ಅಕ್ರಮ ಮದ್ಯ ಸಾಗಿಸುತ್ತಿದ್ದವ ಸೆರೆ

ಚಿಂತಾಮಣಿ: ಅಕ್ರಮವಾಗಿ ಮದ್ಯ ಸಾಗಾಣೆ ಮಾಡುತ್ತಿದ್ದು ಬೈಕ್​ ಸವಾರನನ್ನು ಬಂಧಿಸಿ ಟಿವಿಎಸ್​ ಬೈಕ್​, ಮದ್ಯ ವಶಪಡಿಸಿಕೊಳ್ಳಲಾಗಿದೆ. ಮುರುಗಮಲ್ಲಾ ಗ್ರಾಮದ ದೀಪಕ್​(20) ಆರೋಪಿ. ಗ್ರಾಮಗಳಲ್ಲಿ ಚಿಲ್ಲರೆ ಅಂಗಡಿಗಳಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡಲು ಸಾಗಾಣೆ ಮಾಡುತ್ತಿದ್ದಾಗ ತಾಲೂಕಿನ ಗುಂಡ್ಲಹಳ್ಳಿ ಕ್ರಾಸ್​ ಬಳಿ ದಾಳಿ ನಡೆಸಿದ ಚಿಕ್ಕಬಳ್ಳಾಪುರ ಜಿಲ್ಲಾ ರಕ್ಷಣಾಧಿಕಾರಿ ಕುಶಲ್​ಚೌಕ್ಸೆ ವಿಶೇಷ ತಂಡ 25 ಲೀಟರ್​ ಮದ್ಯ, ಬೈಕ್​ ವಶಕ್ಕೆ ಪಡೆದಿದೆ. ಬಟ್ಲಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.