ಅಪಘಾತದಲ್ಲಿ ಬೈಕ್​ ಸವಾರರಿಗೆ ಗಾಯ

ಚಿಂತಾಮಣಿ: ತಾಲೂಕಿನ ಚೇಳೂರು ರಸ್ತೆಯ ಶೆಟ್ಟಿನಾಯಕನಹಳ್ಳಿ ಗೇಟ್​ ಬಳಿ ಕಾರು ಮತ್ತು ಬೈಕ್​ ನಡುವೆ ಅಪಘಾತ ಸಂಭವಿಸಿ ಬೈಕ್​ನಲ್ಲಿದ್ದ ಇಬ್ಬರು ಸವಾರರು ತೀವ್ರವಾಗಿ ಗಾಯಗೊಂಡಿದ್ದಾರೆ. ಶೆಟ್ಟಿನಾಯಕನಹಳ್ಳಿಯ ರಾಮಾಂಜಿ (30) ಮತ್ತು ಮುನಿರಾಜು (38) ಗಾಯಗೊಂಡರು. ಗಾಯಾಳುಗಳಿಗೆ ಚಿಂತಾಮಣಿ ಖಾಸಗಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ, ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರು ಆಸ್ಪತ್ರೆಗೆ ರವಾನಿಸಲಾಗಿದೆ. ಕೆಂಚಾರ್ಲಹಳ್ಳಿ ಪೊಲೀಸರು ವಾಹನಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.