ಕಾಫಿ ಬೆಳೆ ಮೇಲೆ ಜೀವವೈವಿಧ್ಯದ ಪರಿಣಾಮ

ಬಾಳೆಹೊನ್ನೂರು: ಕಾಫಿ ಬೆಳೆ ಹಾಗೂ ಜೀವವೈವಿಧ್ಯಕ್ಕೂ ಅವಿನಾಭಾವ ನಂಟು ಇದೆ ಎಂದು ಎಸ್.ಎಂ.ಸೆಹಗಲ್ ೌಂಡೇಶನ್ ಕಾರ್ಯಕ್ರಮ ಸಂಯೋಜಕ ಮಂಜುನಾಥ್ ಹೇಳಿದರು.

ಎಸ್.ಎಂ.ಸೆಹಗಲ್ ೌಂಡೇಶನ್‌ನಿಂದ ಐಸಿಸಿಆರ್‌ಎಲ್ ಕಾರ್ಯಕ್ರಮದ ಅಂಗವಾಗಿ ಮುದುಗುಣಿ, ವಾಟುಕುಡಿಗೆ, ಸೀಕೆ ಗ್ರಾಮದ ಕಾಫಿ ಬೆಳೆಗಾರರಿಗೆ ಆಯೋಜಿಸಿದ್ದ ಜೀವವೈವಿಧ್ಯ ಹಾಗೂ ಅರಣ್ಯ ಸಂರಕ್ಷಣೆ ಕುರಿತು ತರಬೇತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಅತಿಯಾದ ಕಳೆನಾಶಕ ಸಿಂಪಡಣೆಯಿಂದ ಭೂಮಿಯಲ್ಲಿರುವ ಸೂಕ್ಷ್ಮ ಜೀವಿಗಳು, ಎರೆಹುಳಗಳು, ಜೇನುಹುಳುಗಳು ನಾಶವಾಗುತ್ತಿವೆ. ಕೀಟ, ಹಕ್ಕಿ, ಪ್ರಾಣಿಗಳು ಕೂಡ ಕಾಫಿ ಕೃಷಿಯ ಅವಿಭಾಜ್ಯ ಅಂಗವಾಗಿದ್ದು, ಆಹಾರ ಸರಪಳಿಯಲ್ಲಿ ಒಂದು ಜೀವಿಯನ್ನು ಇನ್ನೊಂದು ಜೀವಿ ತಿಂದು ಬದುಕುವುದರಿಂದ ಪರಿಸರ ಸಮತೋಲನದಲ್ಲಿರುತ್ತದೆ. ಆದ್ದರಿಂದ ಅತಿಯಾದ ರಾಸಾಯನಿಕ ಬಳಕೆ ಕೆಲ ಉಪಯುಕ್ತ ಜೀವಿಗಳನ್ನು ಸಂಪೂರ್ಣ ನಾಶಪಡಿಸುವುದಲ್ಲದೆ ಕಾಫಿ ಕೃಷಿ ಮೇಲೆ ನೇರ ಪರಿಣಾಮ ಬೀರುತ್ತದೆ ಎಂದರು. 

ಕಾಫಿ ಬೋರ್ಡ್ ಎಸ್‌ಎಲ್‌ಒ ಮುಖಾರೀಬ್ ಮಾತನಾಡಿ, ರೈತರು ಜಮೀನಿನಲ್ಲಿ ಸಿಲ್ವರ್ ಮರಗಳ ಬದಲಿಗೆ ಸ್ಥಳೀಯ ಪ್ರದೇಶಗಳಿಗೆ ಹೊಂದಿಕೊಳ್ಳುವ ಮರಗಳನ್ನು ಬೆಳೆಸುವುದು ಉತ್ತಮ. ಇದರಿಂದ ತೋಟದ ವಾತಾವರಣ ಸಮತೋಲನದಲ್ಲಿಡುತ್ತದೆ. ಇದರಿಂದ ಕಾಫಿ ಗಿಡದ ಹೊಸ ಚಿಗುರು ಬರಲು, ಗುಣಮಟ್ಟದ ಇಳುವರಿ ಪಡೆಯಲು, ಮಣ್ಣಿನ ಸಾವಯವ ಇಂಗಾಲ ಹೆಚ್ಚಿಸಲು ಸಹಕಾರಿಯಾಗುತ್ತದೆ ಎಂದು ತಿಳಿಸಿದರು. 

 ಕಾಫಿ ಬೆಳೆಗಾರರಿಗೆ ಕಾಫಿ ಮಂಡಳಿಯಿಂದ ದೊರೆಯುವ ಸಹಾಯಧನ, ಅನುದಾನಗಳ ಬಗ್ಗೆ ತಿಳಿಸಿ, ಬೆಳೆಗಾರರು ಇಂಡಿಯಾ ಕಾಫಿ ಆ್ಯಪ್ ಬಳಸಿ ಇಯುಡಿಆರ್ ಇಆಖ ನೋಂದಣಿ ಮಾಡಿಕೊಳ್ಳಲು ತಿಳಿಸಲಾಯಿತು. 

ಎಸ್.ಎಂ.ಸೆಹಗಲ್ ೌಂಡೇಶನ್‌ನ ಎನ್.ಆರ್.ಪುರ ಕ್ಷೇತ್ರ ಸಹಾಯಕ ಶಿವಾನಂದ್, ಸ್ಥಳೀಯ ಸಂಪನ್ಮೂಲ ವ್ಯಕ್ತಿಗಳಾದ ಶರತ್, ಸುಹಾಸ್ ಇತರರಿದ್ದರು.