ಮೈಲು ತುತ್ತ, ರಸಗೊಬ್ಬರಗಳ ಗುಣಮಟ್ಟ ಪರೀಕ್ಷಿಸಲು ಒತ್ತಾಯ

ಶೃಂಗೇರಿ: ಮೈಲು ತುತ್ತು ಮತ್ತು ರಸಗೊಬ್ಬರಗಳ ಗುಣಮಟ್ಟವನ್ನು ಸಂಬಂಧಪಟ್ಟ ಇಲಾಖೆಯಿಂದ ಪರಿಶೀಲನೆ ಹಾಗೂ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ತಾಲೂಕು ರೈತಸಂಘದ ಕಾರ್ಯಕರ್ತರು ತಾಲೂಕು ಕಚೇರಿಯಲ್ಲಿ ತಹಸೀಲ್ದಾರ್ ಅನೂಪ್ ಸಂಜೋಗ್‌ಗೆ ಮನವಿ ಸಲ್ಲಿಸಿದರು.

ತಾಲೂಕು ರೈತ ಸಂಘದ ಅಧ್ಯಕ್ಷ ಕಾನುವಳ್ಳಿ ಚಂದ್ರಶೇಖರ್ ಮಾತನಾಡಿ, ಫಾರ್ಮ್ ನಂ.53ರಲ್ಲಿ ತಾಲೂಕು ಕಚೇರಿಯಿಂದ ಸಾಗುವಳಿ ಚೀಟಿ ಪಡೆದರೂ ಇದುವರೆಗೂ ಪಹಣಿ ಮತ್ತು ಮ್ಯುಟೇಶನ್ ದಾಖಲಾಗಿಲ್ಲ. ಆದರೆ ಅದೇ ವರ್ಷದಲ್ಲಿ ಸಾಗುವಳಿ ಚೀಟಿ ಪಡೆದ ಕೆಲವರಿಗೆ ಪಹಣಿ ಮತ್ತು ಮ್ಯುಟೇಶನ್ ಆಗಿರುತ್ತದೆ. ಆಗದೇ ಇರುವವರಿಗೆ ತಕ್ಷಣ ಪಹಣಿ ಮತ್ತು ಮ್ಯುಟೇಶನ್ ದಾಖಲು ಮಾಡಬೇಕು.100 ವರ್ಷ ಇತಿಹಾಸವಿರುವ ವಾಸದ ಮನೆಗಳಿಗೆ 94ಸಿಯಲ್ಲಿ ಅರ್ಜಿ ಸಲ್ಲಿಸಿದ್ದರೂ ಹಕ್ಕುಪತ್ರ ನೀಡಿದೆ ಇದು ಸೊಪ್ಪಿನಬೆಟ್ಟ ಪ್ರದೇಶ ಅಧಿಕಾರಿಗಳು ಸಬೂಬು ಹೇಳುತ್ತಿದ್ದಾರೆ. ರೈತರ ಅರ್ಜಿಗಳನ್ನು ತಕ್ಷಣ ವಿಲೇವಾರಿ ಮಾಡಬೇಕು ಎಂದರು.

ಸಂಘದ ಮಾಜಿ ಅಧ್ಯಕ್ಷ ಕೆಲವಳ್ಳಿ ಗುಂಡಪ್ಪ ಮಾತನಾಡಿ, ಸರ್ಕಾರಿ ಪ್ರದೇಶವನ್ನು ಪ್ರಾಸ್ತಾವಿಕ 4(1)ಅರಣ್ಯ ನಕಾಶೆಯನ್ನು ತಯಾರಿಸಿದ್ದು, ಈ ಪ್ರದೇಶಗಳನ್ನು ಮೀಸಲು ಅರಣ್ಯವೆಂದು ೋಷಣೆ ಮಾಡುವಾಗ ರೈತರು, ಕೃಷಿ ಕಾರ್ಮಿಕರು ಮುಂತಾದವರ ಕೃಷಿ ಸಾಗುವಳಿ ಭೂಮಿ ಹಾಗೂ ವಾಸವಿರುವ ಮನೆಯನ್ನು ಬಿಟ್ಟು ಮೀಸಲು ಅರಣ್ಯದಿಂದ ಹೊರತುಪಡಿಸಿ ಅರಣ್ಯ ನಕಾಶೆ ತಯಾರಿಸಬೇಕು ಎಂದು ತಿಳಿಸಿದರು.

ಪದಾಧಿಕಾರಿಗಳಾದ ಜಗದೀಶ್, ಚಂದ್ರಪ್ಪ, ಶ್ರೀನಿವಾಸ್ ಇದ್ದರು.