ನುಸುಳುಕೋರರಿಗೆ ಕಾಂಗ್ರೆಸ್​ ಶ್ರೀರಕ್ಷೆ

ಪಟ್ಟಣದ ಡಿವಿಜಿ ಮುಖ್ಯರಸ್ತೆಯಲ್ಲಿ ಬಿಜೆಪಿ ಕಾರ್ಯಾಲಯ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ ನೇರವೇರಿಸಿ ಮಾತನಾಡಿದರು.

ಬಾಗೇಪಲ್ಲಿ ವಿಧಾನಸಭಾ ೇತ್ರದಲ್ಲಿ 20 ಸಾವಿರಕ್ಕೂ ಹೆಚ್ಚು ಅಕ್ರಮ ಮತದಾರರು ಇದ್ದು, ಅಕ್ರಮ ಮತದಾರರು ಈ ಭಾಗದ ಕಾಂಗ್ರೆಸ್​ ಸಚಿವರು, ಶಾಸಕರ ಅಧಿಕಾರದ ಪ್ರಭಾವ ಬಳಸಿ ಬೋಗಸ್​ ಮತಚೀಟಿ ಉಳಿಸಿಕೊಳ್ಳಲು ಮುಂದಾಗಿದ್ದಾರೆ. ರಾಜ್ಯ ಕಾಂಗ್ರೆಸ್​ ಸರ್ಕಾರ ಅಕ್ರಮ ವಲಸಿಗರಿಗೆ ಎಲ್ಲ ರೀತಿಯ ದಾಖಲೆ ನೀಡಿ ರಕ್ಷಣೆ ನೀಡುತ್ತಿದೆ. ತಾಲೂಕಿನಲ್ಲಿ ಪಾಕಿಸ್ತಾನ ಮೂಲದ ಇಬ್ಬರು ಮತದಾನದ ಹಕ್ಕು ಸೇರಿ ಪಡಿತರ ಚೀಟಿ, ಆಧಾರ್​ ಕಾರ್ಡ್​ ಹೊಂದಿರುವ ಬಗ್ಗೆ ಎಸ್​ಐಆರ್​ ಪ್ರಕ್ರಿಯೆ ವೇಳೆಯಲ್ಲಿ ಬೆಳಕಿಗೆ ಬಂದಿದ್ದು, ಅವರ ವಿರುದ್ಧ ಪ್ರಕರಣ ದಾಖಲಾಗಿದೆ ಎಂದರೆ ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಯಾವ ಮಟ್ಟದಲ್ಲಿ ಹದಗೆಟ್ಟಿದೆ ಎಂಬುದನ್ನು ಕಾಣಬಹುದು ಎಂದರು.

ಆಂಧ್ರ, ಬೆಂಗಳೂರು ನಗರ ಸೇರಿ ಇತರ ಪ್ರದೇಶಗಳಲ್ಲಿ ವಾಸಿಸುತ್ತಿರುವ ಅನೇಕರು ಬಾಗೇಪಲ್ಲಿ ವಿಧಾನಸಭಾ ೇತ್ರದಲ್ಲಿ ಮತದಾನದ ಹಕ್ಕು ಹೊಂದಿರುವ ಬಗ್ಗೆ ಬೂತ್​ ಮಟ್ಟದ ಕಾರ್ಯಕರ್ತರಿಂದ ಮಾಹಿತಿ ಪಡೆದುಕೊಂಡಿದ್ದೇವೆ. ಬಾಗೇಪಲ್ಲಿ ತಹಸೀಲ್ದಾರ್​ ಹಾಗೂ ಬಿಎಲ್​ಒಗಳು ಅಕ್ರಮ ಮತದಾರರನ್ನು ಪಟ್ಟಿಯಿಂದ ಕೈ ಬಿಡದಿದ್ದರೆ ಬಿಜೆಪಿಯಿಂದ ಹೋರಾಟ ಹಮ್ಮಿಕೊಂಡು ಅಧಿಕಾರಿಗಳಿಗೆ ಶಿೆ ಕೊಡಿಸುವವರೆಗೂ ನಾವು ಬಿಡುವುದಿಲ್ಲ ಎಂದು ಎಚ್ಚರಿಸಿದರು.

ಬಿಜೆಪಿ ಮಂಡಲಾಧ್ಯಕ್ಷರಾದ ಆರ್​.ಪ್ರತಾಪ್​, ಗುಡಿಬಂಡೆ ಗಂಗಿರೆಡ್ಡಿ, ಮುಖಂಡರಾದ ಗುಜ್ಜೇಪಲ್ಲಿ ಸುಧಾಕರರೆಡ್ಡಿ, ಆರ್​.ವೆಂಕಟೇಶ್​, ಕೊತ್ತಕೋಟೆ ಲೋಕೇಶ್​, ಚಿನ್ನಪೂಜಪ್ಪ, ರಾಮಚಂದ್ರ, ರವಿಕುಮಾರ್​, ಅಂಜಿನಪ್ಪ, ವೆಂಕಟಶಿವಪ್ಪ, ರುನಾಥರೆಡ್ಡಿ, ಮಧುಸೂದನರೆಡ್ಡಿ, ಜಿನ್ನಿ, ಗೋಪಾಲ, ಚನ್ನರಾಯಪ್ಪ, ಮಾಮಿಡಿಕಾಯಲಪಲ್ಲಿ ಶ್ರೀನಿವಾಸ್​ ಮತ್ತಿತರರು ಇದ್ದರು.

ರಾಜ್ಯ ಕಾಂಗ್ರೆಸ್​ ಸರ್ಕಾರದಲ್ಲಿ ಭ್ರಷ್ಟಾಚಾರ ತಾಂಡವವಾಡುತ್ತಿದೆ. ಜತೆಗೆ ಪಾಕಿಸ್ತಾನ, ಬಾಂಗ್ಲಾದೇಶ ಸೇರಿ ಹೊರ ರಾಜ್ಯಗಳಿಂದ ಬಂದು ರಾಜ್ಯದಲ್ಲಿ ನೆಲಸಿರುವ ಅಕ್ರಮ ವಲಸಿಗರ ಬಗ್ಗೆ ಪರೀಶೀಲನೆ ನಡೆಸದೆ ಮತ ಬ್ಯಾಂಕ್​ಗೋಸ್ಕರ (ಪಿಆರ್​ಸಿ)ಪರ್ಮನೆಂಟ್​ ರೆಸಿಡೆನ್ಸ್​ ಸರ್ಟಿಫಿಕೇಟ್​ ಕೊಟ್ಟು ತದ ನಂತರ ಆಧಾರ್​ ಕಾರ್ಡ್​, ಗ್ಯಾರಂಟಿ ಯೋಜನೆಗಳನ್ನು ನೀಡುವ ಕೆಲಸ ಮಾಡುತ್ತಿದೆ. ಉದ್ದೇಶಪೂರ್ವಕವಾಗಿ ವಲಸಿಗರನ್ನು ಮತಪಟ್ಟಿಗೆ ಸೇರಿಸಲಾಗುತ್ತಿದೆ. ರಾಜ್ಯ ಕಾಂಗ್ರೆಸ್​ನ ಈ ಧೋರಣೆಯಿಂದ ರಾಜ್ಯದ ಜನತೆಗೆ ಸಿಗಬೇಕಾಗಿರುವ ಸರ್ಕಾರಿ ಯೋಜನೆ ಸೌಲಭ್ಯಗಳು ಹೊರ ರಾಜ್ಯದ ವಲಸಿಗರಿಗೆ ತಲುಪುತ್ತಿವೆ ಎಂದು ಬಿಜೆಪಿ ಜಿಲ್ಲಾಧ್ಯಕ್ಷ ಸೀಕಲ್​ ರಾಮಚಂದ್ರಗೌಡ

ಕಿಡಿಕಾರಿದರು.

ಚಿಕ್ಕಬಳ್ಳಾಪುರ ಜಿಲ್ಲಾ ಬಿಜೆಪಿಯಲ್ಲಿ ಉಲ್ಭಣಗೊಂಡಿರುವ ಮುಖಂಡರ ಗುಂಪುಗಾರಿಕೆ ಕುರಿತು ರಾಜ್ಯ ನಾಯಕರು ಮಟ್ಟದಲ್ಲಿ ಮುಖಂಡರೊಂದಿಗೆ ಸಭೆ ನಡೆಸಿದ್ದಾರೆ. ಮುಂದಿನ ದಿನಗಳಲ್ಲಿ ಎಲ್ಲರೂ ಒಗ್ಗಟ್ಟಿನಿಂದ ಪಕ್ಷ ಸಂಟನೆಯಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ. ಸಂಸದ ಡಾ.ಕೆ.ಸುಧಾಕರ್​ ಹಾಗೂ ಯಲಹಂಕ ಶಾಸಕ ಎಸ್​.ಆರ್​.ವಿಶ್ವನಾಥ್​ ನಡುವಿನ ಮುಸುಕಿನ ಗುದ್ದಾಟಕ್ಕೆ ತಳ ಮಟ್ಟದ ಬಿಜೆಪಿ ಮುಖಂಡರು, ಕಾರ್ಯಕರ್ತರು ಬಲಿಯಾಗುತ್ತಿರುವ ಬಗ್ಗೆಯೂ ಪಕ್ಷದ ಗಮನಕ್ಕೆ ಬಂದಿದ್ದು, ಪಕ್ಷದ ಎಲ್ಲ ಅಂತರಿಕ ಸಮಸ್ಯೆಗಳಿಗೆ ತೆರೆ ಬಿದ್ದು ಒಗ್ಗಟ್ಟಿನಿಂದ ಪಕ್ಷ ಸಂಟನೆಯಲ್ಲಿ ಭಾಗಿಯಾಗುತ್ತಾರೆ ಎಂಬ ಸೀಕಲ್​ ರಾಮಚಂದ್ರಗೌಡ ಸುಳಿವು ನೀಡಿದರು.