ದಿಂಬಂನಲ್ಲಿ ವಾಹನ ಪಲ್ಟಿ, ಪ್ರಯಾಣಿಕರು ಪಾರು

ಚಾಮರಾಜನಗರ: ಗಡಿ ಭಾಗವಾದ ದಿಂಬಂನಲ್ಲಿ ಟಿಟಿ ವಾಹನ ಭಾನುವಾರ ಪಲ್ಟಿಯಾಗಿದ್ದು, ದುರದೃಷ್ಟವಶಾತ್ ವಾಹನದಲ್ಲಿದ್ದ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ದಿಂಬಂನ 9 ನೇ ತಿರುವಿನಲ್ಲಿ ಮಧ್ಯಾಹ್ನದ ವೇಳೆ ಸಾಗುತ್ತಿದ್ದ ವಾಹನ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ. ಟಿಟಿಯಲ್ಲಿದ್ದ ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಯಾವುದೇ ಪ್ರಾಣಾಪಾಯವಾಗಿಲ್ಲ. ಅಪಘಾತದಿಂದ ಒಂದು ಗಂಟೆಗೆ ಹೆಚ್ಚು ಕಾಲ ವಾಹನ ಸಂಚಾರ ಅಸ್ತವ್ಯಸ್ತವಾಗಿತ್ತು. ಇದರಿಂದಾಗಿ ವಾಹನ ಸವಾರರು ಪರದಾಡುವಂತಾಯಿತು.