ಹಂದಿಗೆ ಹೋಲುವ ಮರಿಗೆ ಜನ್ಮ ನೀಡಿದ ಮೇಕೆ

ಗುಡಿಬಂಡೆ: ತಾಲೂಕಿನ ದಪ್ಪರ್ತಿ ಗ್ರಾಪಂ ವ್ಯಾಪ್ತಿಯ ಗವಿಕುಂಟಹಳ್ಳಿಯ ರೈತ ನಾಗರಾಜ ಸಾಕಿರುವ ಮೇಕೆ ಗುರುವಾರ ಬೆಳಗ್ಗೆ ಹಂದಿಗೆ ಹೋಲುವ ಮಾದರಿಯಲ್ಲಿ ಮರಿಗೆ ಜನ್ಮ ನೀಡಿದ್ದು ಅಚ್ಚರಿ ಮೂಡಿಸಿದೆ. ಮೇಕೆ ಮರಿ ಹಂದಿಗೆ ಹೋಲಿಕೆ ಆಗುವಂತಿದೆ, ಕೆಲವರು ನಾಯಿಯಂತಿದೆಂದು ಹೇಳುತ್ತಿದ್ದು ಇದನ್ನು ನೋಡಲು ತಾಲೂಕಿನ ವಿವಿಧ ಗ್ರಾಮಗಳಿಂದ ತಂಡೋಪತಂಡವಾಗಿ ಜನ ಆಗಮಿಸಿದ್ದರು. ಈ ಮರಿ ಹುಟ್ಟಿದ ಕೆಲ ಸಮಯದಲ್ಲೇ ಮೃತಪಟ್ಟಿದೆ.

ಮೇಕೆ ಮರಿ ಮುಖ ಸ್ವಲ್ಪ ವಿಶೇಷವಾಗಿದೆ. ಹಂದಿಯ ರೀತಿ ಇದೆ ಎಂದು ಸುಳ್ಳು ಸುದ್ದಿ ಹಬ್ಬಿಸಿದ್ದು ಸರಿಯಲ್ಲ ಎಂದು ಪಶುಸಂಗೋಪನಾ ಇಲಾಖೆ ಪಶು ವೈದ್ಯರು ತಿಳಿಸಿದ್ದಾರೆ.