ನಮ್ಮ ಮೆಟ್ರೋಗೆ ಚೀನಾ ಬೋಗಿಗಳು; 235 ಕೋಟಿ ರೂಪಾಯಿ ವೆಚ್ಚ

ಬೆಂಗಳೂರು: ನಮ್ಮ ಮೆಟ್ರೋ ಯೋಜನೆಯ 2ನೇ ಹಂತಕ್ಕಾಗಿ ಅಗತ್ಯವಿರುವ ಒಟ್ಟು ಬೋಗಿಗಳ ಪೈಕಿ 216 ಬೋಗಿಗಳ ಪೂರೈಕೆಗೆ ಚೀನಾ ಮೂಲದ ಸಂಸ್ಥೆಗೆ ಗುತ್ತಿಗೆ ನೀಡಲು ಬಿಎಂಆರ್​ಸಿಎಲ್ ನಿರ್ಧರಿಸಿದೆ.

ನಗರದ ಸಂಚಾರ ದಟ್ಟಣೆ ನಿವಾರಣೆಗಾಗಿ ಮೆಟ್ರೋ ಯೋಜನೆ ವಿಸ್ತರಣೆ ಮಾಡಲಾಗುತ್ತಿದೆ. ಮೊದಲ ಹಂತದಲ್ಲಿ 42 ಕಿ.ಮೀ. ಉದ್ದದ ಮಾರ್ಗ ನಿರ್ವಿುಸಿ ರೈಲು ಸಂಚಾರ ಆರಂಭಿಸಲಾಗಿದೆ. ಜತೆಗೆ ಇದೀಗ ಎರಡನೇ ಹಂತದಲ್ಲಿ ಒಟ್ಟು 4 ಮಾರ್ಗಗಳಲ್ಲಿ 72 ಕಿ.ಮೀ. ಉದ್ದದ ಮಾರ್ಗವನ್ನು ವಿಸ್ತರಿಸಲಾಗುತ್ತಿದೆ. ಆ ಮಾರ್ಗಗಳ ಪೈಕಿ ಯಲಚೇನಹಳ್ಳಿ-ಅಂಜನಾಪುರ ಟೌನ್ ನಡುವಿನ ವಿಸõತ ಮಾರ್ಗದಲ್ಲಿ ಆಗಸ್ಟ್​ನಲ್ಲಿ ರೈಲು ಸಂಚಾರ ಆರಂಭವಾಗುವ ನಿರೀಕ್ಷೆ ಇದೆ. ಅದಕ್ಕೆ ಅಗತ್ಯವಾದ ಬೋಗಿಗಳ ಪೂರೈಕೆಗೆ ಗುತ್ತಿಗೆ ನೀಡಲು ಬಿಎಂಆರ್​ಸಿಎಲ್ ಮುಂದಾಗಿದೆ.

2ನೇ ಹಂತಕ್ಕೆ ಅಗತ್ಯವಿರುವ ಒಟ್ಟು ಬೋಗಿಗಳ ಪೈಕಿ 216 ಬೋಗಿಗಳ ಪೂರೈಕೆಗಾಗಿ ಚೀನಾ ಮೂಲದ ಸಿಆರ್​ಆರ್​ಸಿ ಕಾಪೋರೇಷನ್ ಸಂಸ್ಥೆಗೆ ಗುತ್ತಿಗೆ ನೀಡಲಾಗುತ್ತಿದೆ. ಇದಕ್ಕಾಗಿ ಒಟ್ಟು 235 ಕೋಟಿ ರೂ.ಗಳನ್ನು ವೆಚ್ಚ ಮಾಡಲಾಗುತ್ತಿದೆ.

ಆಂಧ್ರಪ್ರದೇಶದಲ್ಲಿ ನಿರ್ಮಾಣ: ಸಿಆರ್​ಆರ್​ಸಿ ಕಾರ್ಪೋರೇಷನ್ ಆಂಧ್ರಪ್ರದೇಶದ ಶ್ರೀ ಸಿಟಿಯಲ್ಲಿ ಬೋಗಿ ನಿರ್ಮಾಣ ಘಟಕ ಸ್ಥಾಪಿಸುತ್ತಿದೆ. ಬಿಎಂಆರ್​ಸಿಎಲ್ ಜತೆ ಒಪ್ಪಂದ ಏರ್ಪಟ್ಟ ನಂತರದಲ್ಲಿ 216 ಬೋಗಿಗಳ ಪೈಕಿ 204 ಬೋಗಿಗಳನ್ನು ಈ ಘಟಕದಲ್ಲೇ ನಿರ್ವಿುಸಲಾಗುತ್ತದೆ. ಇತರ 12 ಬೋಗಿಗಳನ್ನು ಚೀನಾದಲ್ಲಿ ನಿರ್ವಿುಸಿ ನೀಡಲಾಗುತ್ತದೆ.

ಆಗಸ್ಟ್​ನಲ್ಲಿ ಕೆಂಗೇರಿಗೆ ಸಂಚಾರ

ನಮ್ಮ ಮೆಟ್ರೋ ಎರಡನೇ ಹಂತದ 7 ಮಾರ್ಗಗಳ ಪೈಕಿ 4 ಮಾರ್ಗಗಳು ಮೊದಲನೇ ಹಂತದಲ್ಲಿ ನಿರ್ವಣಗೊಂಡಿರುವ ಮಾರ್ಗಗಳ ವಿಸ್ತರಣಾ ಮಾರ್ಗಗಳಾಗಿವೆ. ಇವುಗಳ ಪೈಕಿ ಯಲಚೇನಹಳ್ಳಿ-ಅಂಜನಾಪುರ ಟೌನ್​ಶಿಪ್ ಮಾರ್ಗದಲ್ಲಿ ಆಗಸ್ಟ್​ನಿಂದ ಹಾಗೂ ನಾಯಂಡಹಳ್ಳಿ-ಕೆಂಗೇರಿ ಮಾರ್ಗದಲ್ಲಿ ಅಕ್ಟೋಬರ್​ನಿಂದ ರೈಲು ಸಂಚಾರ ಆರಂಭವಾಗುವ ನಿರೀಕ್ಷೆಯಿದೆ. ಅದಕ್ಕಾಗಿ ಅಗತ್ಯ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿರುವುದಾಗಿ ಬಿಎಂಆರ್​ಸಿಎಲ್ ಅಧಿಕಾರಿಗಳು ತಿಳಿಸಿದ್ದಾರೆ. ನಾಗಸಂದ್ರ-ಬಿಐಇಸಿ ಹಾಗೂ ಬೈಯಪ್ಪನಹಳ್ಳಿ- ವೈಟ್​ಫೀಲ್ಡ್ ನಡುವಿನ ವಿಸ್ತೃತ ಮಾರ್ಗದಲ್ಲಿ 2022ರ ವೇಳೆಗೆ ಮೆಟ್ರೋ ಸಂಚಾರ ಆರಂಭಿಸುವ ಸಾಧ್ಯತೆ ಇದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.