ಕೆ.ಕೆಂಚಪ್ಪ ಮೊಳಕಾಲ್ಮೂರು
ಬ್ರಿಟಿಷರ ಕಾಲದಲ್ಲಿ ನಿರ್ವಾಣವಾಗಿದ್ದ ಶಾಲೆ ಶತವಾನ ಪೂರೈಸಿದರೂ ಕಾಯಕಲ್ಪ ಕಾಣದೆ ಅಸ್ಥಿತ್ವ ಕಳೆದುಕೊಳ್ಳುವ ಸ್ಥಿತಿಗೆ ತಲುಪಿದೆ.
ಮೊಳಕಾಲ್ಮೂರಿನ ಸರ್ಕಾರಿ ಕ್ಷೇತ್ರ ವಾದರಿ ಬಾಲಕರ ಹಿರಿಯ ಪ್ರಾಥಮಿಕ ಶಾಲೆ 1923ರಲ್ಲಿ ಸ್ಥಾಪನೆಯಾಗಿತ್ತು. ಪ್ರಸ್ತುತ 105 ವರ್ಷದಲ್ಲಿದೆ. ಸಾವಿರಾರು ವಿದ್ಯಾರ್ಥಿಗಳ ಉಜ್ವಲ ಭವಿಷ್ಯಕ್ಕೆ ಅಡಿಗಲ್ಲಾಗಿದ್ದ ಶಾಲೆಯ 9 ಕೊಠಡಿಗಳ ಕೆಂಪು ಹೆಂಚಿನ ಛಾವಣಿ ಕುಸಿದು ಬಿದ್ದಿವೆ. ಕಿಟಕಿ, ಬಾಗಿಲು ಮಳೆ, ಬಿಸಿಲಿಗೆ ಹಾಳಾಗಿವೆ. ಇದಕ್ಕೆ ಸರ್ಕಾರ ಹಾಗೂ ಶಿಕ್ಷಣ ಇಲಾಖೆ ನಿರ್ಲಕ್ಷ್ಯ ಧೋರಣೆ ಕಾರಣ ಎಂಬ ಆರೋಪವಿದೆ.
ಶಾಲೆ ಒಂದು ಕಾಲದಲ್ಲಿ ಇಡೀ ಊರಿಗೆ ಹೆಗ್ಗಳಿಕೆ ಪಡೆದುಕೊಂಡಿತ್ತು. 1923 ರಲ್ಲಿ ಪ್ರಾರಂಭವಾದ ಶಾಲೆಗೆ ಆರಂಭದಲ್ಲಿ ಬೆರಳಣಿಕೆಯಷ್ಟು ಮಕ್ಕಳ ದಾಖಲಾತಿ ಇತ್ತು. ಕಾಲಾನಂತರ 1ರಿಂದ 7ನೇ ತರಗತಿವರೆಗೆ ಒಂದು ಸಾವಿರ ಮಕ್ಕಳು ದಾಖಲಾಗುವ ಮೂಲಕ ಪ್ರತಿಷ್ಠಿತ ಶಾಲೆಯಾಗಿ ಹೊರ ಹೊಮ್ಮಿತು.
ಇಲ್ಲಿ ಕಲಿತ ಸಾವಿರಾರು ವಿದ್ಯಾರ್ಥಿಗಳಲ್ಲಿ ಕೆಲವರು ಸರ್ಕಾರಿ ನೌಕರಿ ಗಿಟ್ಟಿಸಿಕೊಂಡರೆ, ಇನ್ನು ಕೆಲವರು ಕೃಷಿ, ದೊಡ್ಡ ಮಟ್ಟದ ಉದ್ಯಮದಲ್ಲಿ ತೊಡಗಿ ಉತ್ತಮ ಜೀವನ ನಡೆಸುತ್ತಿದ್ದಾರೆ. ಅವರೆಲ್ಲ ಮನಸ್ಸು ವಾಡಿದರೆ ಶಾಲೆಗೆ ಹೊಸ ರೂಪ ಕೊಡುವುದು ದೊಡ್ಡ ವಿಷಯವಲ್ಲ. ಸಮನ್ವಯದ ಕೊರತೆಯಿಂದ ತಾವು ಕಲಿತ ಶಾಲೆ ಪರಿಸ್ಥಿತಿ ಬಗ್ಗೆ ಹಳೇ ವಿದ್ಯಾರ್ಥಿಗಳು ಆತ್ಮಾವಲೋಕನ ವಾಡಿಕೊಳ್ಳಬೇಕು. ಶಾಲೆ ಅಭಿವೃದ್ಧಿಗೆ ಜಾಗೃತರಾಗಿ ಸರ್ಕಾರದ ಗಮನ ಸೆಳೆಯುವ ಜತೆಗೆ ಆರ್ಥಿಕ ನೆರವಿನ ಉದಾರತೆ ತೋರಿದರೆ ಕಲಿತ ಶಾಲೆಗೆ ಕಾಯಕಲ್ಪ ಸಿಗಲಿದೆ ಎಂಬ ಅಭಿಪ್ರಾಯ ನಾಗರಿಕರಿಂದ ವ್ಯಕ್ತವಾಗಿದೆ.
ಊರ ಮಧ್ಯದಲ್ಲಿರುವ ಶಾಲೆ 6 ಎಕರೆಯಷ್ಟು ವಿಶಾಲ ಮೈದಾನ ಹೊಂದಿದೆ. ಶಿಕ್ಷಣ ಇಲಾಖೆ ಬಹುತೇಕ ಕಾರ್ಯಕ್ರಮಗಳು ಇಲ್ಲೇ ನಡೆಯುತ್ತವೆ. ಶಾಲಾ ಕಟ್ಟಡದ ಅವ್ಯವಸ್ಥೆ ಅರಿತ ಅಧಿಕಾರಿಗಳು ಈ ಹಿಂದೆ ಇಲಾಖೆಗೆ ಬಿಡುಗಡೆ ಆದ ಅನುದಾನದಲ್ಲಿ ಪಕ್ಕದಲ್ಲೇ 6 ಕೊಠಡಿಗಳನ್ನು ನಿರ್ಮಿಸಿದ್ದರು. ಗ್ರಂಥಾಲಯ, ಶಿಕ್ಷಕರ ಕೊಠಡಿ, ಇನ್ನುಳಿದ ನಾಲ್ಕು ಕೊಠಡಿಗಳಲ್ಲಿ 105 ವಿದ್ಯಾರ್ಥಿಗಳು ಶಿಕ್ಷಣ ಪಡೆಯುತ್ತಿದ್ದಾರೆ. ಪ್ರಸ್ತುತ ಏಕೋಪಾಧ್ಯಾಯ ಶಾಲೆಯಾಗಿರುವುದು ವಿಪರ್ಯಾಸ.
