. ಆರ್‌ಐಗಳಿಗೆ ಲ್ಯಾಪ್‌ಟಾಪ್ ವಿತರಿಸಲಾಗುವುದು. ಇ-ಆಫೀಸ್ ಪದ್ಧತಿಯಿಂದ ವೃತ್ತಿಪರತೆ ಮತ್ತು ಉತ್ತರದಾಯಿತ್ವ ಹೆಚ್ಚಲಿದೆ. ನಕ್ಷೆಯಲ್ಲಿದ್ದರೆ ಜಮೀನು ದಾರಿ ಬಿಡಿಸಲು ಇಲಾಖೆ ಖಂಡಿತಾ ಕ್ರಮ ವಹಿಸಲಿದೆ. ಆದರೆ, ರೂಢಿಗತ ದಾರಿ ಬಿಡಿಸುವುದಕ್ಕೆ ಸಿವಿಲ್ ನ್ಯಾಯಾಲಯದ ಆದೇಶ ಬೇಕಾಗುತ್ತದೆ. ಕೃಷಿ ಚಟುವಟಿಕೆಗಳಿಗೆ ಅಡ್ಡಿಯಾದರೆ ತಹಸೀಲ್ದಾರ್‌ಗಳು ಕ್ರಮ ಜರುಗಿಸುತ್ತಾರೆ ಎಂದರು.

ಜಿ¯್ಲÁಽಕಾರಿ ಕಚೇರಿ ಸ್ಥಳಾಂತರಕ್ಕೆ ಸಂಬAಽಸಿದAತೆ ಚಿತ್ರದುರ್ಗ ಜಿ¯್ಲÁ ಉಸ್ತುವಾರಿ ಸಚಿವರು ಮತ್ತು ಶಾಸಕರ ತೀರ್ಮಾನವೇ ಅಂತಿಮ. ವೈಯಕ್ತಿಕವಾಗಿ ಹೇಳಬೇಕೆಂದರೆ ಹೊಸ ಕಟ್ಟಡಕ್ಕೆ ಡಿಸಿ ಕಚೇರಿ ಸ್ಥಳಾಂತರಿಸಬೇಕು. ಆದರೆ, ಈ ಬಗ್ಗೆ ಜಿ¯್ಲÉಯ ಜನಪ್ರತಿನಿಽಗಳ ತೀರ್ಮಾನವೇ ಅಂತಿಮ ಎಂದು ಸಚಿವರು ಹೇಳಿದರು.

ಮೊಳಕಾಲ್ಮೂರು ತಾಲೂಕು ಹೊರತು ಉಳಿದ ತಾಲೂಕುಗಳಲ್ಲಿ ಈ ಕಾರ್ಯ ಮಂದಗತಿಯಲ್ಲಿದೆ. ಕಂದಾಯ ಗ್ರಾಮಗಳ ಸೇರ್ಪಡೆಗೆ ಮಾ.೧೫ರವರೆಗೆ ಕಾಲಾವಕಾಶ ನೀಡಲಾಗಿದೆ. ಜಿಲ್ಲೆಯಲ್ಲಿ ೪೧೮ ಜನವಸತಿ ಪ್ರದೇಶಗಳನ್ನು ಕಂದಾಯ ಗ್ರಾಮಗಳಾಗಿ ಘೋಷಿಸಲು ಪ್ರಸ್ತಾವನೆ ಸಲ್ಲಿಸಲಾಗಿದ್ದು, ೩೮೬ ಗ್ರಾಮಗಳ ಅಽಸೂಚನೆ ಪ್ರಕ್ರಿಯೆ ಪ್ರಾರಂಭವಾಗಿದೆ. ಸಚಿವಾಲಯದಿಂದ ಹಿಂದಿರುಗಿದ ಪ್ರಸ್ತಾವನೆಗಳನ್ನು ಪುನಃ ಪರಿಶೀಲಿಸಬೇಕು. ಬಿಟ್ಟು ಹೋಗಿರುವ ಜನವಸತಿ ಪ್ರದೇಶಗಳ ಸೇರ್ಪಡೆಗೆ ಪ್ರಸ್ತಾವನೆ ಸಲ್ಲಿಸಬೇಕು ಎಂದರು.

ಜಿಲ್ಲೆಯಲ್ಲಿ ೭೬,೮೯೩ ಬಗರ್‌ಹುಕುಂ ಅರ್ಜಿ ಸ್ವೀಕÊತವಾಗಿವೆ. ಈ ಪೈಕಿ ಸೆಕ್ಷನ್ ೪ ಹಾಗೂ ಡೀಮ್ಡ್ ಫಾರೆಸ್ಟ್ ಎಂದು ಆರ್‌ಟಿಸಿ ಯಲ್ಲಿ ನಮೂದಾಗಿದ್ದು, -Àಲಾನುಭವಿಗಳು ಮೊದಲಿಂದಲೂ ಉಳುಮೆ ಮಾಡುತ್ತಿದ್ದರೆ ಅಂತವರ ವಿವರ ಸಂಗ್ರಹಿಸಬೇಕು.

ಮೂಲತಃ ಕಂದಾಯ ಭೂಮಿಯಾಗಿದ್ದು, ಅರಣ್ಯಇಲಾಖೆ ಡೀಮ್ಡ್ ಅರಣ್ಯವೆಂದು ನಮೂದಿಸಿರುವ ಜಾಗಗಳನ್ನು ಜಂಟಿ ಸರ್ವೇ ನಡೆಸಿ ಮರು ಪರಿಶೀಲಿಸಬೇಕು. ಡೀಮ್ಡ್ ಅರಣ್ಯದ ನಿಯಮಗಳಡಿ ಬರದಿರುವ ಕಂದಾಯ ಇಲಾಖೆ ಜಾಗವನ್ನು ಮರು ಸುಪರ್ದಿ ಪಡೆಯಬೇಕೆಂದು ನಿರ್ದೇಶಿಸಿದರು.

ಜಿಲ್ಲೆಯಲ್ಲಿ ಆರ್‌ಟಿಸಿ-ಆಧಾರ್ ಸೀಡಿಂಗ್ ಕಾರ್ಯ ಶೇ. ೯೦ ಹಾಗೂ ೧.೦೪ ಕೋಟಿ ಕಂದಾಯ ದಾಖಲೆಗಳ ಸ್ಕ್ತ್ಯಾನಿಂಗ್ ಕಾರ್ಯ ಪೂರ್ಣಗೊಳಿಸಿರುವುದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಕಾಡುಗೊಲ್ಲರು ವಾಸಿಸುವ ಹಟ್ಟಿಗಳನ್ನು ಕಂದಾಯ ಗ್ರಾಮಗಳಾಗಿ ಪರಿವರ್ತನೆ ಮಾಡಬೇಕು ಹಾಗೂ ಕಾಡುಗೊಲ್ಲ ಜಾತಿ ಪ್ರ ಮಾಣ ಪತ್ರ ನೀಡಬೇಕು ಎಂದು ಜಿಲ್ಲಾ ಗ್ಯಾರಂಟಿ ಯೋಜನೆ ಅನುಷ್ಠಾನ ಪ್ರಾಽಕಾರದ ಅಧ್ಯಕ್ಷ ಆರ್. ಶಿವಣ್ಣ ಗಂಜಿಗಟ್ಟೆ ಅವರು ಸಚಿವರನ್ನು ಒತ್ತಾಯಿಸಿದರು.

ಈ ಪ್ರಮಾಣ ಪತ್ರಕ್ಕೆ ಎದುರಾಗಿರುವ ತಾಂತ್ರಿಕ ತೊಂದರೆ ನಿವಾರಿಸಿ, ಸುಲಭವಾಗಿ ಪ್ರಮಾಣ ಪತ್ರ ಸಿಗುವಂತಾಗಬೇಕು. ರಾಜ್ಯ ಕಾಡುಗೊಲ್ಲ ಅಭಿವೃದ್ಧಿ ನಿಗಮದ ಮೂಲಕ ಸಮುದಾಯದ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸೌಲಭ್ಯ ಮತ್ತು ನಿರುದ್ಯೋಗಿಗಳಿಗೆ ಸ್ವಯಂ ಉದ್ಯೋಗದ ಆರ್ಥಿಕ ನೆರವು ಯೋಜನೆಗಳನ್ನು ಪರಿಣಾಮಕಾರಿಯಾಗಿ ಜಾರಿಗೊಳಿಸಬೇಕು ಎಂದು ಆಗ್ರಹಿಸಿದರು.

ಕಳೆದ ಬಾರಿ ಹಕ್ಕು ಪತ್ರ ವಿತರಣೆಯಲ್ಲಿ ಉತ್ತಮ ಸಾಧನೆ ತೋರಿದ ಜಿಲ್ಲೆಯ ಮೊಳಕಾಲ್ಮೂರು ತಾಲೂಕು ಕಚೇರಿ ಶಿರಸ್ತೆದಾರ್ ಎಸ್.ನೇತ್ರಾವತಿ ಹಾಗೂ ವಿಷಯ ನಿರ್ವಾಹಕಿ ಬಿ.ಎನ್.ರಕ್ಷಿತಾ ಅವರನ್ನು ಸಚಿವರು ಗೌರವಿಸಿದರು. ಕರ್ನಾಟಕ ದ್ರಾಕ್ಷಾರಸ ಮಂಡಳಿ ಅಧ್ಯಕ್ಷ ಡಾ.ಬಿ. ಯೋಗೇಶ್‌ಬಾಬು, ಡಿಸಿ ಟಿ. ವೆಂಕಟೇಶ್, ಎಡಿಸಿ ಬಿ.ಟಿ. ಕುಮಾರಸ್ವಾಮಿ ಇತರರು ಇದ್ದರು.