ನೀರಿನ ತೊಂಬೆ ಶುಚಿಗೊಳಿಸಲು ಒತ್ತಾಯ

ಮದ್ದೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಒಳಪಡುವ ಗ್ರಾಮದಲ್ಲಿ ಹಲವು ತಿಂಗಳಿಂದಲೂ ನೀರಿನ ತೊಂಬೆಗಳನ್ನು ಶುಚಿಗೊಳಿಸಿಲ್ಲ. ಪರಿಶಿಷ್ಟ ಜಾತಿ ಹಾಗೂ ಉಪ್ಪಾರ ಬಡಾವಣೆಯಲ್ಲಿರುವ ನೀರಿನ ತೊಂಬೆಗಳು ಪಾಚಿ ಕಟ್ಟಿವೆ. ಸುತ್ತಮುತ್ತಲೂ ಅಶುಚಿತ್ವ ತಾಂಡವವಾಡುತ್ತಿದೆ. ನೀರಿನೊಂದಿಗೆ ಪಾಚಿಯೂ ಬರುತ್ತಿದ್ದು ಈ ಕಲುಷಿತ ನೀರನ್ನೇ ಬಳಸುವ ಅನಿವಾರ್ಯತೆ ಇಲ್ಲಿನ ನಾಗರಿಕದ್ದಾಗಿದೆ.

ಈ ಬಗ್ಗೆ ಸಂಬಂಧಪಟ್ಟ ಪಂಚಾಯಿತಿಗೆ ಹಲವು ಬಾರಿ ದೂರು ನೀಡಿದ್ದರೂ ಶುಚಿಗೊಳಿಸುವಲ್ಲಿ ಪಂಚಾಯಿತಿ ಅಧಿಕಾರಿಗಳು ಮೀನಾಮೇಷ ಎಣಿಸುತ್ತಿದ್ದಾರೆ. ಈಗ ಬೇಸಿಗೆ ಕಾಲವೂ ಬರುತ್ತಿದೆ. ಈ ನೀರನ್ನು ಸೇವಿಸಿದರೆ ರೋಗ ರುಜಿನಗಳು ಹರಡುವ ಭೀತಿಯೂ ಇದೆ. ಹಾಗಾಗಿ ತೊಂಬೆಯನ್ನು ಸ್ವಚ್ಛಗೊಳಿಸಬೇಕು ಎಂದು ನಿವಾಸಿಗಳಾದ ಮಹದೇವಸ್ವಾಮಿ, ಕುಮಾರ್ ಇತರರು ದೂರಿದ್ದಾರೆ.