ಅನ್ನ ಸುವಿಧಾ ಲಾನುಭವಿಗಳ ಗುರುತು

ಜಿಲ್ಲೆಯ ಆಹಾರ, ನಾಗರೀಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ ನೀಡಿರುವ ಮಾಹಿತಿಯ ಪ್ರಕಾರ ಅನ್ನ ಸುವಿಧಾ ಯೋಜನೆಗೆ ಒಟ್ಟು 2630 ಲಾನುಭವಿಗಳನ್ನು ಗುರುತಿಸಿ ಕಳುಹಿಸಲಾಗಿತ್ತು. ಅದರಲ್ಲಿ ಇಲಾಖೆಯೂ ಅನ್ನಸುವಿಧಾ ಯೋಜನೆಗೆ ಒಳಪಡುವ ಅರ್ಹ ಲಾನುಭವಿಗಳನ್ನು ಆಯ್ಕೆಮಾಡಿದ್ದು, ಚಾಮರಾಜನಗರ ತಾಲೂಕಿನ ವ್ಯಾಪ್ತಿಯಲ್ಲಿ 509, ಗುಂಡ್ಲುಪೇಟೆ 444, ಯಳಂದೂರು 251, ಕೊಳ್ಳೇಗಾಲ 378 ಹಾಗೂ ಹನೂರು ತಾಲೂಕಿನ 438 ಲಾನುಭವಿಗಳನ್ನು ಒಳಗೊಂಡಂತೆ ಒಟ್ಟು 2020 ಲಾನುಭವಿಗಳನ್ನು ಗುರತಿಸಿದೆ. ಅನ್ನ ಸುವಿಧಾ ಯೋಜನೆಯ ಅನುಷ್ಠಾನಕ್ಕಾಗಿ ಆಹಾರ ತಂತ್ರಾಂಶದಲ್ಲಿ ಅನ್ನ ಸುವಿಧಾ ಮಾಡ್ಯೂಲ್ ಅನ್ನು ರಾಷ್ಟ್ರೀಯ ಮಾಹಿತಿ ಕೇಂದ್ರವು ಅಭಿವೃದ್ಧಿಪಡಿಸಿದೆ. ಅದರಂತೆ ಯೂಸರ್ ಆಕ್ಸ್‌ಪ್ಟೆನ್ಸ್ ಟೆಸ್ಟಿಂಗ್ ಪೂರ್ಣಗೊಳಿಸಿದೆ. ಅನ್ನ ಸುವಿಧಾ ಮಾಡ್ಯೂಲ್ ಬಗ್ಗೆ ಈಗಾಗಲೇ ಆಹಾರ ಇಲಾಖೆಯ ಸಿಬ್ಬಂದಿಗಳಿಗೆ ತರಬೇತಿಯನ್ನು ನೀಡಲಾಗಿದೆ. ಡಿಸೆಂಬರ್‌ನಲ್ಲಿ ಅನ್ನ ಸುವಿಧಾ ಯೋಜನೆಯ ನೋಂದಣಿ ಪ್ರಾರಂಭವಾಗಿದ್ದು, ನಗರಪ್ರದೇಶ ಮತ್ತು ಗ್ರಾಮೀಣ ಭಾಗದ ನ್ಯಾಯಲೆಬೆ ಅಂಗಡಿಗಳಲ್ಲಿ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ. ಈ ಮೂಲಕ ಒಂಟಿಯಾಗಿರುವ ಹಿರಿಯ ನಾಗರಿಕರು, ವಯೋವೃದ್ಧರಿಗೆ ಉಚಿತವಾಗಿ ನೀಡುವ ಪಡಿತರವನ್ನು ಪಡೆದುಕೊಳ್ಳಲು ಇದು ಅತ್ಯಂತ ಸಹಕಾರಿಯಾಗಲಿದೆ.

ಆಹಾರ ಇಲಾಖೆಯಿಂದ ಇಡಿಸಿಎಸ್ ಮೂಲಕ ಪಡಿತರ ಚೀಟಿದಾರರ ಮೊಬೈಲ್‌ಗೆ ಬರುವ ಸಂದೇಶದ ಲಿಂಕ್ ಅನ್ನು ಕ್ಲಿಕ್ ಮಾಡಿ, ನೋಂದಣಿ ಮಾಡಿಸಿಕೊಂಡರೆ ವಾರದೊಳಗೆ ಮನೆ ಬಾಗಿಲಿಗೆ ಪಡಿತರ ಪದಾರ್ಥಗಳು ಬರಲಿವೆ. ಪ್ರಸ್ತುತ ಆಹಾರ ಇಲಾಖೆ ಗುರುತಿಸಿರುವ ಲಾನುಭವಿಗಳಿಗೆ ಮಾಹಿತಿಯನ್ನು ನೀಡಲಾಗಿದ್ದು, ನೋಂದಣಿ ಕಾರ್ಯ ಪ್ರಾರಂಭವಾಗಿದೆ. ನ್ಯಾಯಬೆಲೆ ಅಂಗಡಿಗಳಿಗೆ ಲಾನುಭವಿಗಳ ಮಾಹಿತಿಯನ್ನು ನೀಡಲಾಗಿದೆ. ನೋಂದಣಿ ಮಾಡಿಕೊಂಡರೂ ಕೆಲವು ವಯೋವೃದ್ಧರು ನ್ಯಾಯಬೆಲೆ ಅಂಗಡಿಗಳಿಗೆ ತಾವೇ ಬಂದು ಪಡಿತರವನ್ನು ತೆಗೆದುಕೊಂಡು ಹೋಗುತ್ತೇವೆ ಎಂದು ಹೇಳುವವರು ಇದ್ದು, ಅಂತವರಿಗೆ ಅವಕಾಶವನ್ನು ನೀಡಲಾಗಿದೆ. ಆದರೆ ಯೋಜನೆಯಲ್ಲಿ ಅರ್ಹ ಲಾನುಭವಿಗಳನ್ನು ಗುರತಿಸಿದ್ದು, ಡಿಸೆಂಬರ್‌ನಿಂದಲೇ ಅನ್ನ ಸುವಿಧಾ ಯೋಜನೆಯಡಿ ಪಡಿತರವನ್ನು ವಿತರಣೆ ಮಾಡಲಾಗುತ್ತದೆ.

ಜಿಲ್ಲೆಯ ಆಹಾರ ಇಲಾಖೆ ವತಿಯಿಂದ ಅನ್ನ ಸುವಿಧಾ ಯೋಜನೆಯ ಮೂಲಕ ಒಂಟಿಯಾಗಿರುವ 75 ವರ್ಷ ತುಂಬಿದ ಹಿರಿಯ ನಾಗರಿಕರಿಗೆ ಮನೆ ಬಾಗಿಲಿಗೆ ಪಡಿತರವನ್ನು ಪೂರೈಕೆ ಮಾಡಲಾಗುತ್ತದೆ. ಈ ನಿಟ್ಟಿನಲ್ಲಿ ಪ್ರತಿ ಗ್ರಾಮಗಳಲ್ಲಿ ಇರುವ ನ್ಯಾಯಬೆಲೆ ಅಂಗಡಿಗಳಲ್ಲಿ ಪ್ರತಿ ತಿಂಗಳು ಎನ್‌ಐಸಿ ವತಿಯಿಂದ ಅನ್ನ ಸುವಿಧಾ ಫಲಾನುಭವಿಗಳನ್ನು ಗುರುತಿಸಲಾಗುತ್ತದೆ. ಆಯಾ ತಿಂಗಳ 1 ರಿಂದ 5 ನೇ ತಾರೀಖಿನೊಳಗೆ ಸಮೀಪದ ನ್ಯಾಯಬೆಲೆ ಅಂಗಡಿಗಳಲ್ಲಿ ಮನೆ ಬಾಗಿಲಿಗೆ ಪಡಿತರ ಪಡೆಯಲು ನೋಂದಣಿ ಮಾಡಿಸಿಕೊಳ್ಳಬೇಕು. ನೋಂದಾಯಿತ ಅರ್ಹ ಫಲಾನುಭವಿಗಳ ಮನೆ ಬಾಗಿಲಿಗೆ ಆಯಾ ತಿಂಗಳ 6 ರಿಂದ 15 ನೇ ತಾರೀಖಿನೊಳಗೆ ಸಂಬಂಧಿಸಿದ ನ್ಯಾಯಬೆಲೆ ಅಂಗಡಿಯಿಂದ ಪಡಿತರ ಪದಾರ್ಥಗಳನ್ನು ಪೂರೈಸಲಾಗುತ್ತದೆ. ಗುರುತಿಸಲಾದ ಫಲಾನುಭವಿಗಳಿಗೆ ಇಡಿಸಿಎಸ್ ಮೂಲಕ ಆಯಾ ತಿಂಗಳ ಪಡಿತರವನ್ನು 30 ಅಥವಾ 31 ನೇ ತಾರೀಖಿನೊಳಗೆ ಕಳುಹಿಸಲಾಗುತ್ತದೆ. ಹಿರಿಯನಾಗರಿಕರ ಮನೆ ಬಾಗಿಲಿಗೆ ಪಡಿತರವನ್ನು ತಲುಪಿಸುವ ನ್ಯಾಯಬೆಲೆ ಅಂಗಡಿಯ ಮಾಲೀಕರಿಗೆ ಪ್ರತಿ ಲಾನುಭವಿಗೆ 50 ರೂ, ಹಣವನ್ನು ನೀಡಲಾಗುತ್ತದೆ. ಈ ಮೂಲಕ ನ್ಯಾಯಬೆಲೆ ಅಂಗಡಿಯ ಮಾಲೀಕರಿಗೂ ಹೊರೆಯಾಗದಂತೆ

ಅನ್ನ ಸುವಿಧಾ ಯೋಜನೆಯಿಂದ ವಯೋವೃದ್ಧರಿಗೆ ಪಡಿತರ ಪಡೆಯಲು ತುಂಬಾ ಸಹಕಾರಿಯಾಗಿದೆ. ಕೆಲವು ಗ್ರಾಮಗಳಲ್ಲಿ ನ್ಯಾಯಬೆಲೆ ಅಂಗಡಿ ದೂರ ಇದ್ದು, ಅಲ್ಲಿಗೆ ಹೋಗಿ ಪಡಿತರ ಪದಾರ್ಥಗಳನ್ನು ತರುವುದು ಕಷ್ಟವಾಗಿತ್ತು. ಕೆಲವರು ಆಟೋ ಅಥವಾ ಇನ್ನಿತರೆ ವಾಹನಗಳ ಮೊರೆ ಹೋಗುತ್ತಿದ್ದರು. ಇಲ್ಲವೇ ಸಹಾಯಕ್ಕಾಗಿ ಅವರಿವರನ್ನು ಬೇಡುವಂತಹ ಪರಿಸ್ಥಿತಿ ಇತ್ತು. ಕೆಲವು ವಯೋವೃದ್ಧರಿಗೆ ಬೆರಳಚ್ಚು ಬರದೇ ಪಡಿತರ ನೀಡಲು ಸಾಧ್ಯವಾಗದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಅದರಲ್ಲೂ ಕಾಡಂಚಿನ ಗ್ರಾಮಗಳಲ್ಲಿರುವ ಹಿರಿಯ ನಾಗರಿಕರಿಗೆ ಪಡಿತರ ತೆಗೆದುಕೊಳ್ಳುವುದೇ ದುಸ್ತರವಾಗಿತ್ತು. ಹಾಗಾಗಿ ಸರ್ಕಾರ ಜಾರಿಗೊಳಿಸಿರುವ ಅನ್ನ ಸುವಿಧಾ ಯೋಜನೆಯಿಂದಾಗಿ ವಯೋವೃದ್ಧರು ನ್ಯಾಯಬೆಲೆ ಅಂಗಡಿಗಳಿಗೆ ಅಲೆಯುವುದು ತಪ್ಪಿದಂತಾಗಿದೆ.