ಸಚಿವರ ಎದುರೇ ರಾಜ್ಯ ಸರ್ಕಾರಕ್ಕೆ ಧಿಕ್ಕಾರ ಕೂಗುತ್ತ ಹೊರ ನಡೆದರು. ಜಿಲ್ಲಾಡಳಿತ ಭವನದ ಒಳಗೆ ರೈತರ ೋಷಣೆ ಪ್ರತಿಧ್ವನಿಸಿತು. ಹೆಚ್ಚುವರಿ ಜಿಲ್ಲಾಧಿಕಾರಿ ಗೀತಾ ಹುಡೇದಾ ಕೂಗಬೇಡಿ ಎಂದು ಹೇಳಿದ ಬಳಿಕ ರೈತರು ಸುಮ್ಮನೆ ನಡೆದು ಕೆಡಿಪಿ ಸಭಾಂಗಣಕ್ಕೆ ಬಂದರು. ಆದರೆ ಅಲ್ಲೂ ಜಾಗದ ಅಭಾವವಿದ್ದ ಕಾರಣ ಅಂತಿಮವಾಗಿ ಜೆ.ಎಚ್.ಪಟೇಲ್ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ದಸರಾ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಸ್ವಲ್ಪ ಹೊತ್ತು ಬ್ರೇಕ್ ಹಾಕಿ ಸಭೆ ನಡೆಸಲಾಯಿತು. ಸಭೆಯಲ್ಲಿ ಸಚಿವ ಕೆ.ವೆಂಕಟೇಶ್, ಶಾಸಕರಾದ ಸಿ.ಪುಟ್ಟರಂಗಶೆಟ್ಟಿ, ಎಚ್.ಎಂ.ಗಣೇಶ್ಪ್ರಸಾದ್, ಮರಿತಿಬ್ಬೇಗೌಡ, ಜಿಲ್ಲಾಧಿಕಾರಿ ಸಿ.ಟಿ.ಶಿಲ್ಪಾನಾಗ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪದ್ಮಿನಿ ಸಾಹು, ಜಿಪಂ ಸಿಇಒ ಆನಂದ್ಪ್ರಕಾಶ್ ಮೀನಾ, ಹೆಚ್ಚುವರಿ ಜಿಲ್ಲಾಧಿಕಾರಿ ಗೀತಾ ಹುಡೇದಾ ಮತ್ತು ಇತರರು ರೈತರ ಅಹವಾಲು ಆಲಿಸಿದರು.
