ಬೆಂಕಿಗಾಹುತಿಯಾದ ಬಸ್​ನ ಪ್ರಯಾಣಿಕ ಮಿಸ್

ಚಿತ್ರದುರ್ಗ: ಜಿಲ್ಲೆಯ ಕೆ.ಆರ್.ಹಳ್ಳಿ ಗೇಟ್ ಬಳಿ ಬುಧವಾರ ಬೆಂಕಿಗಾಹುತಿಯಾದ ಖಾಸಗಿ ಬಸ್​ನಿಂದ ಬೆಂಗಳೂರು ಮೂಲದ ಪ್ರಯಾಣಿಕನೊಬ್ಬ ಕಾಣೆಯಾಗಿರುವುದು ಹಿರಿಯೂರು ಗ್ರಾಮಾಂತರ ಪೊಲೀಸರನ್ನು ಕಂಗೆಡಿಸಿದೆ.

ವಿಜಯಪುರದಿಂದ ಬೆಂಗಳೂರಿಗೆ ಹೊರಟಿದ್ದ ಬಸ್​ಗೆ ಆಕಸ್ಮಿಕವಾಗಿ ಬೆಂಕಿ ಬಿದ್ದು, ಅದರಲ್ಲಿದ್ದ 29 ಪ್ರಯಾಣಿಕರ ಪೈಕಿ ಮೂವರು ಮಕ್ಕಳ ಸಹಿತ ಐವರು ಮೃತಪಟ್ಟಿದ್ದರು. ಉಳಿದ 24 ಜನರ ಪೈಕಿ 23 ಪ್ರಯಾಣಿಕರನ್ನು ಪೊಲೀಸರು ಸಂಪರ್ಕಿಸಿದ್ದಾರೆ. ಘಟನೆ ನಡೆದ ವೇಳೆಯಿಂದ ಸುರೇಶ್(34) ಎಂಬುವರ ಮೊಬೈಲ್ ಸ್ವಿಚ್ಡ್​ಆಫ್ ಆಗಿದ್ದು, ಈವರೆಗೂ ಆತನ ಸುಳಿವು ಪೊಲೀಸರಿಗೆ ಸಿಕ್ಕಿಲ್ಲ.

ತನ್ನ ಮನೆಯವರನ್ನೂ ಸುರೇಶ್ ಸಂರ್ಪಸಿಲ್ಲ. ಬಸ್​ನಲ್ಲಿದ್ದಾತ ಎಲ್ಲಿಗೆ ಹೋದ, ಯಾಕೆ ಮನೆಗೆ ಬಂದಿಲ್ಲ ಎಂಬಿತ್ಯಾದಿ ಪ್ರಶ್ನೆಗಳಿಗೆ ಉತ್ತರ ಸಿಗದೆ ಕುಟುಂಬದ ಸದಸ್ಯರು ಕಂಗೆಟ್ಟಿದ್ದಾರೆ.

ಇದನ್ನೂ ಓದಿ: ಚಿತ್ರದುರ್ಗದಲ್ಲಿ ಬಸ್​ಗೆ ಬೆಂಕಿ ತಗುಲಿ ಮೂವರು ಮಕ್ಕಳು ಸೇರಿದಂತೆ ಐವರು ಸಜೀವ ದಹನ

ಘಟನೆಗೂ ಮುನ್ನ ಆತ ಕೊನೆಯದಾಗಿ ಯಾರೊಂದಿಗೆ ಫೋನ್ ಮೂಲಕ ಮಾತನಾಡಿದ್ದ ಎಂಬ ವಿವರ ಪಡೆದ ಪೊಲೀಸರ ತಂಡ ಮೈಸೂರು ಮತ್ತಿತರೆಡೆಗೆ ತೆರಳಿದೆ.

ಈ ನಡುವೆ, ಕಾಣೆಯಾಗಿದ್ದ ಸುರೇಶ್ ಕೊನೆಗೂ ಕುಟುಂಬದವರೊಂದಿಗೆ ಮಾತನಾಡಿದ್ದಾರೆ. ಕೌಟುಂಬಿಕ ಸಮಸ್ಯೆ ಹಿನ್ನಲೆಯಲ್ಲಿ‌ ಅವರು ಮನೆಗೆ ಹೋಗಿರಲಿಲ್ಲ. ಆದರೆ ಅವರು ಸುರಕ್ಷಿತವಾಗಿ ಇದ್ದಾರೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ.

https://www.vijayavani.net/flood-in-karnataka-thousand-crores-loss/