ಚಿಕ್ಕಬಳ್ಳಾಪುರ: ಆನ್ ಲೈನ್ ನಲ್ಲಿ ಚಿಕ್ಕಬಳ್ಳಾಪುರ ಕ್ಷೇತ್ರದ ಜನರಿಂದ ಅಹವಾಲುಗಳ ಸಲ್ಲಿಕೆಗೆ ಅವಕಾಶ, ಸಂಬಂಧಪಟ್ಟ ತಂಡದಿಂದ ಒಂದು ಗಂಟೆಯೊಳಗೆ ಪರಿಶೀಲನೆ, ವಾಸ್ತವಾಂಶವನ್ನಾಧಾರಿಸಿ ಪ್ರಕರಣಗಳ ಇತ್ಯರ್ಥದ ನೂತನ ವ್ಯವಸ್ಥೆಯನ್ನು ಜಾರಿಗೆ ತಂದಿರುವ ಶಾಸಕ ಪ್ರದೀಪ್ ಈಶ್ವರ್, ಹೊಸ ವೆಬ್ ಸೈಟ್ (ವೆಬ್ಸೈಟ್ ವಿಳಾಸ:www.pradeepishwarmla.com) ಅನಾವರಣಗೊಳಿಸಿದರು.
ಜನರು ಕುಂದು ಕೊರತೆಗಳನ್ನು ಬಗೆಹರಿಸಿಕೊಳ್ಳಲು ಅಲೆದಾಡಬಾರದು. ಆಯಾ ವ್ಯಾಪ್ತಿಯಲ್ಲಿಯೇ ಸಮಸ್ಯೆಗಳನ್ನು ಹೇಳಿಕೊಳ್ಳಬೇಕು. ಹಾಗೆಯೇ ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳನ್ನು ತಲುಪಿ ತ್ವರಿತ ಇತ್ಯರ್ಥವಾಗಬೇಕು. ಇದಕ್ಕಾಗಿ ಇಲ್ಲಿ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗುತ್ತದೆ.
ಅಹವಾಲುಗಳಿಗೆ ಸಂಬಂಧಿಸಿದಂತೆ ಅಗತ್ಯ ದಾಖಲೆಗಳು, ಅರ್ಜಿದಾರರ ಮಾಹಿತಿಯನ್ನು ವೆಬ್ ಸೈಟ್ನಲ್ಲಿ ಅಪ್ ಲೌಡ್ ಮಾಡಬೇಕು. ವಾಟ್ಸಾಪ್, ಮೊಬೈಲ್ ಸಂದೇಶದ ಮೂಲಕ ಸಹ ಗಮನಕ್ಕೆ ತರಬಹುದು. ಇದನ್ನು ದೂರು ಸಲ್ಲಿಕೆಯಾದ ಒಂದು ಗಂಟೆಯೊಳಗೆ ಪರಿಶೀಲಿಸಲಾಗುತ್ತದೆ. ಇದರ ವಾಸ್ತವಾಂಶವನ್ನು ದೃಢಪಡಿಸಿಕೊಂಡು, ಆಯಾ ಇಲಾಖೆಯ ಮೂಲಕ ಸಮಸ್ಯೆಯನ್ನು ಬಗೆಹರಿಸಲಾಗುತ್ತದೆ.
