ಕುಟುಂಬದಲ್ಲಿ ತಂದೆಯದ್ದು ತ್ಯಾಗಮಯಿ ಜೀವನ

ಬಾಳೆಹೊನ್ನೂರು: ಪ್ರತಿಯೊಂದು ಕುಟುಂಬದಲ್ಲಿ ತಂದೆಯದ್ದು, ತ್ಯಾಗಮಯಿ ಜೀವನವಾಗಿದೆ ಎಂದು ಕೋಲಾರದ ದೇವರಾಜ್ ಅರಸ್ ಅಕಾಡೆಮಿ ಆ್ ರೀಸರ್ಚ್‌ನ ಕಿರಿಯ ವಿಜ್ಞಾನಿ ಡಾ.ಸಾಯಿ ಚಕಿತ್ ಹೇಳಿದರು.

ಜೇಸಿಐ ಬಾಳೆಹೊನ್ನೂರು ಕ್ಲಾಸಿಕ್ ಸಂಸ್ಥೆಯಿಂದ ವಿಶ್ವ ತಂದೆಯಂದಿರ ದಿನಾಚರಣೆ ಅಂಗವಾಗಿ ಆಯೋಜಿಸಿದ್ದ ಾದರ್ಸ್‌ ಡೇ ಕಾರ್ಯಕ್ರಮದಲ್ಲಿ ಮಾತನಾಡಿ, ಸಮಾಜದ ಎಲ್ಲ ಆಗು ಹೋಗುಗಳಲ್ಲಿ ಸದಾ ಭಾಗಿಯಾಗಿ ಕಷ್ಟ ಸುಖಗಳನ್ನು ಅರಿತಿರುವ ಒಬ್ಬ ತಂದೆ ಕುಟುಂಬದಲ್ಲಿ ಮಕ್ಕಳಿಗೆ ನೂರು ಶಿಕ್ಷಕರಿಗೆ ಸಮನಾಗಿದ್ದಾನೆ. ಸಂಬಂಧಗಳು ಬಹಳ ಶ್ರೇಷ್ಠವಾಗಿದ್ದು ತಂದೆ ಮಹತ್ವವನ್ನು ಕಂಡು ಕೊಂಡವರು 1910ರಿಂದ ತಂದೆಯ ದಿನ ಆಚರಿಸುತ್ತಿದ್ದಾರೆ. ತಂದೆ ಮತ್ತು ಮಕ್ಕಳಲ್ಲಿ ಭಾವನಾತ್ಮಕ ಸಂಬಂಧವಿದ್ದು, ಭಾರತೀಯರು ತಂದೆಯಂದಿರ ದಿನ ಆಚರಿಸುವುದರಿಂದ ತಂದೆ-ಮಕ್ಕಳ ಸಂಬಂಧ ಇನ್ನಷ್ಟು ಗಟ್ಟಿಗೊಳ್ಳಲು ಸಾಧ್ಯ ಎಂದರು.

ಹಿಂದಿನ ಕಾಲದಲ್ಲಿ ಅವಿಭಕ್ತ ಕುಟುಂಬದಿಂದ ತಂದೆ, ಮಕ್ಕಳಲ್ಲಿ ಅನ್ಯೋನ್ಯತೆ, ಗೌರವ ಭಾವನೆಗಳು ಕಂಡುಬರುತ್ತಿದ್ದವು. ವಿಭಕ್ತ ಕುಟುಂಬದಲ್ಲಿ ತಂದೆ, ಮಕ್ಕಳು ಆದರ್ಶ ಜೀವನ ಕಂಡುಕೊಳ್ಳಲು ಸಾಧ್ಯವಿಲ್ಲ. ಜೀವನದ ವ್ಯವಸ್ಥೆಯಲ್ಲಿ ತಾಯಿ, ತಂದೆಗೆ ಮಹತ್ವವಿದ್ದು, ತಾಯಿ ಜನ್ಮ ನೀಡಿದರೆ, ತಂದೆ ಮಕ್ಕಳ ಇಡೀ ಜೀವನದ ಜವಾಬ್ದಾರಿ ಹೊರುತ್ತಾರೆ. ಅಂತಹ ಶ್ರೇಷ್ಠ ವ್ಯಕ್ತಿ ತಂದೆಯಾಗಿದ್ದಾನೆ ಎಂದರು.

ಜ್ಯೂನಿಯರ್ ಜೇಸಿ ಸದಸ್ಯರಾದ ವಿಸ್ಮಯ ಪ್ರಶಾಂತ್, ರಮ್ಯಕಷ್ಣ ಶಿಕ್ಷಕ ಎಚ್.ಎನ್.ವಿಶ್ವನಾಥ್, ಬಾಲ ಕಲಾವಿದ ದೈವಿಕ್, ಜೇಸಿಐ ಉಪಾಧ್ಯಕ್ಷ ಸಚಿನ್‌ಕುಮಾರ್, ಕಾರ್ಯದರ್ಶಿ ಎ.ರಂಜಿತ್, ಖಜಾಂಚಿ ವಿ.ರೋಹಿತ್ ಹಾಜರಿದ್ದರು.