ಅಕ್ರಮ ಸೆಂದಿ ಸಾಗಾಟ ಇಬ್ಬರ ಬಂಧನ

ಗೌರಿಬಿದನೂರು: ಅಬಕಾರಿ ಪೊಲೀಸರು ತಾಲೂಕಿನ ದೊಡ್ಡಕುರುಗೋಡು, ಹಾಲಗಾನಹಳ್ಳಿ ಗ್ರಾಮಗಳಲ್ಲಿ ದಾಳಿ ನಡೆಸಿ ಅಕ್ರಮವಾಗಿ ಆಂಧ್ರಪ್ರದೇಶದಿಂದ ಸಾಗಿಸುತ್ತಿದ್ದ 22 ಲೀ. ಸೇಂದಿ ವಶಪಡಿಸಿಕೊಂಡಿದ್ದಾರೆ. ಯಲಹಂಕ ಜಕ್ಕೂರು ಬಡಾವಣೆಯ ಮುನಿಯಪ್ಪ(57), ಮಂಚೇನಹಳ್ಳಿ ತಾಲೂಕು ಅರಸಾಲಾಬಂಡೆ ಗ್ರಾಮದ ವೆಂಕಟೇಶ್​(45) ಬಂಧಿತರು. 2 ಬೈಕ್​ ಜಪ್ತಿ ಮಾಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಕಾರ್ಯಾಚರಣೆಯಲ್ಲಿ ಅಬಕಾರಿ ಉಪ ನಿರೀಕ್ಷಕರಾದ ಸಿ.ಎನ್​.ಕುಮಾರ್​, ಜೈರಾಮ್​ ಎಸ್​.ರಾಠೋಡ್​, ಪೇದೆಗಳಾದ ಅಜಿತ್​ ಕೆ.ಬೆಂಡವಾಡೆ, ಎಚ್​.ರವಿಪ್ರಸಾದ್​ ಇದ್ದರು.