ನ.20ರಂದು ಗ್ರಾಮ ಕರಣಿಕರ ಮೊಬೈಲ್ಗೆ ಕರೆ ಮಾಡಿದಾಗ ‘ನಿಮ್ಮ ಅಜ್ಜನ ಮರಣದ ದೃಢೀಕರಣ ಪತ್ರ ಸಿದ್ಧವಾಗಿದೆ. ಗ್ರಾಮ ಕರಣಿಕರ ಕಚೇರಿಗೆ ಬನ್ನಿ. ಬರುವಾಗ 15,000 ರೂ. ತೆಗೆದುಕೊಂಡು ಬನ್ನಿ’ ಎಂದು ತಿಳಿಸಿದ್ದರು. ಆದರೆ ಅಷ್ಟೊಂದು ಹಣ ಇಲ್ಲ ಎಂದು ದೂರುದಾರರು ತಿಳಿಸಿದಾಗ ‘ನಾಳೆಯಾದ್ರು ತಂದು ಕೊಡಿ’ ಎಂದು ಗ್ರಾಮಕರಣಿಕರು ಹೇಳಿದ್ದರು. ನ.22ರಂದು ಹೋಗಿ ಮಾತನಾಡಿದಾಗ ಮರಣ ದೃಢೀಕರಣ ಪತ್ರ ಮಾಡಿಕೊಟ್ಟಿದ್ದಕ್ಕಾಗಿ 15,000 ರೂ.ಗಳನ್ನು ಸುರತ್ಕಲ್ ನಾಡಕಚೇರಿಗೆ ಬಂದು ಕೊಡುವಂತೆ ಲಂಚದ ಬೇಡಿಕೆ ಇಟ್ಟಿದ್ದರು. ಆಗ ದೂರುದಾರರು ಅದರಲ್ಲಿ ಸ್ವಲ್ಪ ಕಡಿಮೆ ಮಾಡುವಂತೆ ಹೇಳಿದಾಗ 2,000 ರೂ. ಕಡಿಮೆ ಮಾಡಿ 13,000 ರೂ. ನೀಡುವಂತೆ ಗ್ರಾಮ ಕರಣಿಕರು ಬೇಡಿಕೆ ಇಟ್ಟಿದ್ದರು. ಅನಂತರ 13,000 ರೂ. ತೆಗೆದುಕೊಂಡು ಹೋಗಿದ್ದರು. ಅದನ್ನು ಗ್ರಾಮ ಕರಣಿಕ ವಿಜಿತ್ ಸ್ವೀಕರಿಸುವಾಗ ಲೋಕಾಯುಕ್ತ ಪೊಲೀಸರು ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.
