ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಬೇಕಿದೆ ಇಂಗ್ಲಿಷ್​ ಜ್ಞಾನ

ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಸಾಧನೆ ಮಾಡಲು ಇಂಗ್ಲಿಷ್​ ಕಲಿಕೆ ಅನಿವಾರ್ಯ ಎಂದು ಬಿಳ್ಳೂರು ಸರ್ಕಾರಿ ಪ್ರೌಢಶಾಲೆ ಪ್ರಭಾರ ಮುಖ್ಯಶಿಕ್ಷಕ ಎನ್​.ಆರ್​.ಕುಮಾರ್​ ತಿಳಿಸಿದರು.

ಬಾಗೇಪಲ್ಲಿ ತಾಲೂಕು ಬಿಳ್ಳೂರು ಸರ್ಕಾರಿ ಪ್ರೌಢಶಾಲೆಯಲ್ಲಿ ಮಂಗಳವಾರ ಬೆಂಗಳೂರಿನ ಆಲ್​ ಹ್ಯಾಂಡ್ಸ್​ ಟುಗೆದರ್​ ಎಜುಕೇಷನ್​ ಮತ್ತು ಚಾರಿಟಬಲ್​ ಟ್ರಸ್ಟ್​ನ ಸದಸ್ಯ ಕೆ.ಪಿ.ಚಂದ್ರಶೇಖರ್​ ಮತ್ತು ಸ್ನೇಹಿತರು ಕೊಡುಗೆಯಾಗಿ ನೀಡಿದ ನಿಘಂಟು ವಿತರಿಸುವ ಕಾರ್ಯಕ್ರಮದಲ್ಲಿ ಮಾತನಾಡಿ, ಇಂಗ್ಲಿಷ್​ ಕಬ್ಬಿಣದ ಕಡಲೆಯಲ್ಲ. ಆತ್ಮವಿಶ್ವಾಸದಿಂದ ಕಲಿತರೆ ಸುಲಭ. ಇಂಗ್ಲೀಷ್​ ಕಲಿತರೆ ಕೀಳರಿಮೆ ಹೋಗುತ್ತದೆ. ವಿಶ್ವದ ಯಾವುದೇ ದೇಶದ ಜನರೊಂದಿಗೆ ವ್ಯವಹರಿಸಲು ಸಾಧ್ಯವಾಗುತ್ತದೆ ಎಂದರು.

ಶಿಕ್ಷಕಿ ವೇಣಿಬಾಯಿ ಮಾತನಾಡಿ, ಪ್ರಾಥಮಿಕ ಹಂತದಲ್ಲೇ ಇಂಗ್ಲಿಷ್​ ಕಲಿಸಿದರೆ, ಸ್ಪರ್ಧಾತ್ಮಕ ಯುಗದಲ್ಲಿ ಮಕ್ಕಳು ಸಿದ್ಧರಾಗುತ್ತಾರೆ ಎಂದರು.

ಶಿಕ್ಷಕ ಸುನಿಲ್​ಕುಮಾರ್​ ಮಾತನಾಡಿ, ಗ್ರಾಮೀಣ ವಿದ್ಯಾರ್ಥಿಗಳು ಇಂಗ್ಲಿಷ್​ ಸುಲಭವಾಗಿ ಕಲಿಯಲಿ ಎಂಬ ಉದ್ದೇಶದಿಂದ ಬೆಂಗಳೂರಿನ ಆಲ್​ ಹ್ಯಾಂಡ್ಸ್​ ಟುಗೆದರ್​ ಎಜುಕೇಷನ್​ ಮತ್ತು ಚಾರಿಟಬಲ್​ ಟ್ರಸ್ಟ್​ನ ಸದಸ್ಯ ಕೆ.ಪಿ.ಚಂದ್ರಶೇಖರ್​ ಮತ್ತು ಸ್ನೇಹಿತರು ಕೊಡುಗೆಯಾಗಿ ನಿಘಂಟು ನೀಡಿ ಪ್ರೋತ್ಸಾಹಿಸುತ್ತಿರುವುದು ಶ್ಲಾಘನೀಯ ಎಂದರು. ಅತಿಥಿ ಶಿಕ್ಷಕರಾದ ರಿಹಾನ, ಶ್ರೀಲೇಖಾ, ರಮೇಶ್​, ವಿದ್ಯಾರ್ಥಿಗಳಿದ್ದರು.