ಮಕ್ಕಳ ಮನೆ ಹಾಸ್ಟೇಲ್​ ಉದ್ಘಾಟನೆ 6ರಂದು

ವಿಜಯವಾಣಿ ಸುದ್ದಿಜಾಲ ಧಾರವಾಡ

ಸೃಜನಾನಂದ ಜನಸೇನಾ ಟ್ರಸ್ಟ್​ನ ಮಕ್ಕಳ ಮನೆ ಹಾಸ್ಟೇಲ್​ ಉದ್ಘಾಟನಾ ಸಮಾರಂಭವನ್ನು ಏ. 6ರಂದು ಇಲ್ಲಿನ ವೀರಶೈವ ಲಿಂಗಾಯತ ಭವನದಲ್ಲಿ ಬೆಳಗ್ಗೆ 10.30ಕ್ಕೆ ಆಯೋಜಿಸಲಾಗಿದೆ ಎಂದು ಟ್ರಸ್ಟ್​ನ ಪೋಷಕ ಅಶೋಕ ನಾಗಸಮುದ್ರ ತಿಳಿಸಿದರು.

ನಗರದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬೆಂಗಳೂರಿನ ಆರ್ಟ್​ ಆಫ್ ಲಿವಿಂಗ್​ ಪ್ರತಿಷ್ಠಾನದ ಸಂಸ್ಥಾಪಕ ಶ್ರೀ ರವಿಶಂಕರ ಗುರೂಜಿ ಸಾನ್ನಿಧ್ಯ ವಹಿಸುವರು. ಪೊಲೀಸ್​ ಆಯುಕ್ತ ಎನ್​. ಶಶಿಕುಮಾರ, ಬಾಲಸ್ವಾಮಿ ಕಾರ್ಯಕ್ರಮ ಉದ್ಘಾಟಿಸುವರು. ಮಾಜಿ ಶಾಸಕಿ ಸೀಮಾ ಮಸೂತಿ, ಧಾಮುಲ್​ ನಿರ್ದೇಶಕಿ ಶಿವಲೀಲಾ ಕುಲಕರ್ಣಿ, ಪಾಲಿಕೆ ಸದಸ್ಯ ಶಿವು ಹಿರೇಮಠ, ಅಶೋಕ ಸಿಂದಗಿ, ಉಮಾ ಬಸಾಪುರ, ಜಗದೀಶ ಮಳಗಿ ಅತಿಥಿಗಳಾಗಿ ಆಗಮಿಸುವರು ಎಂದರು.

ಹಳ್ಳಿ ಮತ್ತು ಪಟ್ಟಣಗಳಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಆಯೋಜಿಸುವುದು, ಅನಾಥ, ನಿರ್ಗತಿಕ ವೃದ್ಧರಿಗೆ ಹಾಗೂ ಬಡವರಿಗೆ ಕಾನೂನಾತ್ಮಕ ಆಶ್ರಯ ಒದಗಿಸುವುದು, ಬೀದಿ ಮಕ್ಕಳು ಹಾಗೂ ನಿರ್ಗತಿಕ ಮಹಿಳೆಯರಿಗೆ ಪುನರ್ವಸತಿ, ಪರಿಹಾರ ಕಲ್ಪಿಸುವುದು, ಕೋಮು ಸಾಮರಸ್ಯಗಳ ಬಗ್ಗೆ ಜಾಗೃತಿ ಮೂಡಿಸುವುದು ಟ್ರಸ್ಟ್​ ಉದ್ದೇಶಗಳಾಗಿವೆ ಎಂದರು.

ಟ್ರಸ್ಟ್​ ಅಧ್ಯಕ್ಷೆ ಸುಮಂಗಲಾ ಹಡಗಲಿ, ಶರಣಪ್ಪ ಹಡಗಲಿ, ಇತರರು ಇದ್ದರು.