ಪವನ್​ ಕಲ್ಯಾಣ್​ ಸ್ವಾಗತಕ್ಕೆ ಚಿಂತಾಮಣಿ ಸಜ್ಜು

ಚಿಂತಾಮಣಿ: ಸುಪ್ರೀಂ ಕೋರ್ಟ್​ ನಿವೃತ್ತ ನ್ಯಾ.ವಿ.ಗೋಪಾಲ್​ಗೌಡ ಅವರ 75ನೇ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಚಿಂತಾಮಣಿ ಹೊರವಲಯದ ಬೆಂಗಳೂರು ರಸ್ತೆಯಲ್ಲಿರುವ ಚಿನ್ನಸಂದ್ರ ಗ್ರಾಮದಲ್ಲಿ ಅ.6ರಂದು ಆಯೋಜಿಸಿರುವ ವೇದಿಕೆ ಕಾರ್ಯಕ್ರಮಕ್ಕೆ ತೆಲುಗಿನ ಖ್ಯಾತ ನಟ, ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಪವನ್​ ಕಲ್ಯಾಣ್​ ಆಗಮನದ ಹಿನ್ನೆಲೆ ಭಾರೀ ಭದ್ರರತೆ ಕೈಗೊಳ್ಳಲಾಗಿದೆ.

ಬಂದೋಬಸ್ತ್​ಗಾಗಿ 1500 ಪೊಲೀಸರನ್ನು ನಿಯೋಜಿಸಲಾಗಿದೆ.

ರಾಜ್ಯ ಹಾಗೂ ನೆರೆಯ ಆಂದ್ರಪ್ರದೇಶದಿಂದ ಒಂದು ಲಕ್ಷಕ್ಕೂ ಅಧಿಕ ಅಭಿಮಾನಿಗಳು ಆಗಮಿಸಲಿದ್ದು, 30 ಸಾವಿರ ಪಾಸ್​ ವಿತರಿಸಿ ಆಸನಗಳ ವ್ಯವಸ್ಥೆ ಮಾಡಲಾಗಿದೆ. ನೂಕು ನುಗ್ಗಲು ತಪ್ಪಿಸಲು 30 ಸಾವಿರ ಪಾಸ್​ಗಳನ್ನು ವಿತರಿಸಲಾಗಿದ್ದು, ಪಾಸ್​ವುಳ್ಳವರಿಗೆ ಮಾತ್ರ ಪ್ರವೇಶ ಎಂಬ ಕೂಗು ಕೇಳುತ್ತಿದ್ದಂತೆ, ಅದೇ ಮಾದರಿಯಲ್ಲಿ ಪಾಸ್​ಗಳನ್ನು ನಕಲಿ ಮಾಡಿ ಹಂಚಿಕೆ ಮಾಡಿರುವುದು ಗೊತ್ತಾಗಿದೆ.

ಕಾರ್ಯಕ್ರಮದಲ್ಲಿ ಕೇಂದ್ರ ಸಚಿವ ವಿ. ಸೋಮಣ್ಣ ಸೇರಿದಂತೆ ಸ್ಥಳಿಯ ಮಾಜಿ ಶಾಸಕರು, ಬಿಜೆಪಿ ಮುಖಂಡರು ಭಾಗವಹಿಸಲಿದ್ದಾರೆ.