ನಗರದ ಲೀಲಾವತಮ್ಮ ಮತ್ತು ಟಿ.ಕೆ.ನಂಜುಂಡಯ್ಯ ನಿವಾಸದಲ್ಲಿ ಆಧುನಿಕ ಕಾಲದಲ್ಲೂ ಗೊಂಬೆ ಇಡುವ ಪದ್ಧತಿಯನ್ನು ಉಳಿಸಿ, ಬೆಳೆಸಿಕೊಂಡು ಹೋಗುತ್ತಿರುವ ಮನೆಗಳಿಗೆ ಭೇಟಿ ನೀಡಿ ಪ್ರೋತ್ಸಾಹ ನೀಡಲಾಗುತ್ತಿದೆ. ವಿಜಯನಗರ ಕಾಲದಲ್ಲಿ ಆರಂಭವಾದ ಮತ್ತು ಪುರಾತನ ಕಾಲದಲ್ಲೂ ಗೊಂಬೆಗಳ ಆರಾಧನೆ ಮಾಡಲಾಗುತ್ತಿದೆ. ಗೊಂಬೆ ಇಡುವ ಮೂಲಕ ಲೌಕಿಕ ಮತ್ತು ಅಲೌಕಿಕ ಆನಂದವನ್ನು ಪಡೆಯಬಹುದು. ಇದರಲ್ಲಿ ಗಣಿತ, ವಿಜ್ಞಾನ, ಕೌಶಲ್ಯ ಕಲೆ, ವಾಸ್ತುಶಿಲ್ಪ, ಅಲಂಕಾರ, ಪ್ರಕೃತಿಯ ರಹಸ್ಯಗಳು ಅಡಕವಾಗಿವೆ ಎಂದರು.
ಗೊಂಬೆ ಕೂರಿಸುವ ಪದ್ಧತಿ ಹಿರಿಯರು ಮತ್ತು ಕಿರಿಯರಲ್ಲಿ ಅವಿನಾಭಾವ ಸಂಬಂಧ ಬೆಳೆಸುತ್ತದೆ. ಪರಸ್ಪರ ಕಷ್ಟ ಸುಖಗಳಲ್ಲಿ ಭಾಗಿಯಾಗುವ ಮನಸ್ಥಿತಿ ನಿರ್ಮಾಣವಾಗುತ್ತದೆ. ಗೊಂಬೆ ಪದ್ಧತಿಯನ್ನು ಹೆಚ್ಚು ಹೆಚ್ಚು ಮನೆಗಳಲ್ಲಿ ರೂಢಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
