ಸ್ವಾತಂತ್ರ‍್ಯ ಹೋರಾಟಗಾರರಿಂದ ದುರ್ಗದಲ್ಲಿ ಪ್ರತಿಭಟನೆ

ಪ್ರವಾಸಿ ಮಂದಿರದಿAದ ಜಿಲ್ಲಾಽಕಾರಿ ಕಚೇರಿವರೆಗೆ ಮೆರವಣಿಗೆ ನಡೆಸಿದ ವೇದಿಕೆ ಹಾಗೂ ಸಂಘದ ಪ್ರಮುಖರು ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದರು.

ಸ್ವಾತಂತ್ರ‍್ಯಹೋರಾಟಗಾರರ ವಯಸ್ಸು ಈಗಾಗಲೇ ೯೫ ವರ್ಷ ಮೀರಿದ್ದು, ಅವರ ಪತ್ನಿಯರಿಗೆ ಅಂದಾಜು ೮೫ ವರ್ಷ ವಯಸ್ಸಾಗಿದೆ. ವಯೋ ಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ರಾಜ್ಯದಲ್ಲಿ ಅಂದಾಜು ೨೪೦೦ ಹೋರಾಟಗಾರರಿದ್ದಾರೆ. ಅವರಿಗೆ ಕೊಡುತ್ತಿರುವ ಗೌರವಧನ, ಔಷಧ, ಚಿಕಿತ್ಸೆ, ಆಹಾರಕ್ಕೆ ಸಾಕಾಗದೆ ಜೀವನ ನಿರ್ವಹಣೆಗೆ ತೊಂದರೆಯಾಗಿದೆ.

ಆದ್ದರಿಂದ ಈಗ ನೀಡುತ್ತಿರುವ ೧೦ ಸಾವಿರ ರೂ. ಗೌರವಧನವನ್ನು ೨೦ ಸಾವಿರ ರೂ.ಗೆ ಹೆಚ್ಚಿಸಬೇಕು. ಬಾಕಿ ಇರುವ ಗೌರವ ಧನವನ್ನು ಕೂಡಲೇ ಬಿಡುಗಡೆ ಮಾಡಬೇಕು ಎಂದು ಒತ್ತಾಯಿಸಿದರು.

ರಾಜ್ಯ ಸ್ವಾತಂತ್ರ‍್ಯಹೋರಾಟಗಾರರ ಹಿತರಕ್ಷಣಾ ವೇದಿಕೆ ಸಂಚಾಲಕ ಒ. ನರಸಿಂಹಮೂರ್ತಿ, ಸಹ ಸಂಚಾಲಕರಾದ ಟಿ. ಚಂದ್ರಶೇಖರ್, ಸಂಘದ ಜಿಲ್ಲಾಧ್ಯಕ್ಷ ಜಿ.ಟಿ. ಗುರುರಾಜೇಂದ್ರ, ಉಪಾಧ್ಯಕ್ಷರಾದ ಎನ್. ಪರಮೇಶ್ವರಪ್ಪ,ಸಿ.ಎನ್. ಗೌರಮ್ಮ ಇತರರು ಇದ್ದರು.