ಈ ಚಿತ್ರಮಂದಿರವನ್ನು ರಾಜ್ಯದ ಮೊದಲ ಮಾದರಿ ಗ್ರಾಮವಾದ ಚಿಕ್ಕಜೋಗಿಹಳ್ಳಿಯಲ್ಲಿ ಮುಖ್ಯಮಂತ್ರಿ ದೇವರಾಜ ಅರಸು ಅವರ ಆಸಕ್ತಿ ಹಾಗೂ ಗ್ರಾಮಾಭಿವೃದ್ಧಿಯ ಕನಸುಗಾರ ಮಾದರಿ ಗ್ರಾಮದ ರೂವಾರಿ ಕೆ.ವೆಂಕಟಸ್ವಾಮಿ ಅವರ ವಿಶೇಷ ಶ್ರಮದಿಂದ 70ರ ದಶಕದಲ್ಲಿ ಚಿಕ್ಕಜೋಗಿಹಳ್ಳಿ ಗ್ರಾಮದಲ್ಲಿ ಇದು ಆರಂಭವಾಗಿದ್ದು, ಕನ್ನಡ ಸಿನಿ ಲೋಕದ ಮೇರು ನಟರಾದ ಡಾ.ರಾಜ್ಕುಮಾರ್, ಹಾಸ್ಯ ಖಳನಟ ಟಿ.ಎನ್. ಬಾಲಕೃಷ್ಣ, ಹಾಸ್ಯ ಚಕ್ರವರ್ತಿ ನರಸಿಂಹ ರಾಜು, ನಾಯಕ, ಖಳ ನಟ ಉದಯಕುಮಾರ್, ಮತ್ತೊಬ್ಬ ನಾಯಕ ನಟ ಕಲ್ಯಾಣಕುಮಾರ್ ಹಾಗೂ ನಟಿ ಲೀಲಾವತಿ ಚಿಕ್ಕಜೋಗಿಹಳ್ಳಿಗೆ ಆಗಮಿಸಿ ಭೂಮಿಪೂಜೆ ನೆರವೇರಿಸಿದ್ದರು. ಸಿನಿಮಾ ಟಾಕಿಸ್ ಪೂರ್ಣಗೊಂಡ ನಂತರ ಕೆ.ವೆಂಕಟಸ್ವಾಮಿ, ಅಂದಿನ ಮುಖ್ಯಮಂತ್ರಿ ಡಿ. ದೇವರಾಜ ಅರಸು ಹಾಗೂ ಖ್ಯಾತ ನಟಿ ಭಾರತಿ ವಿಷ್ಣುವರ್ಧನ ಸೇರಿ ಅನೇಕ ಖ್ಯಾತ ಸಿನಿಮಾ ಕಲಾವಿದರು ಇಲ್ಲಿಗೆ ಬಂದು 70ರ ದಶಕದಲ್ಲಿ ಈ ಚಿತ್ರಮಂದಿರಕ್ಕೆ ಚಾಲನೆ ನೀಡಿದ್ದರು. ಆ ಮೂಲಕ ಚಿಕ್ಕಜೋಗಿಹಳ್ಳಿಯಲ್ಲಿ ಮೊದಲ ಸರ್ಕಾರಿ ಚಿತ್ರಮಂದಿರ ಹೊಂದಿದ ಕೀರ್ತಿ ಈ ಗ್ರಾಮಕ್ಕಿದೆ.
