ಪ್ರತಿ ಚುನಾವಣೆಗಳೂ ಸ್ಪರ್ಧಿಗಳ ಪಾಲಿಗೆ ಯುದ್ಧವಿದ್ದಂತೆ. ಯುದ್ಧದ ಹಿಂದಿನ ದಿನ ಶಸಾಭ್ಯಾಸಕ್ಕೆ ಕರೆದಾಗ ಸೈನಿಕರು ಸಂಪರ್ಕಕ್ಕೆ ಸಿಗದೆ ಹೋದರೆ ‘ರಾಜ’ ಸೋಲಿನೊಂದಿಗೆ ಸಂಭಾಷಣೆ ನಡೆಸಬೇಕಾಗುತ್ತದೆ. ಇದೇ ರೀತಿ ಕಾಂಗ್ರೆಸ್ ಯುದ್ಧ ಕಾಲದಲ್ಲಿ ಶಸಾಭ್ಯಾಸ ಮಾಡಲು ಹೊರಟಿತು. ಹೀಗಾಗಿ ಸೋಲಿನತ್ತ ಮುಖ ಮಾಡಬೇಕಾಯಿತು ಎನ್ನುವ ಮಾತಿದೆ. ಕಾಂಗ್ರೆಸ್ನಲ್ಲಿ ಅಧ್ಯಕ್ಷ ಸ್ಥಾನದ ಅಭ್ಯರ್ಥಿ ಆಯ್ಕೆ ವಿಚಾರದಲ್ಲಿ ಗೊಂದಲ, ಒಮ್ಮತದ ತೀರ್ಮಾನವಿರಲಿಲ್ಲ ಎನ್ನುವ ಸುದ್ದಿ ಚರ್ಚೆಯಾಗುತ್ತಿದೆ. ಅಭ್ಯರ್ಥಿ ರಾಜಪ್ಪ ಅವರನ್ನು ಸೋಲಿಸಲು ಒಳೇಟು ಕೂಡ ಕಾರಣವಾಗಿತು. ಕೊಳ್ಳೇಗಾಲದಲ್ಲಿ ಎ.ಆರ್.ಕೃಷ್ಣಮೂರ್ತಿ, ಗುಂಡ್ಲುಪೇಟೆಯಲ್ಲಿ ಶಾಸಕ ಎಚ್.ಎಂ.ಗಣೇಶ್ಪ್ರಸಾದ್ ಪಕ್ಷವನ್ನು ಅಧಿಕಾರಕ್ಕೆ ತಂದರು. ಶಾಸಕ ಸಿ.ಪುಟ್ಟರಂಗಶೆಟ್ಟಿ ಅವರ ಆಪ್ತನ ಅಪಜಯ ಜಿಲ್ಲಾಕೇಂದ್ರದಲ್ಲಿ ಕಾಂಗ್ರೆಸ್ ರಾಜಕೀಯವನ್ನು ಅಣಕ ಮಾಡಿತು.
ವರದಿ ಕೇಳಿದ ಕೆಪಿಸಿಸಿ ಉಪಾಧ್ಯಕ್ಷ:
ನಗರಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಸೋತಿರುವುದಕ್ಕೆ ಕಾಂಗ್ರೆಸ್ ಹೈಕಮಾಂಡ್ನಿಂದ ವರದಿ ಕೇಳಲಾಗಿದೆ. ಈ ಬಗ್ಗೆ ಜಿಲ್ಲಾ ಉಸ್ತುವಾರಿ ಸಚಿವರಾಗಿರುವ ರೇಷ್ಮೆ, ಪಶುಸಂಗೋಪನೆ ಸಚಿವ ಕೆ.ವೆಂಕಟೇಶ್, ಸಂಸದ ಸುನೀಲ್ಬೋಸ್, ಎಂಎಸ್ಐಎಲ್ ಅಧ್ಯಕ್ಷರೂ ಆಗಿರುವ ಶಾಸಕ ಸಿ.ಪುಟ್ಟರಂಗಶೆಟ್ಟಿ, ಕಾಡಾ ಅಧ್ಯಕ್ಷರೂ ಆಗಿರುವ ಜಿಲ್ಲಾಧ್ಯಕ್ಷ ಪಿ.ಮರಿಸ್ವಾಮಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಹಮದ್ ಅಸ್ಗರ್ಗೆ(ಮುನ್ನ) ಕೆಪಿಸಿಸಿ ಉಪಾಧ್ಯಕ್ಷ ಮತ್ತು ಜಿಲ್ಲಾ ಉಸ್ತುವಾರಿ ವಿ.ಆರ್.ಸುದರ್ಶನ್ ನೋಟೀಸ್ ನೀಡಿದ್ದಾರೆ. ಸೆ.9ರಂದು ನಡೆದ ಚಾಮರಾಜನಗರ ನಗರಸಭೆ ಚುನಾವಣೆಗೆ ಸಂಬಂಧಪಟ್ಟಂತೆ ನಡೆದಿರುವ ಪ್ರಸ್ತುತ ವಿದ್ಯುಮಾನಗಳ ಬಗ್ಗೆ 3 ದಿನಗಳ ಒಳಗೆ ಕೆಪಿಸಿಸಿಗೆ ವರದಿಯನ್ನು ಕಳುಹಿಸಿಕೊಡಬೇಕೆಂದು ಅಧ್ಯಕ್ಷರ ಆದೇಶದ ಮೇರೆಗೆ ಕೋರಲಾಗಿದೆ ಎಂದು ವಿ.ಆರ್.ಸುದರ್ಶನ್ ತಿಳಿಸಿದ್ದಾರೆ.
