ಸಿಎಂ ಪದಕ ಪುರಸ್ಕೃತ ಶಿವನಂಜಶೆಟ್ಟಿ ಅವರಿಗೆ ಸನ್ಮಾನ

ಚಾಮರಾಜನಗರ ತಾಲೂಕಿನ ಕೋಡಿಮೋಳೆ ಗ್ರಾಮದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಪದಕ ವಿಜೇತ ಸಿ.ಶಿವನಂಜಶೆಟ್ಟಿ ಅವರನ್ನು ಸನ್ಮಾನಿಸಲಾಯಿತು. ಕೋಡಿಮೋಳೆ ರಾಜಶೇಖರ್, ಗೋವಿಂದಶೆಟ್ಟಿ, ಪ್ರಕಾಶ್, ನಟರಾಜು, ನಾಗನಾಯ್ಕ, ಆಲೂರುಮಲ್ಲು, ಬಸವನಪುರ ರಾಜಶೇಖರ್ ಇತರರಿದ್ದರು.

ತಾಲೂಕಿನ ಕೋಡಿಮೋಳೆ ಗ್ರಾಮದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸಿ.ಶಿವನಂಜಶೆಟ್ಟಿ ಅವರನ್ನು ಗ್ರಾಮದ ಎಲ್ಲ ಸಮುದಾಯದ ಮುಖಂಡರು, ಯಜಮಾನರು, ಸಂಘಸಂಸ್ಥೆಗಳ ಪದಾಧಿಕಾರಿಗಳು ಸನ್ಮಾನಿಸಿ, ಗೌರವಿಸಿದರು.

ಈ ಸಂದರ್ಭದಲ್ಲಿ ಹಾಪ್‌ಕಾಮ್ಸ್ ಅಧ್ಯಕ್ಷ ಕೋಡಿಮೋಳೆ ರಾಜಶೇಖರ್ ಮಾತನಾಡಿ, ಶಿವನಂಜಶೆಟ್ಟಿ ಕೋಡಿಮೋಳೆಯಂತಹ ಕುಗ್ರಾಮದಲ್ಲಿ ಜನಿಸಿ, ಗುಣಮಟ್ಟದ ಶಿಕ್ಷಣಪಡೆದು, ಪೊಲೀಸ್ ಇಲಾಖೆಯಲ್ಲಿ ಉತ್ತಮಸೇವೆ ಸಲ್ಲಿಸುತ್ತಿದ್ದಾರೆ. ಶಿವನಂಜಶೆಟ್ಟಿ ಅವರು ಸಿಎಂ ಚಿನ್ನದ ಪದಕಕ್ಕೆ ಭಾಜನರಾಗಿರುವುದು ಗ್ರಾಮದ ಎಲ್ಲ ಸಮುದಾಯದವರು ಹೆಮ್ಮೆ ಪಡುವ ವಿಚಾರವಾಗಿದೆ ಎಂದರು.

ಸಾಮಾನ್ಯ ವ್ಯಕ್ತಿಯನ್ನು ಅಸಾಮಾನ್ಯ ವ್ಯಕ್ತಿಯಾಗಿಸುವ ಶಕ್ತಿ ಶಿಕ್ಷಣಕ್ಕಿದೆ. ಹೀಗಾಗಿ ಪ್ರತಿಯೊಂದು ಸಮುದಾಯದವರು ತಮ್ಮ ಮಕ್ಕಳಿಗೆ ಶಿಕ್ಷಣಕೊಡಿಸಬೇಕು. ಶಿವನಂಜಶೆಟ್ಟಿ ಅವರಂತೇ ಪ್ರತಿಯೊಬ್ಬರು ಸಾಧನೆ ಮಾಡಬೇಕು ಎಂದರು.

ಈ ಸಂದರ್ಭದಲ್ಲಿ ಮುಖಂಡರಾದ ಕೋಡಿಮೋಳೆ ಗೋವಿಂದಶೆಟ್ಟಿ, ಪ್ರಕಾಶ್, ಗಾ.್ರಪಂ ಮಾಜಿ ಅಧ್ಯಕ್ಷ ನಟರಾಜು, ನಾಗನಾಯ್ಕ, ಆಲೂರುಮಲ್ಲು, ಬಸವನಪುರ ರಾಜಶೇಖರ್, ಶಂಕರ್, ಹರೀಶ್, ಯಜಮಾನರಾದ ರಂಗಸ್ವಾಮಿ, ರಾಜಶೆಟ್ಟಿ,ಜಯಶಂಕರ್, ಮಹೇಶ್, ಗೌಡಿಕೆಮಹೇಶ್, ಪರಶಿವಪ್ಪ, ರಮೇಶ್, ಶಿವನಾಗಪ್ಪ, ಕುಮಾರ್, ಲೋಕೇಶ್, ಬಸವರಾಜು, ತಾಪಂ ಮಾಜಿಸದಸ್ಯ ಪುಟ್ಟಸ್ವಾಮಿ,ರಾಜಣ್ಣ, ಭಗತ್‌ಸಿಂಗ್ ಯುವಸೇನೆ ಅಧ್ಯಕ್ಷ ಕಾಂತರಾಜು ಹಾಗೂ ಇತರರು ಹಾಜರಿದ್ದರು.