ಪೂಜೆ ಹೆಸರಲ್ಲಿ 27 ಕೋಟಿ ರೂಪಾಯಿ ಟೋಪಿ!

ಬೆಂಗಳೂರು: ಮೈ ಮೇಲೆ ದೇವರು ಬಂದಂತೆ ನಟಿಸಿದ ಮಂತ್ರವಾದಿಯೊಬ್ಬ ಕುಟುಂಬದ ಕಷ್ಟ ಪರಿಹರಿಸುವುದಾಗಿ ಮಹಿಳೆಯನ್ನು ನಂಬಿಸಿ 27 ಕೋಟಿ ರೂ.ಮೌಲ್ಯದ ಆಭರಣ, ನಿವೇಷನ ಹಾಗೂ ನಗದು ಪಡೆದು ವಂಚಿಸಿರುವ ಪ್ರಕರಣ ಬೆಂಗಳೂರಿನಲ್ಲಿ ಬೆಳಕಿಗೆ ಬಂದಿದೆ.

ರಾಮಮೂರ್ತಿನಗರದ ಎನ್​ಆರ್​ಐ ಲೇಔಟ್ ನಿವಾಸಿ 48 ವರ್ಷದ ಮಹಿಳೆ ವಂಚನೆಗೆ ಒಳಗಾದವರು. ಈ ಕುರಿತು ಅವರು ಕೊಟ್ಟ ದೂರಿನ ಅನ್ವಯ ಬಂಗಾರಪೇಟೆ ಮೂಲದ ಮಂತ್ರವಾದಿ ನಾಗರಾಜ್, ಆತನ ಪತ್ನಿ ಹಾಗೂ ಸಂಬಂಧಿಕರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.