ಜೀರೋ ವಿದ್ಯುತ್​ ಬಿಲ್​ಗೆ ಹರ್ಷ

ಜ್ಯೋತಿ ಗ್ಯಾರಂಟಿ ಯೋಜನೆಯಡಿ 2.10 ಲಕ್ಷ ಮಂದಿ ನೋಂದಣಿ

ವಿಜಯವಾಣಿ ಸುದ್ದಿಜಾಲ ಚಿಕ್ಕಬಳ್ಳಾಪುರ
ರಾಜ್ಯ ಸರ್ಕಾರದ ಮಹತ್ವಾಕಾಂ ಗೃಹ ಜ್ಯೋತಿ ಗ್ಯಾರಂಟಿ ಯೋಜನೆಯಡಿ ಇಲ್ಲಿಯವರೆಗೂ 2.10 ಲಕ್ಷ ಮಂದಿ ಗ್ರಾಹಕರು ಹೆಸರು ನೋಂದಾಯಿಸಿಕೊಂಡಿದ್ದಾರೆ.
ಜಿಲ್ಲೆಯಲ್ಲಿ 200 ಯೂನಿಟ್​ ಬಳಸುವ ಗ್ರಾಹಕರ ಸಂಖ್ಯೆ 3,28,670 ಇದ್ದು, ಈ ಪೈಕಿ ಬೆಸ್ಕಾಂ, ಗ್ರಾಮ ಒನ್​ ಕೇಂದ್ರದಲ್ಲಿ 92,833, ಸೇವಾ ಸಿಂಧುವಿನ ಕೇಂದ್ರದಲ್ಲಿ ಗ್ರಾಹಕರು 1,17,168 ನೋಂದಾಯಿಸಿಕೊಂಡಿದ್ದಾರೆ.
ಚುನಾವಣಾ ಪೂರ್ವ ಗ್ಯಾರಂಟಿ ಯೋಜನೆಗಳ ಪೈಕಿ 200 ಯೂನಿಟ್​ ವಿದ್ಯುತ್​ ಬಳಕೆ ಉಚಿತ ಎನ್ನುವುದು ರಾಜ್ಯ ಕಾಂಗ್ರೆಸ್​ನ ಪ್ರಮುಖ ೂಷಣೆ. ಇದನ್ನು ಅಧಿಕಾರಕ್ಕೆ ಬರುತಿದ್ದಂತೆ ಅನುಷ್ಠಾನಗೊಳಿಸಿದ್ದು, ಆಗಸ್ಟ್​ನಿಂದ ಅನೇಕ ಗ್ರಾಹಕರಿಗೆ ಶೂನ್ಯ ದರದ ಬಿಲ್​ ಬಂದಿದೆ. ಇನ್ನು ನಿಯಮಾನುಸಾರ ಗ್ರಾಹಕರು ಪ್ರತಿ ತಿಂಗಳ 27 ರೊಳಗೆ ಹೆಸರು ನೋಂದಾಯಿಸಿಕೊಂಡಾಗ, ಮುಂಬರುವ ತಿಂಗಳಿಂದ ಅರ್ಹರಿಗೆ ಉಚಿತ ಸೇವೆಯ ಸೌಲಭ್ಯ ಸಿಗಲಿದೆ.

ಹಲವರಿಗೆ ಖುಷಿ, ಕೆಲವರಿಗೆ ಬೇಸರ:
ಈಗಾಗಲೇ ಬೆಸ್ಕಾಂ ಸಿಬ್ಬಂದಿ ಮನೆ ಮನೆಗೂ ತೆರಳಿ ವಿದ್ಯುತ್​ ಬಳಕೆಯ ಬಿಲ್​ ಅನ್ನು ಗ್ರಾಹಕರಿಗೆ ನೀಡುತ್ತಿದ್ದಾರೆ. ಇದೇ ವೇಳೆ 200 ಯೂನಿಟ್​ ಒಳಗೆ ಬಳಕೆಯ ಕುಟುಂಬದವರು ಶುಲ್ಕ ಮನ್ನಾ ಆಗಿರುವುದಕ್ಕೆ ಖುಷಿ ವ್ಯಕ್ತಪಡಿಸುತ್ತಿದ್ದಾರೆ. ಮತ್ತೊಂದೆಡೆ ವಾರ್ಷಿಕ ಸರಾಸರಿ ಲೆಕ್ಕದಂತೆ ವಿದ್ಯುತ್​ ಹೆಚ್ಚುವರಿ ಬಳಕೆಯ ಗ್ರಾಹಕರಿಗೆ ಬಿಲ್​ ಬೇಸರ ತರಿಸಿದೆ. ಒಂದು ವರ್ಷದ ಪ್ರಾರಂಭದ ಎರಡ್ಮೂರು ತಿಂಗಳಿನ ಅವಧಿಯಲ್ಲಿ 50ರಿಂದ 60 ಯೂನಿಟ್​ ಬಳಸುತ್ತಿದ್ದ ಹೊಸ ಮನೆ, ಸಣ್ಣ ಕೊಠಡಿಗಳಲ್ಲಿ ವಿದ್ಯುತ್​ ಉಪಕರಣಗಳ ಅಳವಡಿಕೆಯಿಂದ ಯೂನಿಟ್​ ಬಳಕೆಯ ಪ್ರಮಾಣವು ಹೆಚ್ಚಾಗಿದೆ. ಇದರಿಂದ ಸರಾಸರಿಯಲ್ಲಿ ಹೆಚ್ಚಿನ ವ್ಯತ್ಯಾಸದಿಂದ ಪೂರ್ಣ ಪ್ರಮಾಣದಲ್ಲಿ ಬಿಲ್​ ಪಾವತಿಸುವಂತಾಗಿದೆ.

ಗೃಹ ಲ್ಮ ಯೋಜನೆಯ ಲೆಕ್ಕ:
ಗೃಹ ಲ್ಮ ಯೋಜನೆಯಡಿ ಕೇವಲ 12 ದಿನಗಳ ಅವಧಿಯಲ್ಲಿ ಬರೋಬ್ಬರಿ 1.85 ಲಕ್ಷ ಮಂದಿ ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಈಗಾಗಲೇ ಸೇವಾ ಕೇಂದ್ರಗಳ ಎದುರು ನೋಂದಣಿಗಾಗಿ ಅರ್ಜಿದಾರರು ಮುಗಿ ಬಿದ್ದಿದ್ದು ಅಗತ್ಯ ದಾಖಲೆಗಳೊಂದಿಗೆ ಹೆಸರು ನೋಂದಾಯಿಸಿಕೊಳ್ಳುತ್ತಿದ್ದಾರೆ. ಜಿಲ್ಲೆಯಲ್ಲಿ 6 ಕರ್ನಾಟಕ ಒನ್​ ಕೇಂದ್ರ,. 155 ಗ್ರಾಮ ಒನ್​ ಕೇಂದ್ರ ಹಾಗೂ 157 ಬಾಪೂಜಿ ಕೇಂದ್ರಗಳು, ನಗರಸಭೆ ವ್ಯಾಪ್ತಿಯ 24 ಕೇಂದ್ರಗಳು ಸೇರಿದಂತೆ 342 ಕೇಂದ್ರಗಳಲ್ಲಿ ಅರ್ಜಿ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಈ ಭಾಗದಲ್ಲಿ 28,420 ಅಂತ್ಯೋದಯ ಅನ್ನ ಯೋಜನೆ (ಎಎವೈ), ಆದ್ಯತಾ ಪಡಿತರ ಚೀಟಿಗಳು (ಬಿಪಿಎಲ್​) 2,79,968 ಹಾಗೂ ಎಪಿಎಲ್​ ಕಾರ್ಡುಗಳು 27,029 ಸೇರಿದಂತೆ 3,27,417 ಕಾರ್ಡುಗಳಿವೆ. ಈ ಪೈಕಿ ಮಹಿಳಾ ಯಜಮಾನಿಕೆಯ ಹೆಸರಿನ ಕಾರ್ಡುಗಳಿಗೆ ಸಂಬಂಧಿಸಿದಂತೆ 27,029 ಎಎವೈ ಕಾರ್ಡ್​, 2,59,854 ಬಿಪಿಎಲ್​ ಮತ್ತು 12,798 ಎಪಿಎಲ್​ ಕಾರ್ಡ್​ ಸೇರಿದಂತೆ 2,99,677 ಕಾರ್ಡುಗಳಿವೆ. ಈ ಪೈಕಿ ಜಿಲ್ಲೆಗೆ ಗೃಹಲ್ಮ 2,85,020 ನೋಂದಣಿ ಗುರಿಯನ್ನು ಸರ್ಕಾರವು ನೀಡಿದೆ.

ತಾಲೂಕು 200 ಯೂನಿಟ್​ ಬಳಕೆ ಗ್ರಾಹಕರು ನೋಂದಾಯಿತರು
ಚಿಕ್ಕಬಳ್ಳಾಪುರ 64,380 63,644
ಗೌರಿಬಿದನೂರು 73,491 42,136
ಬಾಗೇಪಲ್ಲಿ 43,842 25,071
ಗುಡಿಬಂಡೆ 14,481 11,259
ಶಿಡ್ಲಟ್ಟ 56,045 24,291
ಚಿಂತಾಮಣಿ 76,431 43,600

ಕೋಟ್​))))
ಮೊದಲು 900ರಿಂದ 1200 ರವರೆಗೂ ವಿದ್ಯುತ್​ ಬಿಲ್​ ಬರುತ್ತಿತ್ತು. ಇತ್ತೀಚೆಗೆ ದರ ಏರಿಕೆಯಿಂದ ಮತ್ತಷ್ಟು ದುಬಾರಿ ಹಣ ಪಾವತಿಸಬೇಕಾಗಿತ್ತು. ಈಗ ನಿಯಮಾನುಸಾರ 200 ಯೂನಿಟ್​ ಶುಲ್ಕ ಮನ್ನಾ ಆಗಿದೆ. ಇದು ಖುಷಿಯ ವಿಚಾರ.

ಹೊಸ ಮನೆಗೆ ಕಳೆದ 8 ತಿಂಗಳ ಹಿಂದೆ ವಿದ್ಯುತ್​ ಸಂಪರ್ಕ ಪಡೆಯಲಾಗಿದೆ. ಮೊದಲು ವಿದ್ಯುತ್​ ಬಳಕೆ ತುಂಬಾ ಕಡಿಮೆ ಇತ್ತು. ಈಗ ಕುಟುಂಬ ಸ್ಥಳಾಂತರಗೊಂಡ ಬಳಿಕ ಹೆಚ್ಚಾಗಿದೆ. ಆದರೆ, ಬೆಸ್ಕಾಂನ ವಾರ್ಷಿಕ ಸರಾಸರಿ ಲೆಕ್ಕದಲ್ಲಿ ಹೆಚ್ಚುವರಿ ವಿದ್ಯುತ್​ ಬಳಕೆ ಎಂಬುದಾಗಿ ಪರಿಗಣಿಸಿ, ಉಚಿತ ಸೇವೆಯ ವ್ಯಾಪ್ತಿಗೆ ತೆಗೆದುಕೊಂಡಿಲ್ಲ. 1 ಸಾವಿರ ಬಿಲ್​ ಬಂದಿದೆ.