ಬಾಳೆಹೊನ್ನೂರು ಎಸ್‌ಜೆಆರ್ ಕಾಲೇಜು ಸಂಸತ್‌ಗೆ ಆಕಾಶ್ ಅಧ್ಯಕ್ಷ

ಬಾಳೆಹೊನ್ನೂರು: ಪಟ್ಟಣದ ಬಾಳೆಹೊನ್ನೂರು ವಿದ್ಯಾಸಂಸ್ಥೆಯ ಶ್ರೀ ಜಗದ್ಗುರು ರೇಣುಕಾಚಾರ್ಯ ಸಂಯುಕ್ತ ಪದವಿ ಪೂರ್ವ ಕಾಲೇಜಿನಲ್ಲಿ (ಎಸ್‌ಜೆಆರ್ ಕಾಲೇಜು) ನಡೆದ ಸಂಸತ್ ಚುನಾವಣೆಯಲ್ಲಿ ಕಾಲೇಜು ವಿಭಾಗಕ್ಕೆ ಆಕಾಶ್ ಅಧ್ಯಕ್ಷನಾಗಿ ಆಯ್ಕೆಯಾಗಿದ್ದಾನೆ ಎಂದು ಪ್ರಾಚಾರ್ಯ ಕೆ.ಆರ್.ಭೂದೇಶ ತಿಳಿಸಿದ್ದಾರೆ.

ವಿದ್ಯಾರ್ಥಿ ಸಂಸತ್‌ಗೆ ಮೊಹಮ್ಮದ್ ಸಾಲಿಮ್ (ಉಪಾಧ್ಯಕ್ಷ) ಅರ್ಷಿಯ (ಸಾಂಸ್ಕೃತಿಕ ಮಂತ್ರಿ), ಯಶವಂತ್ (ಕ್ರೀಡಾ ಮಂತ್ರಿ), ಬಿ.ಎಸ್.ಶ್ವೇತಾ (ಆಹಾರ ಮಂತ್ರಿ), ಪ್ರಮೋದ್ (ಕುಂದು ಕೊರತೆಗಳ ನಿವಾರಣಾ ಸಚಿವ), ಬಿ.ಎಂ.ಸಾತ್ವಿಕ್ (ಸ್ವಚ್ಛತಾ ಮಂತ್ರಿ), ಭುವನ (ಶಿಸ್ತು ಪಾಲನ ಮಂತ್ರಿ), ಪುಷ್ಪಾ ಮಾಲಿನಿ (ಹೆಣ್ಣು ಮಕ್ಕಳ ಸುರಕ್ಷತಾ ಮಂತ್ರಿ), ಸಂಕ್ಷಿತ್ (ವಾಣಿಜ್ಯ ವಿಭಾಗದ ಮೇಲ್ವಿಚಾರಕ), ಹಸೀನಬಾನು (ಕಲಾ ವಿಭಾಗದ ಮೇಲ್ವಿಚಾರಕ) ಪ್ರತಿನಿಧಿಗಳಾಗಿ ಆಯ್ಕೆಯಾದರು.

ಪ್ರಾಚಾರ್ಯ ಕೆ.ಆರ್.ಭೂದೇಶ ಮುಖ್ಯ ಚುನಾವಣಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು. ಉಪನ್ಯಾಸಕರಾದ ಪ್ರಶಾಂತ್ ಕುಮಾರ್, ಪ್ರಸನ್ನ ಕುಮಾರ್, ವಿನಯ, ಸಂತೋಷ ಸಹಾಯಕ ಚುನಾವಣಾಧಿಕಾರಿಗಳಾಗಿ ಕರ್ತವ್ಯ ನಿರ್ವಹಿಸಿದರು. ಉಪನ್ಯಾಸಕರಾದ ಕೆ.ಎಂ.ರಾಕೇಶ್, ಅರವಿಂದ್ ಚುನಾವಣಾ ಮೇಲ್ವಿಚಾರಕರಾಗಿ ಸಹಕರಿಸಿದರು.

ಪ್ರೌಢಶಾಲಾ ವಿಭಾಗಕ್ಕೆ ನಡೆದ 2026-27ನೇ ಸಾಲಿನ ವಿದ್ಯಾರ್ಥಿ ಸಂಘದ ಚುನಾವಣೆಯಲ್ಲಿ ಮುಖ್ಯಮಂತ್ರಿಯಾಗಿ ಸಾನಿಕ ಆಯ್ಕೆಯಾಗಿದ್ದಾಳೆ. ಇನ್ನುಳಿದಂತೆ ರೀಪ್ತಿಕ (ಉಪ ಮುಖ್ಯಮಂತ್ರಿ), ಬಿ.ಎಸ್.ಸಮಿತಾ (ಆರೋಗ್ಯ ಮಂತ್ರಿ), ನಿಶ್ಚಿತಾ ಪೂಜಾರಿ (ಶಿಕ್ಷಣ ಮಂತ್ರಿ), ಸ್ಮರನ್ (ಸಾಂಸ್ಕೃತಿಕ ಮಂತ್ರಿ), ಸೃಜನ್ (ಶಿಸ್ತು ಪಾಲನ ಮಂತ್ರಿ), ಆಶಿಶ್ (ಸ್ವಚ್ಛತಾ ಮಂತ್ರಿ), ಸುಬ್ರಹ್ಮಣ್ಯ (ಕ್ರೀಡಾ ಮಂತ್ರಿ) ಪ್ರತಿನಿಗಳಾಗಿ ಆಯ್ಕೆಯಾಗಿದ್ದಾರೆ.