ದ್ವಿಚಕ್ರ ವಾಹನ ಕಳ್ಳರ ಬಂಧನ

ತಾಲೂಕಿನ ಕಾದಲವೇಣಿಯ ವಿನೋದ್​ ಕುಮಾರ್​(23) ಹಾಗೂ ಆಂಧ್ರದ ಗುಂಟೂರು ಜಿಲ್ಲೆಯ ಆಟೋನಗರ ವಾಸಿ ಚೆಲ್ಲಾ ಸೋಮಶಂಕರ(22) ಬಂಧಿತರು.

ಜು.16ರಂದು ಪೊಲೀಸರಾದ ಶ್ರೀನಿವಾಸರೆಡ್ಡಿ ಹಾಗೂ ಮಹಾಂತೇಶ ಪರಂಗಿ ನಗರದಲ್ಲಿ ಗಸ್ತು ತಿರುಗುತ್ತಿದ್ದಾಗ ಗುಂಡಾಪುರ ಕಡೆಯಿಂದ ಬೈಕ್​ನಲ್ಲಿ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದ ಚೆಲ್ಲಾ ಸೋಮಶಂಕರನನ್ನು ವಶಕ್ಕೆ ಪಡೆದು ವಿಚಾರಿಸಿದಾಗ ಬೈಕ್​ಗಳ ಕಳವಿನ ಬಗ್ಗೆ ಬಾಯಿಬಿಟ್ಟಿದ್ದಾನೆ. ಆತ ನೀಡಿದ ಮಾಹಿತಿಯಿಂದ ಮತ್ತೊಬ್ಬ ಆರೋಪಿ ವಿನೋದ್​ ಕುಮಾರ್​ನನ್ನು ಬಂಧಿಸಲಾಗಿದೆ. ಗ್ರಾಮಾಂತರ ಠಾಣೆಯಲ್ಲಿ ದಾಖಲಾಗಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೇ ಆರೋಪಿಗಳಿಂದ 67 ಸಾವಿರ ರೂ. ಮೌಲ್ಯದ 420 ಕೆಜಿ ತೂಕದ 21 ಒಣ ಮೆಣಸಿನ ಕಾಯಿ ಬ್ಯಾಗ್​ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ವೃತ್ತದ ಸಿಪಿಐ ಅಂಜನ್​ ಕುಮಾರ್​ ಮಾರ್ಗದರ್ಶನದಲ್ಲಿ ಗೌರಿಬಿದನೂರು ನಗರ ಠಾಣೆ ಪಿಎಸ್​ಐ ಲಲಿತಮ್ಮ ಹಾಗೂ ವರಲಕ್ಷ್ಮಿ, ಸಿಬ್ಬಂದಿ ಶ್ರೀನಿವಾಸರೆಡ್ಡಿ, ಮಹಾಂತೇಶ ಪರಂಗಿ, ತಿಪ್ಪೇಶ, ಅಶೋಕ, ವಿನಯ್​ ಕುಮಾರ್​ ಹಾಗೂ ತನಿಖಾ ಸಹಾಯಕರಾದ ಸುಬ್ರಮಣಿ, ಅನಿತಾ ಕಾರ್ಯಾಚರಣೆಯಲ್ಲಿ ಇದ್ದರು.