ಬಜೆಟ್‌ನಲ್ಲೇ ಗೌರವಧನ ಹೆಚ್ಚಿಸಲು ಆಗ್ರಹ

ನಗರದ ಪ್ರಮುಖ ರಸ್ತೆಗಳಲ್ಲಿ ಮೆರವಣಿಗೆ ನಡೆಸಿದರು. ಬಹುದಿನಗಳ ವಿವಿಧ ಬೇಡಿಕೆ ಈಡೇರಿಸುವಂತೆ ಪ್ರಧಾನಿ ನರೇಂದ್ರ ಮೋದಿ, ಸಿಎಂ ಸಿದ್ದರಾಮಯ್ಯ ಅವರಿಗೆ ಒತ್ತಾಯಿಸಿ ಜಿ¯್ಲÁಡಳಿತದ ಮೂಲಕ ಮನವಿ ರವಾನಿಸಿದರು.

ಕೇಂದ್ರ ಸರ್ಕಾರದ ಪ್ರೋತ್ಸಾಹಧನ, ರಾಜ್ಯ ಸರ್ಕಾರದ ಗೌರವಧನ ಒಟ್ಟಿಗೆ ಸೇರಿಸಿ ಮಾಸಿಕ ೧೫ ಸಾವಿರ ರೂ. ನೀಡಬೇಕು. ಕೇಂದ್ರದ ಮಾರ್ಗಸೂಚಿ ಉಲ್ಲಂöಸಿ, ತರ್ಕಬದ್ಧಗೊಳಿಸುವ ಹೆಸರಿನಲ್ಲಿ ಅಂದಾಜು ೭ಸಾವಿರ ಆಶಾ ಕಾರ್ಯಕರ್ತೆಯರನ್ನು ಕೆಲಸದಿಂದ ತೆಗೆದು ಹಾಕುವುದನ್ನು ಕೂಡಲೇ ನಿಲ್ಲಿಸಬೇಕು ಎಂದು ಆಗ್ರಹಿಸಿದರು.

ಚುನಾವಣಾ ಪ್ರಣಾಳಿಕೆಯಲ್ಲಿ ಘೋಷಿಸಿರುವಂತೆ, ಈ ವರ್ಷದ ರಾಜ್ಯ ಬಜೆಟ್‌ನಲ್ಲಿ, ಆಶಾ ಕಾರ್ಯಕರ್ತೆಯರಿಗೆ ಈಗಿರುವ ಮಾಸಿಕ ೫ ಸಾವಿರ ರೂ. ಗೌರವಧನವನ್ನು ೮ಸಾವಿರ ರೂ.ಗೆ ಹೆಚ್ಚಿಸಬೇಕು. ಆಶಾ ಸುಗಮಕಾರರನ್ನು ಸೂಕ್ತ ವೇತನದೊಂದಿಗೆ ಮುಂದುವರಿಸಬೇಕು ಎಂದು ಒತ್ತಾಯಿಸಿದರು.

ಅಂಗನವಾಡಿ ಕಾರ್ಯಕರ್ತೆಯರಿಗೆ ನೀಡುವಂತೆ ನಿವೃತ್ತ ಆಶಾಗಳಿಗೆ ಪಶ್ಚಿಮ ಬಂಗಾಳ ಮಾದರಿಯಲ್ಲಿ ಇಡಿಗಂಟು ನೀಡಬೇಕು. ಆಶಾ ಕಾರ್ಯಕರ್ತೆಯರ ಪೈಕಿ ತೀವ್ರತರ ರೋಗಗಳಿಗೆ ಒಳಗಾದವರ ಚಿಕಿತ್ಸೆ ವೆಚ್ಚ ಇಲಾಖೆಯಿಂದ ಭರಿಸಲು, ಸಮರ್ಪಕ ಕಾರ್ಪಸ್ -Àಂಡ್ ಮೀಸಲಿಡಬೇಕು. ಅಲ್ಲದೆ, ಇಲಾಖೆಯಿಂದಲೇ ಕಾರ್ಯಕರ್ತೆಯರ ಚಿಕಿತ್ಸಾ ವೆಚ್ಚ ಮರುಪಾವತಿಗೆ ವ್ಯವಸ್ಥೆ ಮಾಡಬೇಕೆಂದು ಆಗ್ರಹಿಸಿದರು.

ಆಶಾ ಸುಗಮಕಾರರಿಗೆ ೨೦೨೪-೨೫ರಲ್ಲಿ ಹೆಚ್ಚಳವಾದ ಗೌರವಧನ ೬ಸಾವಿರ ರೂ.ನಿಂದ ೭,೫೦೦ ರೂ., ಒಂದು ವರ್ಷದ ಬಾಕಿ ಮಾಸಿಕ ೧,೫೦೦ ರೂ. ಸೇರಿ ಅರ್ಹರಿಗೆ ೨೦೨೪-೨೫, ೨೦೨೫-೨೬ನೇ ಸಾಲಿನ ಬಾಕಿ ಹಣ ಬಿಡುಗಡೆ ಮಾಡುವಂತೆ ಒತ್ತಾಯಿಸಿದರು.

ರಾಜ್ಯದಾದ್ಯಂತ ಕೇಂದ್ರದ ಪ್ರೋತ್ಸಾಹಧನ ಆಶಾ ಕಾರ್ಯಕರ್ತೆಯರು ಕೆಲಸ ಮಾಡಿದಷ್ಟು ಬರುತ್ತಿಲ್ಲ. ಈ ಸಮಸ್ಯೆ ಬಗೆಹರಿಸಬೇಕು. ರಾಜ್ಯ ಸರ್ಕಾರದ ಗ್ಯಾರಂಟಿ ಸರ್ವೇ ಮಾಡಿದ್ದಕ್ಕೆ ನಿಗದಿಯಾಗಿದ್ದ ೧ಸಾವಿರ ರೂ. ಸೇರಿ ಅನೇಕ ತಿಂಗಳಿAದ ಬಾಕಿ ಇರುವ ಪ್ರೋತ್ಸಾಹಧನ, ಗೌರವಧನಗಳನ್ನು ಕೂಡಲೇ ಪಾವತಿಸಬೇಕು. ಸಿಎಂ ಕೊಟ್ಟ ಮಾತು ಉಳಿಸಿಕೊಳ್ಳಬೇಕು ಎಂದು ಕೋರಿದರು.

ಎಐಯುಟಿಯುಸಿ ತಿಪ್ಪೇಸ್ವಾಮಿ, ಗಿರಿಜಮ್ಮ, ಲಕ್ಷ್ಮೀ, ನಾಗವೇಣಿ, ಮಹಾದೇವಿ, ನಂದಕುಮಾರಿ, ಓಂಕಾರಮ್ಮ, ಮಮತಾ ಇತರರಿದ್ದರು.