ಕುಡಿಯುವ ನೀರಿನ ಮೂಲ: ನದಿ-ನಾಲೆಗಳಿಲ್ಲದ ಜಿಲ್ಲೆಯಲ್ಲಿ ಕೆರೆಗಳೇ ಜೀವಾಳ. ಈ ಭಾಗದಲ್ಲಿ ಸಣ್ಣ ನೀರಾವರಿ ಇಲಾಖೆ ವ್ಯಾಪ್ತಿಯ 201 ಕೆರೆಗಳು ಮತ್ತು ಜಿಪಂ ವ್ಯಾಪ್ತಿಗೆ ಸೇರಿದ 1,402 ಕೆರೆಗಳು ಸೇರಿ 1,603 ಕೆರೆಗಳಿವೆ. ಇದರ ನಡುವೆ ಸ್ಥಳೀಯ ಆಡಳಿತ ಸಂಸ್ಥೆಗಳು ಕುಡಿಯುವ ನೀರಿನ ಯೋಜನೆಗೆ ಅಳವಡಿಕೆಯ ಕೆರೆ ಮತ್ತು ಜಲಾಶಯಗಳನ್ನು ನಿರ್ವಹಿಸುತ್ತಿದೆ. ಇವುಗಳಿಗೆ ಸಂಬಂಧಿಸಿದಂತೆ ಬಹುತೇಕ ಎಲ್ಲಾದರಲ್ಲೂ ಸಮೃದ್ಧಿ ನೀರಿನಿಂದ ಜೀವ ಕಳೆ ಬಂದಿದೆ. ಜಿಲ್ಲೆಯಲ್ಲಿ 2011ರ ಜನಗಣತಿಯಂತೆ ಕುಟುಂಬಗಳ ಸಂಖ್ಯೆ 2,84,698. ಇದರಲ್ಲಿ ಕೊಳಾಯಿ ಶೇ.71.46, ಬಾವಿ ಶೇ.1.38, ಕೈ ಪಂಪು ಶೇ.1.08 ಮತ್ತು ಕೊಳವೆ ಬಾವಿ ಶೇ.23.95 ರಷ್ಟು ಕುಡಿಯುವ ನೀರಿನ ಮೂಲವನ್ನು ಆವಲಂಬಿಸಲಾಗಿದೆ. ಇನ್ನು ಜಲಜೀವನ್ ಮಿಷನ್ ಯೋಜನೆಯಡಿ ಚಿಕ್ಕಬಳ್ಳಾಪುರ ತಾಲೂಕಿನ ಮಂಡಿಕಲ್ಲು, ಮಂಚೇನಹಳ್ಳಿಯ ದಂಡಿಗಾನಹಳ್ಳಿ ಕೆರೆಯಿಂದ ನೀರು ಪೂರೈಸಲು ಅನುಕೂಲಕರ ವಾತಾವರಣ ನಿರ್ಮಾಣವಾಗಿದೆ.
