ಕಲ್ಲಂಗಡಿ, ಕುಂಬಳಕಾಯಿ, ಸೋರೆಕಾಯಿ, ಬಾಳೆ, ಕ್ಯಾರೆಟ್, ಹೂ ಕೋಸ್, ಆಲೂಗೆಡ್ಡೆ ಹಾಗೂ ಇನ್ನಿತರೆ ಹಣ್ಣು ಮತ್ತು ತರಕಾರಿಗಳಿಂದ ವಿವಿಧ ಬಗೆಯ ಕಲಾಕೃತಿಗಳನ್ನು ರಚನೆ ಮಾಡಲಾಗುತ್ತಿದೆ. ವಿವಿಧ ಕ್ಷೇತ್ರಗಳ ಗಣ್ಯರು, ರಾಜಕಾರಣಿಗಳು, ಅಧಿಕಾರಿಗಳು, ಸಾಧಕರ ಚಿತ್ರಗಳನ್ನು ಹಣ್ಣುಗಳಲ್ಲಿ ಕೆತ್ತನೆಮಾಡಲಾಗುತ್ತಿದೆ. ಇದರೊಟ್ಟಿಗೆ ವೆರ್ಟಿಕಲ್ ಗಾರ್ಡನ್ ನಿರ್ಮಾಣ ಮಾಡಲಾಗುತ್ತಿದೆ. ಅದಲ್ಲದೇ ಜಿಲ್ಲೆಯ ರೈತರು ಬೆಳೆದ ಹಣ್ಣು, ತರಕಾರಿ, ಹೂವುಗಳನ್ನು ಪ್ರದರ್ಶನ ಮಾಡಲಾಗುತ್ತಿದೆ. ಮಾರಿಗೋಲ್ಡ್, ಸೇಲೋಸಿಯಾ, ಜಿನ್ನಿಯಾ, ಸೆಲೇವಿಯಾ, ಪೆಟೂನಿಯಾ, ಪ್ಲೋಕ್ಸ್, ವಿಂಕಾ ರೋಸಿಯಾ, ಬಾಲ್ಸಮ್ ಎಂಬ ವಿಶೇಷ ಬಗೆಯ ಹೂವಿನ ಗಿಡಗಳನ್ನು ಬಳಕೆ ಮಾಡಲಾಗುತ್ತಿದೆ. ಅದಲ್ಲದೇ ತಾಂತ್ರಿಕ ಬೇಸಾಯ ಪದ್ಧತಿಗಳಾದ ಅಣಬೆ ಬೇಸಾಯ, ಜೇನು ಕೃಷಿ, ಸಮಗ್ರ ಮತ್ತು ಸಾವಯವ ಬೇಸಾಯ ಪದ್ಧತಿ ಹಾಗೂ ಪರಿಗಳ ಪ್ರದರ್ಶನ ಇರಲಿದೆ. ಹಣ್ಣು ಮತ್ತು ಅಲಂಕಾರಿಕ ಗಿಡಗಳ ಮಾರಾಟ ಮಳಿಗೆಯನ್ನು ತೆರೆಯಲಾಗುತ್ತಿದೆ.
