ಆಧ್ಯಾತ್ಮದಿಂದ ಮನುಷ್ಯನಿಗೆ ನೆಮ್ಮದಿ ಸಿಗಲು ಸಾಧ್ಯ. ಆದರೆ ಆಧುನಿಕತೆ ಬೆಳದಂತೆ ಈ ಹಿಂದೆ ನಡೆಯುತ್ತಿದ್ದ ಪುರಾಣ, ಪ್ರವಚನಗಳಿಗೆ ಬರುವ ಭಕ್ತರ ಸಂಖ್ಯೆ ಇಳಿಮುಖವಾಗುತ್ತಿದೆ. ಇದರಿಂದ ಆಧ್ಯಾತ್ಮದಿಂದ ಸಿಗುವ ನೆಮ್ಮದಿಯಿಂದ ವಿಮುಖನಾಗಿದ್ದಾರೆ. ಒತ್ತಡದ ಬದುಕಿನಲ್ಲಿ ಸಿಲುಕಿಕೊಂಡು ಸಂಬಂಧಗಳನ್ನು ಉಳಿಸಿಕೊಳ್ಳಲಾಗದ ಪರಿಸ್ಥಿತಿಗೆ ತಲುಪಿದ್ದು, ನೆಮ್ಮದಿ ಬದುಕಿಗಾಗಿ ಹುಡುಕಾಟ ನಡೆಸುವಂತಾಗಿದೆ. ಅದಕ್ಕಾಗಿ ಚನ್ನಮಲ್ಲ ಸ್ವಾಮೀಜಿಗಳು ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಬಸವೇಶ್ವರ ಜಯಂತಿ ಅಂಗವಾಗಿ ಹಳ್ಳಿಗಳಿಗೆ ತೆರಳಿ ದುಶ್ಚಟಗಳನ್ನು ಭಿಕ್ಷೆ ಬೇಡಿ, ರುದ್ರಾಕ್ಷಿಧಾರಣೆ ಮಾಡಿ ಪ್ರವಚನದ ಮೂಲಕ ಆಧ್ಯಾತ್ಮದೆಡಗೆ ಸೆಳೆಯುವ ಪ್ರಯತ್ನ ಮಾಡುತ್ತಿರುವುದು ಶ್ಲಾಘನೀಯ ಎಂದರು. ಹೆಬ್ಬಾಳದ ಪ್ರಕಾಶ ಶರಣರು, ಅಬಲೂರು ದೇವರು, ಅರಳಹಳ್ಳಿ ದೇವರು ಇತರರಿದ್ದರು.
