ನರೇಂದ್ರ ಮೋದಿ ಜನ್ಮ ದಿನಾಚರಣೆ

ಈ ವೇಳೆ ಮಾತನಾಡಿದ ಎಂಎಲ್ಸಿ ಸಿ.ಟಿ.ರವಿ, ಭಾರತದಲ್ಲಿ ಸಂಸ್ಕೃತಿ ಪರಿವರ್ತನೆಗೆ ಜನಿಸಿದ ಯುಗ ಪುರುಷ ಎಂದು ಪರಿಭಾವಿಸಬಹುದಾದ ವ್ಯಕ್ತಿತ್ವ ನೇತೃತ್ವ ನರೇಂದ್ರ ಮೋದಿ ಅವರದು. ರಾಷ್ಟçದಲ್ಲಿ ರಾಜಕೀಯ ಸಂಸ್ಕೃತಿ ಬದಲಾವಣೆ ಹಾಗೂ ಕುಟುಂಬಕ್ಕಾಗಿಯೇ ರಾಜಕೀಯ ಪರಿಭಾಷೆ ಎಂಬುದನ್ನು ಬದಲಾಯಿಸಿ, ದೇಶಕೋಸ್ಕರ ಎಂಬ ಪ್ರತಿಭಾಷೆಯನ್ನು ಪ್ರತಿಷ್ಟಾಪಿಸಿದ್ದು ಮೋದಿಯವರು. ಅಧಿಕಾರದ ಅಹಂ ಅಧಃಪತಕ್ಕೂ ಕಾರಣವಾಗುತ್ತದೆ. ಆದರೆ ಮೋದಿಯವರ ವಿಷಯದಲ್ಲಿ ಅಧಿಕಾರ ಅಹಂ ಗೆ ಅವಕಾಶ ಮಾಡದೇ ದೇಶದ ಬೆಳವಣಿಗೆಗೆ ಸಾಕ್ಷಿಯಾಯಿತು ಎಂದರು.

ಅಧಿಕಾರವನ್ನು ಸಾಧವನ್ನಾಗಿಸಿ, ಅಸಾಧ್ಯವಾದ್ದನ್ನು ಸಾಧ್ಯವಾಗಿಸಿದ ಕೀರ್ತಿ ಪ್ರಧಾನಿ ಮೋದಿಯವರು. ಹೀಗಾಗಿ ಬಿಜೆಪಿ ಎಂದಿಗೂ ವ್ಯಕ್ತಿ ಪೂಜೆ ಮಾಡುತ್ತಿಲ್ಲ. ವ್ಯಕ್ತಿತ್ವದ ಪೂಜೆಯನ್ನು ಮಾಡುತ್ತಿದೆ. ಭಾರತ ವಿಶ್ವದ ನೇತೃತ್ವ ವಹಿಸಬೇಕು. ಹಾಗೇ ಭಾರತಕ್ಕೆ ಮೋದಿಯವರ ನೇತೃತ್ವ ಅವಶ್ಯವಿರುವ ಹಿನ್ನೆಲೆ ದೀರ್ಘಾಯುಷ್ಯಿಗಾಗಿ ದೇಶಾದ್ಯಂತ ಆರ್ಶೀವಾದ ದೀಪ ಬೆಳಗಿಸಲಾಗುತ್ತಿದೆ ಎಂದು ಹೇಳಿದರು.

ಭಾರತ ದೇಶವನ್ನು ಆತ್ಮನಿರ್ಭಾರಗೊಳಿಸುವ ದಿಸೆಯಲ್ಲಿ ಪ್ರಧಾನಿಗಳು ಪರಿಶ್ರಮ ಬಹಳಷ್ಟಿದೆ. ದೇಶದ ಪ್ರಜೆಗಳು ಕೂಡಾ ಪ್ರಧಾನಿಗಳ ಕೈಜೋಡಿಸುವ ಮೂಲಕ ಹೆಚ್ಚಿನ ಪ್ರಮಾಣದಲ್ಲಿ ಸ್ವದೇಶಿ ವಸ್ತುಗಳನ್ನು ಖರೀದಿಸುವ ಮೂಲಕ ದೇಶದ ಉದ್ಯಮದಲ್ಲಿ ಹೆಚ್ಚಿನ ವಹಿವಾಟು ನಡೆಸಿದರೆ ಭಾರತ ಜಗತ್ತಿನೆದುರು ಸದೃಢಗೊಳ್ಳಲಿದೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ನಗರಸಭೆ ಅಧ್ಯಕ್ಷೆ ಭವ್ಯ ಮಂಜುನಾಥ್, ಬಿಜೆಪಿ ಮಹಿಳಾ ಮೋರ್ಚಾ ಜಿಲ್ಲಾಧ್ಯಕ್ಷೆ ಜಸಂತಾ ಅನಿಲ್ ಕುಮಾರ್, ಬಿಜೆಪಿ ನಗರಾಧ್ಯಕ್ಷ ಪುಷ್ಪರಾಜ್, ಯುವಮೋರ್ಚಾ ಜಿಲ್ಲಾಧ್ಯಕ್ಷ ಸಂತೋಷ್ ಕೋಟ್ಯಾನ್, ಮುಖಂಡರಾದ ಕೋಟೆ ಪ್ರದೀಪ್, ಅಟೋ ಶಿವಣ್ಣ, ಗೌತಮ್, ಪುನೀತ್, ರೂಪ ಕುಮಾರ್ ಮುಂತಾದವರು ಉಪಸ್ಥಿತರಿದ್ದರು.