ಬಸ್​ ನಿಲ್ದಾಣದಲ್ಲಿ ದೊರೆತ್ತಿದ್ದ ಮಗು ಅನಾರೋಗ್ಯದಿಂದ ಸಾವು

ಹಾವೇರಿ: ಜಿಲ್ಲೆಯ ಸವಣೂರ ಬಸ್​ ನಿಲ್ದಾಣದಲ್ಲಿ ದೊರೆತ್ತಿದ್ದ ಒಂದೂವರೆ ವರ್ಷದ ಮಗು ಮೂತ್ರಪಿಂಡ ವೈಫಲ್ಯದಿಂದ ಮೃತಪಟ್ಟ ಘಟನೆ ಬುಧವಾರ ನಡೆದಿದೆ.

ಸೀತಾರಾಮ ಎಂಬ ಹೆಸರಿನ ಮಗು ಮೃತಪಟ್ಟಿರುವುದು.

ಈ ಮಗು ಮೇ 24ರಂದು ಸವಣೂರ ಬಸ್​ ನಿಲ್ದಾಣದಲ್ಲಿ ಯಾರೋ ಬಿಟ್ಟು ಹೋಗಿದ್ದರಿಂದ ಪೊಲೀಸರು ಮಗುವನ್ನು ಇಲ್ಲಿಯ ಬಸವೇಶ್ವರ ನಗರದ ದತ್ತು ಸ್ವೀಕಾರ ಕೇಂದ್ರದಲ್ಲಿ ದಾಖಲಿಸಿದ್ದರು. ಮಗು ಒಂದು ಮೂತ್ರಪಿಂಡ ಸಮಸ್ಯೆಯಿಂದ ಬಳಲುತ್ತಿದ್ದ ಕಾರಣ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ, ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದೆ ಎನ್ನಲಾಗಿದೆ. ಈ ಕುರಿತು ಶಹರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.