ಗ್ರಾಮ ಪಂಚಾಯಿತಿ ನಿರ್ಲಕ್ಷ್ಯ: ಈ ಸ್ಥಳದಲ್ಲಿ ಗ್ರಾಮದಲ್ಲಿ ಶೇಖರಣೆಯಾಗುವ ಕಸವನ್ನು ತಂದು ಸುರಿಯಲಾಗುತ್ತದೆ. ಇದನ್ನು ಸೂಕ್ತವಾಗಿ ಬೇರೆಡೆ ವಿಲೇವಾರಿ ಮಾಡಬೇಕು. ಈ ಸ್ಥಳ ಗ್ರಾಮದ ಹೆಬ್ಬಾಗಿಲಾಗಿದ್ದು, ಗ್ರಾಮಕ್ಕೆ ಆಗಮಿಸುವ ಪ್ರಯಾಣಿಕರಿಗೆ ಕಸ ಸ್ವಾಗತ ಕೋರುತ್ತದೆ. ಮಳೆ ಬಂದರೆ ಇಲ್ಲಿರುವ ಚರಂಡಿ, ಕಾಲುವೆಗಳಿಗೆ ಈ ಕಸ ನೀರಿನೊಂದಿಗೆ ಸೇರಿ ನುಗ್ಗುತ್ತದೆ. ಸರಾಗವಾಗಿ ನೀರು ಹರಿಯಲು ಇದು ಅಡ್ಡಿಯಾಗಿದೆ. ಇದಕ್ಕೆ ಆಗಾಗ ಬೆಂಕಿ ಹಚ್ಚುವುದರಿಂದ ಇಲ್ಲಿನ ಜನರ ಆರೋಗ್ಯದ ಮೇಲೂ ಇದು ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗಾಗಿ ಇದನ್ನು ಇಲ್ಲಿಂದ ತೆರವುಗೊಳಿಸಬೇಕು ಎಂದು ಗ್ರಾಮಸ್ಥರು ದೂರು ನೀಡಿದ್ದರೂ ಇಲ್ಲಿನ ಪಂಚಾಯಿತಿ ನಿರ್ಲಕ್ಷ್ಯ ವಹಿಸಿದೆ ಎಂಬುದು ಇಲ್ಲಿನ ಲೋಕೇಶ್, ಮಹೇಶ್, ಸುರೇಶ್ ಸೇರಿದಂತೆ ಅನೇಕ ನಾಗರಿಕರ ದೂರಾಗಿದೆ.
