ಕಾರು ಪಲ್ಟಿಯಾಗಿ ದಾರುಣ ಸಾವು

ಆಗಿದ್ದೇನು?: ತಾಲೂಕಿನ ಎಚ್​.ಕ್ರಾಸ್​ ಮಾರ್ಗದ ಹಾರಡಿ ಬಳಿ ಟೈಲ್ಸ್​ ಕಾರ್ಖಾನೆಯಲ್ಲಿ ಕೂಲಿ ಕಾರ್ಮಿಕರಾಗಿದ್ದ ಉತ್ತರ ಪ್ರದೇಶದ ನಾಲ್ವರು ಸ್ವಂತ ಊರಿಗೆ ತೆರಳಲು ಬಸ್​ಗಾಗಿ ಎಚ್​.ಕ್ರಾಸ್​ಗೆ ನಡೆದುಕೊಂಡು ಹೋಗುತ್ತಿದ್ದಾಗ ಕಾರಿನಲ್ಲಿ ಬಂದ ಇಬ್ಬರು ದರೋಡೆಕೋರರು ಚಾಕು ತೋರಿಸಿ ಬೆದರಿಸಿ ನಾಲ್ವರ ಪೈಕಿ ಮೂವರ ಬಳಿ ಮೊಬೈಲ್​ಗಳನ್ನು ಕಸಿದುಕೊಂಡು ಪರಾರಿಯಾಗಿದ್ದರು.

ರಾತ್ರಿ ಗಸ್ತು ಮುಗಿಸಿ ಠಾಣೆಗೆ ವಾಪಸ್​ ಆಗುತ್ತಿದ್ದ ಶಿಡ್ಲಟ್ಟ ಗ್ರಾಮಾಂತರ ಠಾಣೆಯ ಎಸ್​ಐ ಜೀಪನ್ನು ನಿಲ್ಲಿಸಿದರಿಂದ ಕೂಲಿ ಕಾರ್ಮಿಕರು ನಡೆದ ಟನೆ ವಿವರಿಸಿದ್ದಾರೆ. ಕಾರ್ಮಿಕರ ಮೊಬೈಲ್​ಗಳು ಕಳ್ಳರ ಬಳಿ ಇದ್ದ ಕಾರಣ ಮೊಬೈಲ್​ ಟವರ್​ ಲೊಕೇಷನ್​ನ್ನು ತಿಳಿದುಕೊಂಡು ಪೊಲೀಸರು ಕಾರನ್ನು ಹಿಂಬಾಲಿಸಿದ್ದಾರೆ. ಆದರೆ, ಅಷ್ಟರಲ್ಲಿ ಕಳ್ಳರ ಕಾರು ಶಿಡ್ಲಟ್ಟ&ಜಂಗಮಕೋಟೆ ಮಾರ್ಗದ ಬೋದಗೂರು ಮಳಮಾಚನಹಳ್ಳಿ ಮಧ್ಯೆ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ.ಇಬ್ಬರೂ ಕುಡಿತದ ದಾಸರಾಗಿದ್ದು ಮೊಬೈಲ್​ ದರೋಡೆ ಸಮಯದಲ್ಲೂ ವಿಪರೀತ ಮಧ್ಯೆ ಸೇವಿಸಿದ್ದರು ಎಂದು ಪೊಲೀಸರು ತಿಳಿಸಿದರು.

ಶಿಡ್ಲಟ್ಟ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಎಸ್ಪಿ ಕುಶಲ್​ ಚೌಕ್ಸೆ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.