ತಂದೆಯನ್ನೇ ಕೊಂದ ಮಗ

ಗೌರಿಬಿದನೂರು: ಮದ್ಯ ಸೇವಿಸುವ ವಿಚಾರಕ್ಕೆ ಜಗಳವಾಗಿ ಪುತ್ರನಿಂದಲೇ ತಂದೆಯ ಕೊಲೆಯಾಗಿದೆ. ಇಲ್ಲಿನ ನೆಹರೂಜಿ ನಗರದ

ಗಂಗಣ್ಣ(55) ಕೊಲೆಯಾದ ತಂದೆ. ಮಗ ಸಂಜಯ್​ ಕುಮಾರ್​(25) ಆರೋಪಿ.

ತಂದೆಗೆ ಮದ್ಯಪಾನ ಮಾಡುವ ಅಭ್ಯಾಸವಿದ್ದು, ಭಾನುವಾರ ಸಂಜಯ್​ಗೆ ಹೆಚ್ಚಿನ ಮದ್ಯ ಬೇಕು ಎಂದು ಕೇಳಿದ್ದಾರೆ. ಈ ವೇಳೆ ಇಬ್ಬರ ನಡುವೆ ಜಗಳವಾಗಿದ್ದು, ತಂದೆಯ ಕೊಲೆಯಾಗಿದೆ ಎಂದು ಮೃತನ ಪುತ್ರಿ ನಗರದ ಠಾಣೆಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ. ವಿಚಾರ ತಿಳಿದು ನಗರ ಠಾಣೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಸಂಜಯ್​ ಕುಮಾರ್​ನನ್ನು ಬಂಧಿಸಿ ಪ್ರಕರಣ ದಾಖಲಿಸಿದ್ದಾರೆ.