ಖಾಸಗಿ ಕಂಪನಿ ನೌಕರ ಪಟೇಲ್ ಆನಂದ್, 2018ರಲ್ಲಿ ಐಶ್ವರ್ಯ ಲಕ್ಷ್ಮಿ ಚಿಟ್ಸ್ ಫಂಡ್ ಕಂಪನಿ ತೆರೆದು 1 ಲಕ್ಷ ರೂ. ಹೂಡಿಕೆ ಮಾಡಿದರೆ ಪ್ರತಿ ತಿಂಗಳು 2500 ರೂ. ಬಡ್ಡಿ ಕೊಡುವುದಾಗಿ ಆಮಿಷ ಒಡ್ಡಿದ್ದ. ಇದನ್ನು ನಂಬಿದ ನೂರಾರು ಮಂದಿ ಹೂಡಿಕೆ ಮಾಡಿದ್ದು, ೆಬ್ರವರಿ ಹೂಡಿಕೆದಾರರ ಬ್ಯಾಂಕ್ ಖಾತೆಗೆ ಬಡ್ಡಿ ಜಮೆ ಮಾಡಿದ್ದಾನೆ. ಕರೊನಾ ಲಾಕ್ಡೌನ್ ನೆಪ ಹೇಳಿ ಬಡ್ಡಿ ಕೊಡುವುದನ್ನು ನಿಲ್ಲಿಸಿದ್ದ. ನೊಂದ ದೀಪು ಎಂಬಾಕೆ ದೂರು ನೀಡಿದ್ದು, ಒಬ್ಬರ ಹಿಂದೆ ಒಬ್ಬರಂತೆ ಬಂದು ದೂರು ನೀಡಿದ್ದಾರೆ. ಇದೇ ರೀತಿ ನೂರಾರು ಮಂದಿ ಮೋಸ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ಕಂಪನಿಗೆ ಎಂಡಿ ಆಗಿದ್ದ ಪಟೇಲ್ ಆನಂದ್, ಪತ್ನಿ, ಮಕ್ಕಳು ಮತ್ತು ತನ್ನ ನೌಕರರನ್ನು ನಿರ್ದೇಶಕರಾಗಿ ನೇಮಕ ಮಾಡಿಕೊಂಡಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ ಎಂದು ಡಿಸಿಪಿ ಸಂಜೀವ್ ಪಾಟೀಲ್ ತಿಳಿಸಿದ್ದಾರೆ.
