ಮಾದಪ್ಪನಿಗೆ ಮಾಕಳಿ ಬೇರಿನ ಉಪ್ಪಿನಕಾಯಿ ನೈವೇದ್ಯ

ಪಷ್ಠಿಯ ಮಾರನೇ ದಿನದಿಂದ ಸಂಕ್ರಾಂತಿಯವರೆಗೆ ಸಾಲೂರು ಬೃಹನ್ಮಠದ ಪೀಠಾಧಿಪತಿ ಶ್ರೀಶಾಂತಮಲ್ಲಿಕಾರ್ಜುನ ಸ್ವಾಮೀಜಿ ಅವರ ಉಪಸ್ಥಿತಿಯಲ್ಲಿ ಬೇಡಗಂಪಣರ ಸಂಪ್ರದಾಯದಂತೆ ಮುಂಜಾನೆ ವಿಶೇಷ ಪೂಜೆಗಳು ನಡೆಯಲಿವೆ. ಈ ಸಂದರ್ಭದಲ್ಲಿ ಬೇಡಗಂಪಣ ಅರ್ಚಕರು ಉಪವಾಸವಿದ್ದು, ನೈವೇದ್ಯಗಳನ್ನು ಸಲ್ಲಿಸುತ್ತಾರೆ. ಅಂತೆಯೇ ಸೋಮವಾರವೂ ದೇವರಿಗೆ ನೈವೇದ್ಯವನ್ನು ಇಡಲಾಯಿತು.

ಮಾದಪ್ಪನಿಗೆ ಮುಂಜಾನೆ ಪೂಜೆ: ಸೋಮವಾರ ಮುಂಜಾನೆ 3 ಗಂಟೆಗೆ ಪೂಜೆ ಪ್ರಾರಂಭವಾಯಿತು. ಮೊದಲ ಪೂಜೆ ಅಭಿಷೇಕ ಮತ್ತು ಅರ್ಚನೆ ಮಾಡಲಾಯಿತು. ಮಹಾ ಪ್ರಸಾದವನ್ನು ಅರ್ಪಿಸಲಾಯಿತು. 5.45ಕ್ಕೆ ಪೂಜೆ ಮುಗಿಯಿತು. ಸಾಲೂರು ಶ್ರೀಗಳು ಪೂಜೆಯಲ್ಲಿ ಪಾಲ್ಗೊಂಡರು. ಪೂಜೆ ಮುಗಿದ ನಂತರ ಪಾರ್ವತಿ ಮತ್ತು ಪರಮೇಶ್ವರರ ಉತ್ಸವ ಮೂರ್ತಿಗಳನ್ನು ದೇಗುಲದ ಪ್ರಾಂಗಣದಲ್ಲಿ ಮೂರು ಸುತ್ತು ಉತ್ಸವ ಮಾಡಲಾಯಿತು.