ವಾರದ ರಜಾದಿನ ಭಾನುವಾರ ಅಪರಾಹ್ನ ಎರಡು ಗಂಟೆಗೆ ಅದೇ ಪರಿಸರದ ಯಾವುದಾದರೊಂದು ಮನೆಯಲ್ಲಿ ಒಂದುಗೂಡುತ್ತಾರೆ. ಒಟ್ಟು 20 ಜನರಿರುವ ಈ ಮಕ್ಕಳನ್ನು ವಯಸ್ಸಿಗೆ ಸಂಬಂಧಿಸಿದಂತೆ ಮೂರು ವಿಭಾಗ ಮಾಡಿ, ಮಕ್ಕಳ ನಡುವೆ ಭಾಷಣ, ಹಾಡು, ಕ್ವಿಜ್, ಪ್ರಬಂಧ, ಆಶುಭಾಷಣ, ಚೆಸ್, ಪ್ರಾಜೆಕ್ಟ್ ವರ್ಕ್ಸ್ ಮೊದಲಾದ ಚಟುವಟಿಕೆಗಳೊಂದಿಗೆ ಕೆಲವೊಂದು ದೈಹಿಕ ಶ್ರಮ ಬೇಡುವ ಆಟೋಟ ಸ್ಪರ್ಧೆಗಳನ್ನು ಆಯೋಜಿಸಲಾಗುತ್ತದೆ. ಸ್ಪರ್ಧೆ ಬಳಿಕ ಸಭಾ ಕಾರ್ಯಕ್ರಮ ನಡೆಸಿ ಅಲ್ಲಿ ಮಕ್ಕಳಿಂದಲೇ ಪ್ರಾರ್ಥನೆ, ಸ್ವಾಗತ, ವಂದನಾರ್ಪಣೆ ಸಲ್ಲಿಕೆಯಾಗುತ್ತದೆ. ಸ್ಪರ್ಧೆಯಲ್ಲಿ ಗೆದ್ದ ಮಕ್ಕಳನ್ನು ಆರಿಸಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನಿಗರ ಘೋಷಣೆ ಮಾಡಲಾಗುತ್ತದೆ. ಸ್ಥಾನ ಪಡೆಯಲು ವಿಫಲರಾದವರಿಗೆ ಮುಂದಿನ ಬಾರಿ ಮತ್ತೊಂದು ಚಟುವಟಿಕೆ ನೀಡಿ ಅವರು ಮೊದಲ ಸ್ಥಾನ ಪಡೆಯುವಂತೆ ಹುರಿದುಂಬಿಸಲಾಗುತ್ತದೆ.
