ಚಿಕ್ಕಜಾಯಿಗನೂರು ಗ್ರಾಮಕ್ಕೆ ತೆರಳುವ ಹಾದಿಯಲ್ಲಿ ಭತ್ತದ ಸಸಿ ಮಡಿ ಹಾಕಿದ್ದಾರೆ. ಆರಂಭದಲ್ಲಿ ಬೀಜ ನಂತರ ಸಸಿಗಳ ಬೆಳವಣಿಗೆ ಸಂದರ್ಭದಲ್ಲಿ ಗಿಳಿ, ಪಾರಿವಾಳ, ಗುಬ್ಬಿ, ಕೊಕ್ಕರೆ, ಕಪ್ಪು ಬಾತುಕೋಳಿಗಳಿಂದ ಕಾಪಾಡಲು ಬೀರ್ಬಾಟಲ್ಗಳನ್ನು ಸರತಿಸಾಲಿನಲ್ಲಿ ಕಟ್ಟಿದ್ದಾರೆ. ನಾಲ್ಕಡಿ ಅಂತರದಲ್ಲಿ ಖಾಲಿ ಬೀರ್ ಬಾಟಲ್ಗಳನ್ನು ಒಂದಕ್ಕೊಂದು ತಾಕುವಂತೆ ಕಟ್ಟಿದ್ದಾರೆ. ಅಲ್ಲದೆ ಮೊದಲ ಬಾಟಲ್ಗೆ ತಾಗುವಂತೆ ವ್ಯರ್ಥ ಬೀಜದ ಚೀಲವೊಂದನ್ನು ಕಟ್ಟಿದ್ದಾರೆ. ಈ ಥರ ಗದ್ದೆಯ ಮೂರು ದಿಕ್ಕಿಗೂ ಕಟ್ಟಿದ್ದಾರೆ. ಗಾಳಿಗೆ ಚೀಲ ಮೊದಲ ಬಾಟಲ್ಗೆ ತಾಕಿ ಬಾಟಲ್ಗಳು ಸದ್ದು ಮಾಡುತ್ತವೆ. ಇದರಿಂದ ಹಕ್ಕಿಗಳು ಸಸಿ ಮಡಿಯತ್ತ ಬರುವ ಧೈರ್ಯ ಮಾಡುವುದಿಲ್ಲ.
