ವಿನಾಕಾರಣ ಬೀದಿಗೆ ಬರಬೇಡಿ

ಚಿತ್ರದುರ್ಗ: ಕರೊನಾ ಸೋಂಕು ಹತೋಟಿ ನಿಟ್ಟಿನಲ್ಲಿ ರಾಜ್ಯ ಸರ್ಕಾರದ ಆದೇಶದಂತೆ ಮೇ 24ರಂದು ಪೂರ್ಣ ದಿನ ಜನತಾ ಕರ್ಫ್ಯೂ ಜಾರಿಯಲ್ಲಿ ಇರುತ್ತದೆ ಎಂದು ಜಿಲ್ಲಾಧಿಕಾರಿ ಆರ್.ವಿನೋತ್ ಪ್ರಿಯಾ ತಿಳಿಸಿದ್ದಾರೆ.

ಈ ಅವಧಿಯಲ್ಲಿ ಜಿಲ್ಲಾದ್ಯಂತ ತುರ್ತು ಆರೋಗ್ಯ ಸೇವೆ, ಔಷಧ ಅಂಗಡಿ, ಅಗ್ನಿಶಾಮಕ ದಳ ಸೇವೆ, ಶವ ಸಂಸ್ಕಾರಕ್ಕೆ ವಿನಾಯಿತಿ ನೀಡಲಾಗಿದೆ.

ಸಾರ್ವಜನಿಕರ ಸಂಚಾರವನ್ನು ಸಂಪೂರ್ಣ ನಿಷೇಧಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ನಾಗರಿಕರು ಯಾರೂ ವಿನಾ ಕಾರಣ ಮನೆಯಿಂದ ಹೊರ ಬರಬಾರದು. ಜನತಾ ಕರ್ಫ್ಯೂವಿನೊಂದಿಗೆ ಮುಂದಿನ ಆದೇಶ ದವರೆಗೆ ನಿತ್ಯ ಸಂಜೆ 7ರಿಂದ ಬೆಳಗ್ಗೆ 7ರ ವರೆಗೆ ಕರ್ಫ್ಯೂ ಕೂಡ ಮುಂದುವರಿಯಲಿದೆ ಎಂದು ತಿಳಿಸಿದ್ದಾರೆ.